60 ⁴ ولی کسانی کی تی جَه ترسه ئِد رِه، پرچمی راستَ کودی تا اوشَأن دوشمنانِ تیرانِ جَه به اونِ جیر پناه بوبورد. ⁵ خودتِ راستِ دسِ اَمرَه مرَه نجات بدن و مرَه اجابت بوکون، تا اوشَأنی کی تی محبوبد خلاصَ بود. ⁶ خداوند خو مقدسِ جایگاه جَه گب بزَه دَأره و بفرماسته: شادمانی اَمرَه شهرِ شِکیمَ تقسیم کونم و دشتِ سُکّوتَ اندازه گیرم. ⁷ جِلعاد می شینه و مَنَسی هم می شین، اِفرایِم می کُلاهخوده و یهودا می سلطنتِ عصا. ⁸ موآب می دس شوستَنِ لَگَنه، و می کفشَ تَأوَأدم اَدومِ طرف، و فلسطینِ سر پیروزی وَسی فریاد زنم. ⁹ کیه کی مرَه بوبوره شهرِ حصار دارِ دورون؟ کیه کی مرَه اَدومِ طرف راهنمایی بوکونه؟ ¹⁰ خدایا مگر تو نی ایی؟ تویی کی اَمرَه فیشاده دَأری و دِ اَمی سپاهیانِ اَمرَه بیرون نَأیی. ¹¹ دوشمنِ پِشِ جَه مرَه یاری بوکون، چون انسان کمک فایده ای نَئره. ¹² خدا یاری اَمرَه اَمَأن پیروزَه بیم، اون اَمی دوشمنانَ پامالَ کونه.