¹ Nihenu ma aye iboki shi ire mum sa izi iri sa Ugomo Asere mabuki, daki ma buka shi kadure in daki a hira urusa utize nani urosa ire mum ba. ² Ma wuzi ugungunu anyimo iriba uganiyasa indi cukunu nan shi sa ingi daki bezizi shi tire timumun in daki tize ta sere nine be rere memani agankirka me utiti. ³ Utuba u aye um a hire ashime mazin ini kara ba makiri barki biyayau. ⁴ Tize tum nan nu bezizi utize ta sere daki wa tun no uguna atarsi seke nyani urosa ya cukuno imum be sa tize ti bibe birere aza agi. ⁵ Barki kati urosa ushi ucukuno wanabu, ceki ucukuno wa sere. ⁶ Vat ani me tizin tize ahira anu urosa adesa wa una anyimo a tize ti kadura ka we me azo uguna urosa wa nu uganiya ugime daki wanu ganiya ugime sa udi mara ba. ⁷ Ane ani tizin tize tu rosa a sere tigeba satize nihuzi, urosa sa wazi datti ni hunzi, unu uni urosa wa sere sama barka uni datti barki ninonzo niru. ⁸ Anyimo ana ti gomo ti aname unu urosa igino me mazoni, barki gusi wa rosiwa da gankirka me Ugomo Asere utiti me ba. ⁹ Kasi unyetike me sawazi "Vati imum be sa yazi a hira a sere ma barka anu tarsa umeme unu urosa mazoni daki uye mamu kunna ba, nyani uye mā mu cukuno ma iri". ¹⁰ Ine ini Asere abezizi duru ti mummu, usoro abibe, timummu ta sere tu zatu urosa u ira. ¹¹ Aveni madaki ma rosi imumu sa iraa anyimo iruba i uyeh, indaki bibe bi meme? ane ani izi, unu urosa ubassa ababga Asere mazoni bibe basere bini bizicas. ¹² Haru me inzo bibe bi unee bini tizin inu kaba me ba, indaki bibe begibesa bira a hira Asere, barki tirose tire timumun sa Ugomo asere ma nyan duru in ni ruba inde. ¹³ Tizi inu boo ushi timumum, azo agurang sa azi nu bezi usuro urusa unu boo ba indaki ubibe, ahira ubezi imum be sa an de sa wazin bibe. ¹⁴ Unu ugebe sa bibe bi Asere bitarsa imeba me daki ma kabi tize ti bibe bi Asere ba, ahira ame me imumum i babana ini ma dakirusa ini ba, usuro ahira abibe bi Asere bini aka rusi. ¹⁵ Unu besa bibe bi tarsan me, ma dake ma mansa konde nyani, unu mansa ume ma rani ba. ¹⁶ "Aveni ma daki ma rusi iriba ya Asere harsa ma dake ma bezizi me? haru me ti zin muriba ma Asere.