29 ¹ ای آسمانِ فرشته یان، خداوندَه ستایش بوکونید، اونِ جلال و قوّتَ ستایش بوکونید. ² خداوندِه پور جلالِ نامَ ستایش بوکونید، خداوندَه لباسِ تقوا و تقدسِ اَمرَه ستایش بوکونید. ³ خداوندِه صدا آبانِ اوطرفِ جَه ایشتَأوسته بِه، جلالِ خدا رَعدِ مَأنستَأن غُرش کونه و اونِ صدا جی آبانِ رو طنین تَأوَأده و ایشتَأوسته بِه. ⁴ خداوندِه صدا پور قوّته، خداوندِه صدا پور شکوهه. ⁵ خداوندِه صدا سروِه دارِ آزادم ایشکینه، حتی لبنانِ سَروایِه آزادَه. ⁶ کاری کونه کی لبنانِ کوهان ایتَه گوساله مَأنستَأن اَطرف اوطرف بپرد و حِرمون کوه هم ایتَه جوانِ گاو وحشی مَأنستَأن واز واز بوکونه. ⁷ خداوندِه صدا رَعد و برق بوجود اَوره، ⁸ خداوندِه صدا بیابانَ به لرزه اَوره. خداوند صحرایِ قادِشَ به لرزه اَوره. ⁹ خداوندِه صدا سروِ دارانَ لرزَأنه و جنگلانَ بی برگ کونه. اونِ معبدِ دورون همه ندا کوند، جلال بر خداوند. ¹⁰ خداوند توفانِ آبِ رو بینیشته، خداوند ایتَه پادشاه مَأنستَأن نیشته، تا اَبدالآباد. ¹¹ خداوند خو قؤمَ قوّت بخشه، خداوند خو قؤمَ صلح و سلامتی نصیب کونه.