¹ To yaga,Migarana-kena yaga Isu to Juda kinami mono nama pinti wantie.Piya pogana pita ka yagara aya purinta yagara mintantie, ² Kaisa kinami iyo atama mintu'guna pigo Isu ka ata napiena puntae. ³ Isu aya purinta yagara ma omintie, ''Asima wa'ama ivakapi miyoma untie, ⁴ Ainti wawaya ivigantie migarana kena yaga eria bukuopa kuntaena amukuopa, ''Auma amukuopa, aikuegana purikivpa? ''Pigo igeva pasemanto mintae, kampae igeva pasema to mitatae. ⁵ Isu anta asugu ,ena yaga igantie antarata enama tavera igekave, waintanti nanaviema intava egiwantie. Pigo kana yagara omintie kaya aparutoma. Aya aparutokana Isu kanara potantie. ⁶ Pigo Farasi kinami agate. Herodi kinati kamana maetae wama oimitae. Isu aegukunema. ⁷ Pigo aintiva,Isu ge kayokaya kina, wawaya kayo wani atati tumitae,Piya, uwena Galili,Judia kina ⁸ Jerusalemi ge Idumea ka atuti Jodani kapi Taya ge Saidoni igeva egarantae. ⁹ Isu kayokaya yagara eria imintie amana kanu tumpaima yoke piyoma igarupatae pipa nanapiema uwaina kina pa kanamamiema utae. Ka'ena ayugu ena apusanaga aogi puitanie. ¹⁰ Uwaina gina aogi puitantie, Ayama enugina aogi puitate igepa kanama auta aukama kanara pisiema avira mintatie. ¹¹ Ata awamusa'ama agogana awarepuatae utae, kage Anutu tagarakae. ¹² pigowa nagepa namima aporapa nataiyoma utae . ¹³ Eva ka-amuti kegeuma ago ivavuntakina amuti aki-puntae. ¹⁴ pigo piti kayokaya yagara [12] twelve ivaputama mono e-riyata igaruwatae. ¹⁵ Pigo ige ata awamusa akaruwagena ege enage imimintie. ¹⁶ Pigo eva [12] twelve kayokaya yagara ivavotama, saimoni na pita'a. ¹⁷ Sepeti dagaravama Jemisi akanto Joni e-e ago Boankes,Pigowa igeba antaru emi na tagara wema; ¹⁸ Piya Andrew,Pilipi,Patalomi,Matiyu,Tomasi,Jemisi,Alpeasi,Tateus,Saimoni akewa ome Zilot, ¹⁹ Judasi ke Isu apapuma agama kinami iya pi ata kena yagara-e. ²⁰ Ainti namati watae,uwaina kina muntuguna isa-a kampa nakena waintatie. ²¹ E-e tuwami avaumepa igeva wantae avavigena igepa utaie.''Napinapi ena wampa kampa aogi piyema.'' ²² Piko tongiya kamana kaikena kinami.''Jerusalemi kumatisa utae,''Belsiba epa pipinti mintiema,ata awamusa reia ama aineva agarupa kena eria. ²³ Isu evati kegeuma itama uimitie meto kamana pisa,Ayapuma aruyagarama agaru pagie to aruyagarapa. ²⁴ Ka kuma epako puntanana aya puma to asoya puma abntaparu enae magie.Pgowa ka nama-ama aka epako e-e kana,pa ayapikena kampa eva pa asikiye. ²⁵ Pigo kanama eva aikima,pindamapa kamba asikie evapa. ²⁶ Pigo va aru yagarama eva asima amokamana ikena kampa asigie. ²⁷ Ka esegi yagarama nama pindi kamba ikasavama kotapa magie,epa araguma igana kitama kota pa mekie. ²⁸ Takataka kama na urimue,ayaema agunta ena puntini untini pigive pa Anututi eva iye akunta megakiye. ²⁹ Pigova Awamusama kaigivepa akaisa kamana ,Anutupa kampa maigakie,akuntava epa waiya va waiya va pigie agundaienava. ³⁰ Isu e-eva piya kama untie pipa nana viema,wasanami untae,''Epa ata avamusa urintiema. ³¹ Ano, aganto ikeva avei nama amapa amitatae,igeva kayagara agarupau gana kege ureite tumoma avei. ³² Uwaina waya awa Isu inkima mintini omitae,kanogampa ike ka nato kagusagaema. ³³ ''Epa oimintie.''Kegi nanonempagi nanan togi ema?'' ³⁴ Eva igama meta mengata,kegi agae inkima mintuwe kina puntana untie. ³⁵ Tagataga kento Anutu aoma egara kipi pa,pipa waya awa ige nanto namanama ke nanonempa gie naenae.