11 ¹ خداوندَه توکل دَأرم، پس چره مرَه گوئید پرنده مَأنستَأن فرار بوکون کوه جُر. ² چون شریران خوشَأنِ کمانَ بدس بیگیفتد و تیرَ بنَه دَأرد اونِ میَأن تا تَأوَأدد دوروستکارانِ طرف. ³ وختی کی نظم و قانون جی میَأن بیشه، دوروستکار مردای چی تَأنه بوکونه؟ ⁴ خداوند خو معبدِ مقدسِ دورون ایسَه، خداوند خو تختِ رو آسمانِ میَأن نیشته، خداوند آدمانَ دینه و دَأنه کی اوشَأن چی کوند. ⁵ خداوند دوروستکاران و بدکارانَ امتحان کونه. اون آدمِ ظالم و نادوروست جَه نفرت دَأره. ⁶ شریرانِ سر رو بارانِ آتش و گوگرد وَأرَأنه، بادِ سوزان اوشَأنِ نصیب بِهِه. ⁷ چون خدا عادله، اون عادلانِ کارانَ دوس دَأره و دوروستکاران اونِ حضورِ جَه زندگی کوند.