¹ Polo demais, irmáns, orade por nos, para que a palabra do Señor se espalle e sexa glorificada, tal como aconteceu convosco: ² e para que sexamos libres de persoas desencamiñadas e perversas, pois a fe non é de todos. ³ Pero o Señor é fiel, e afirmarávos e protexeravos do mal. ⁴ E estamos confiados no Señor tocante a vos, de que facedes e continuaredes a facer canto vos dicimos. ⁵ E o Señor ha encamiñar os vosos corazóns no amor de Deus e na paciencia do Mesías. ⁶ Pero mandámosvos, irmáns, no nome do Señor Xesús Cristo, que vos arrededes de calquera irmán que viva dun xeito desordenado, e non conforme o ensino que recbiron de nos. ⁷ Porque vos mesmos sabedes de qué modo debedes imitarnos, pois non vivimos dun xeito desordenado entre vosoutros, ⁸ nin comimos de moca o pan de ninguén, senón que traballamos arreo fatigándonos noite e día, para non sermos unha carga para ningún de vós; ⁹ non porque non tivésemos dereito, senón para darnos nos mesmos a vos coma exemplo, para que nos imitedes. ¹⁰ Porque cando estabamos onda vos, mandámosvos isto: o que non queira traballar, que non coma. ¹¹ Pois estamos a ouvir que algúns de vós viven dun xeito desordenado, sen traballar en nada e entremétense no que non é seu. ¹² A eses, mándámoslles e exhortámoslles agora no Señor Xesús Cristo, que se traballan con acougo, e que coman o seu propio pan. ¹³ E vós. irmáns, non cansedes de facer o ben. ¹⁴ Se algún non obedece a nosa palabra transmitida a través desta carta, sinaládeo e non vos xuntedes con él, para que sexa avergoñado, ¹⁵ pero non o tratedes coma inimigo, senón aconselládeo coma irmán. ¹⁶ E o mesmo Señor de paz vos dé sempre paz de todos os xeitos. O Señor sexa con todos vos. ¹⁷ O saúdo é da miña propia man: Paulo, o que é unha contrasinal en toda carta, Así escribo. ¹⁸ A graza de Xesús o Mesías, noso Señor, sexa convosco.