¹ Isu va agovitae avame kamana utae tavetave wa waya kayowani atati.Eva asima ka kanupindi wandie kayo wani ama inati vainde miti maramitae.Kana tavetave wa waya mindae kayowani atati mima avitae. ² Isu va wena napiena kamana wena way`a awa awame kamana pisa,kana awame kasavindi igeti watae,pipa nana ena kamana omindie. <sup>3</sup> ''Aviyo,piyamba eriya wa yogavindi wakivemipa aindana akena wakie. <sup>4</sup> Piyama eva eriya puma aindana amamie kina,kaisa aindana kei tungain tegina piyama kavarama kanama kana aindana va nakie. <sup>5</sup> Kaisa aindana mema avora esegi vemipa wena yawa mavi kampa wena ma`a watagivipa esekie.Kaisa aindana va avagando avora tae kana mava kampa ogi ma tumindie. ⁶ Piyama pa ikiwemipa,igeva asavakie,pipa nana viema kampa avuva pa kampa tuimindie mavindi,piyavuma asawae. ⁷ Kaisa aindana esekivipa akeyoni vikivemipa esakie.Kana aindana avoraki vipa ima kaisa amana nainda motandie,piyama amana nainda kampa ogima maratae naindava. ⁸ Kaisana aindana esakivipa ogimavindi tumikipa ekie wena nainda. Piyavuma kaisa naindava piyama avoratae tetiva,kaisava siksti va,kaisava handereti wane. ⁹ Aindiwa piya utae, kendo age vikivemipa avikie,ato avikia! ¹⁰ Piyama Isua aviwa mitandie, piyama ka isa kinake tweruf wa eriya yakara avigatae kana awame kasama agova. ¹¹ Eva piya utae, tigeva ago kaka mi napiena meyae Anutu kuma. Piyama kendo avei mikivemi pa, ayaema ena kamanapa awame kasara waintie. ¹² Piyama egewa agatae, kanarapio agakivepa kampa ogima agakive, tigewa aviyo, tigewa avima kampa savevikive.Igewa agama save vuma avema kanakive Anututi kanama agunda enawa kaikie. ¹³ Aindiva piya utae igeti, tigeva kampa save kaika napiena agovapa awame kasa? Kana tigeva kampa agama save vikive kana awame kasama agova. ¹⁴ Kendo eriya pikivemi dagarawa wena aindana akie,eva piyama wasana mikie Anutu kasa akena. ¹⁵ Kana amana aindana keavari esaki vemipa, piyama, Kanama esaki vemipa piyama avikivepa agarosama, Aruya garama kanama maegasae pikamana pa piyavu ma tumitine ige pindi. ¹⁶ Kanara tungai tae piyavuma wena yava vaindapi tunga tae, ige wa waya pika mana avima avaga ando metae amunda navisa. ¹⁷ Igeva kampa ogima avuma tumindie mavindi piya vuma aro kana mikie. Aindi, piya vuma kundaena 'ge egasa maena'ge piya vuma iyaru puita tae nana kamana ando pikundu ge egasa ena vindie esava tae. ¹⁸ Piyama to kaisa aindana akapi esaki vemipa ake ina vindemi pindi. ¹⁹ Piyama ma mavindisa kunda nae, akunindie ago kasa ma mavindisa ena indavi asie piyama vena ena mema Anutu kasa naginda kive, piyama eva kampa naindava avora kie. ²⁰ Aindiva, kana aindana tumi kivipa ogi mavindi tumikie, piyampa kendo avikivipa Anutu kamana mekie pikamana, piyampa naindava avora kive. Kaisava marakive nainda wa piyampa teti wa,sisti wa,andreti wa yaga agaikie nana namba akivem pepa. ²¹ Isu piyama kamanava utae,"Tigeva savevikive mekena kanepa merite kano namapindi atakena kopindio maru amendapi? Tigeva save vio mekena kanepa mema inati esavati ampa atakive." ²² Ayavikena,kampa kaena vindie kakakie piyamba kampa savevikive,kampa kaena piamba kakakie to'o avorapakampa vikie. ²³ Piama kaisa agevikivemipa avikie,egeva aviyo. ²⁴ Piama kamana utae,"Kageatama avo.Nanamakita kewa makimivene, kana makitapa ke makim ipuma inati atakive." ²⁵ Nanavikena,ulindie, piyampa epa wenawena amikive kaisava kambae,epindiwa kaisa ena mekive epi windemi ena. ²⁶ Piama eva utae,"Anutu kumapa piyavuma kayagarama piama akie amana aindana mavi." ²⁷ Eva asenavindi waima arapa asite,piamba amana aindana piama mavindisa ima ima inati avorae. ²⁸ Mava avorapie nainda evate,amaruti aewapa avorakie aindiva naindava toindiva nainda wapa tavevikie. ²⁹ Nainda redi viki vemipa,yoga vikena yagara save vikie yogi mema kasakie naindava merite auti vikena,naindava agoredivie mekena. ³⁰ piama kamana utae,"nanaena tegewa pukune Anutu kumapi:Nana awame kasa uma puma avoratapawa Anutu kumapa? ³¹ Piavuma ka'a amna amna nainda akivepa,tagane amana amana pie ayaemawa naindava mavindi wae. ³² Piambae,pia taimi akivepa,piyavuma avorama tavevikie e'eropuma kaikie ayaema yake yonike kaisa yogavindi vindemi.Piama avoravie tave yanda amawa kavava kanama namawa kie". ³³ Wena wena awamekasa,usitae Anutu kamana omo piavuma luksavevikive, ³⁴ ayaema kamana igeti eriakarake,piama kamanapa utae avorata ayaema napiwa utae awame kasanda. ³⁵ Kanabi tanga atami,piamba utaeigeti,"tigewa waiyo kayowani mogaukai." ³⁶ piya vutagina ikewa tave wa'awaya kaite Isu ge'e mema mindae,nanavikenae Isuwa ago kenupindi ago mindie.Kaisa kenuge watadie. ³⁷ Toaindiwa ,ka'a tave ponda asikie kayowaniti puma apakopuma kenu insaitivindi arogutaimindo pumekie kenupi. ³⁸ Piavutagina,Isua e'avi kenu akai waitamitae.Kana kayokaya yakarawa asima omitae,"posenda yagara,kewa kamapa ogima savevie piyama arotaimindo purikive?" ³⁹ piama asima piautae pondagage kayowani piae,"Pasema miye!A'asio!"Aindiva,pondagava nagarikivene kayowani kewa pasema miyo. ⁴⁰ Aindiwa piautae kayokaya yagara wati,"Ayavikena tigeva tiyekuruve?Tigewa kampa kamatitive?" ⁴¹ Kana kayokaya yakara ekuruma akapi evati kamana utae,"kendoe,kana pondage kayowani ekamana avitae?"