¹ Dangan sibed pezpanek faun fun tenauoi ? I am oina Gazek naun penamalak me izinen so angalewoi, tamol aenta egin me am tea ulong ? ² Sibe me amnama Gazek tamol bubumilon gazeklak, along tamol dangan i me dusutiwoi. ³ Bengten along o Azu gazek Kristuslon uselak, inoklon so dagazelak, ge Anut inan Uz Gunlon Tafel Patlon so dagaze tea, Ge tafel tamol inan Bubenlon. ⁴ Ge amnama Yatek me Kristuslon ge Anut mai batek. ⁵ Am so sebama nama alongnenlon uzat anauame, tea alonen me Anut izinen angaleame, ⁶ it i alongnen penamag temaneknen faun inan uzat e anauame azu gazeklon tea azu gazek me abang imatlak ge, auan Uz Gun i bas dadanganeknen panadime ⁷ Gazo uzat e imat tap tanlon panewoi - Azu gazek, Patlon me - inan Kubel Israel nanun gaz Moses naun danasinen tea, Ujanzen inan Kubel me naunlak lalaman, ⁸ ge Uzgun inan uzat inan kubel me ujan? ⁹ Mesalanek inan bian uzat kubel dangantap, taoz inan bian uzat kubel gauz bellenganime. ¹⁰ Malik i get Kubeldanganlak me mug kubel tea, Kubelta i belengani oi. ¹¹ Lelain binilak me Kubel dangan itasetap dedenganeknen kubel gizaud moklak. ¹² Am megin uzuazou lakoi, am gauz abolame, ¹³ Moses egin tea i Yamel lon naon toanilak, megin ge Israel inan kubel wagam so danasiwoi ¹⁴ ge nadin kankan gegaun inau, getnen ge gazo i temanek getnen inan Azu dusutimap toaneknen Yamel meso pasilak Kristuslon me pasiwoi. ¹⁵ Gazo i Moses Azu dusutimap Yamel ta nadin kankan toamme. ¹⁶ Ge tamol ta i Ujanzen dangemap i Yamel me pasiwoi ¹⁷ me Ujanzen i Uz Ujanzen inan Uz madoime melak tamol pasek oi madoime ¹⁸ id dangan naod so toaneklaklon Ujanzen inan Kubel tenasimap id buladsap inan kubel lon tezepasadpa i mok walis kilian Ujanzen i Uzlakoi megin inauoi.