¹ Ousa algún de vós ir a xuízo ante os incrédulos e non ante os santos, cando ten algo na contra do seu próximo? ² Ou non sabedes que os santos xulgarán ao mundo? E se o mundo é xulgado por vós, non sodes competentes para xulgar os casos de menor importancia? ³ Non sabedes que xulgaremos aos anxos? Canto máis os asuntos desta vida! ⁴ Daquela, se tendes tribunais que xulgan os casos desta vida, por que poñedes por xuíces aos que non son nada na igrexa? ⁵ Digo isto para a vosa vergoña. Será que non hai entre vosoutros algunha persoa sabia que poida xulgar entre seus irmáns, ⁶ senón que preitea irmán contra irmán diante dos incrédulos? ⁷ De feito, xa é un erro entre vosoutros, que esteades metidos en preitos entre vós. Por que mellor non sufrides a inxustiza? Non será mellor ser defraudados? ⁸ Pola contra, vós mesmos defraudades e facedes inxustizas contra vosos irmáns. ⁹ Ou non sabedes que os inxustos non herdarán o reino de Deus? Non vos deixedes enganar: nen os inmorais, nen os idólatras, nen os adúlteros, nen os efeminados, nen os homosexuais, ¹⁰ nen os ladróns, nen os avaros, nen os borrachos, nen os difamadores, nen os estafadores herdarán o reino de Deus. ¹¹ E isto erades algúns de vós, pero fostes lavados, pero fostes santificados, pero fostes xustificados no nome do Señor Xesús Cristo e no Espírito do noso Deus. ¹² Tódalas cousas me son lícitas, pero non todas son de proveito.Tódalas cousas me son lícitas, mais eu non me deixarei dominar por ningunha. ¹³ Os alimentos son para o estómago e o estómago para os alimentos, pero Deus destruirá ámbolos dous. Con todo, o corpo non é para a fornicación, senón para o Señor, e o Señor é para o corpo. ¹⁴ E Deus, que resucitou ao Señor, tamén nos resucitará a nós mediante o seu poder. ¹⁵ Non sabedes que os vosos corpos son membros de Cristo? Tomarei, entón, os membros de Cristo e fareinos membros dunha prostituta? Diso nada! ¹⁶ Ou non sabedes que o que se une cunha prostituta é un corpo con ela? Porque El di: os dous virán ser unha soa carne. ¹⁷ Pero o que se une co Señor, ven ser un espírito con El. ¹⁸ Fuxide da fornicación. Tódolos demáis pecados que unha persa comete están fóra do corpo, pero o fornicario peca contra o seu propio corpo. ¹⁹ Ou non sabedes que o voso corpo é templo do Espírito Santo, que está en vós, que o tendes de Deus, e que non sodes de voso? ²⁰ Pois fostes comprados por prezo; polo tanto, glorificade a Deus no voso corpo e no voso espírito, que son de Deus.