¹ Mewoi id uzat tengale, egin ilo panek lon, bubed gawai ien. ² Dal ta lon, id abang ainta mamai inan kukum lak tibiti. Id Anut azu so bininei, maliknen bengten itase, dinek azu gauai lon id taitai inad kankan Anut naunnen. ³ Id inad Anut azu me dipadalnen me nadin. ⁴ I lon, Anut sain e ladin lon maliknen tea me inang nenemedin inan maladin itau, mewoi Kristus inan sai inan lelman, i Anut inan naulalek inan lelaman fodin lak tea. ⁵ Id binad oi tea, ge Kristus Jesus i Ujanzen, am oina uzat ai Jesus lon. ⁶ "I Anut , I ibol, mafuz ilonnen lelaman itasaoi. "I bubeg lon lelaman oi, mangau inan lelaman Anut bingan Jesus lon. ⁷ Ge id filian tinid tan e ilon, mewoi Anut tiwon latnen mok, id tiwod lon tea. ⁸ Id dal gauz lon dibitiniad, ge so zigiad. Id diziad anenanen, tepatatale. ⁹ Id muzuan lon tadu, ge so tazut. Id difunad tadu ge so pitinginad. ¹⁰ Sain dangan Jesus inan mateng tengaby tatoz, megin pa Jesus inan bas benten itasoi. ¹¹ Mewoi id bas temadotame, Id Jesus oi tematoi, megin pa Jesus inan bas me id inad tan e inan tinin lon itasa oi. ¹² Mewoi mateng i am ilonen uzat inou, ge bas dedenganeknen me o lon. ¹³ Ge am lamalon maliknen inan uz fun taimon dangan, megin degazelak. Nga iloglon malik, mewoi ngabol, am dangan lamalon malik, mewoi am mei abol. ¹⁴ Am along it Jesus funguni lak, i am mai fungunumaoi, am Jesus mai o naun nen. ¹⁵ Abang e dangan me owoi ge, mewoi kanim tamolpain gauzoi ien lak, me Anut inan bingan imais sansan oi. ¹⁶ Mewoi id so tibiniwoi, id tinid se imoi oi,ge inad ilon tamol, i siben faun inou mug oi nal dangan lon. ¹⁷ Id inad saen e inan uzeknen, me dadanganeknen inan bingan ujan isase. ¹⁸ Am abang gazo diendime me so anasiame, ge abang tanasinen tea, fun me abang tanasitame me saen tituk e inan, ge abang so tanasitame me saen dangan dadanganip ien oi.