¹ Saka haunepembedzo iwe munhu, unotonga vamwe; nokuti pachiro icho chaunotonga mumwe nacho, unozvipa nyaya kwauri. Nokuti iwewe, unotonga unoita zviro izvozvo. ² Asi tinoziya kuti kutonga kwaMwari ndekwechokwadi kune vanoita zviro zvakadai. ³ Asi ngwarirai izwi: Iwe munhu, unotonga vamweni vanoita zviro zvakadai, iwewe wechizviita vo, ungatizazo kutiza kudini kutonga kwaMwari ? ⁴ Kana wechiyeisa kufuma kwekunaka kwake, nemoyo wake wakanaka, nekuemera kwake, usingazivi here kuti kunaka kwaMwari kwunokuisa pakutendevuka? ⁵ Asi kuoma kwako nekutama, nomoyo kutendevuka, kwe moyo vako kwaununganidzira kwauri kutsamwa nezuva nezuva rekutsamwa, nekukhombedzwa kokutonga kwakatendeka kwaMwari. ⁶ Ena uchapa mumwe nomumwe kuchanda kwemabasa ake: ⁷ kune avo Vanotsvaka kugwinyisira ne mabhasa akanaka, anotswaka chiedza , nokukudzwa nekutsungirira pakuita zvakanaka, Ena uchavapa hupenyu hwusingaperi. ⁸ Asi kuchauya kutsamwa nehasha kunevanenharo, vasingateereri chokwadi, asi veiterera zvisinakutendeka. ⁹ Mwari wachaundza kutambudzika nenhamo kumweya mumwe nomumwe womunhu wakaita zvakachata, pekutanga wemuJudha, newomuGiriki. ¹⁰ Asi kubwinya, nokukudzwa, norugare kutcha uya kune veshe vanoita zvakanaka, kune muJudha kana kune muGirikivo. ¹¹ Nokuti Mwari haatendi zvinovonekwa zvomunhu. ¹² Nokuti veshe vakatadza vasinamurairo vachaparadzwa, ne veshe vakatadza vanomurairo, vachatongwa nomurairo. ¹³ Nokuti vanzwi vomurairo havasi avo vakatendeka pamberi paMwari, asi vaiti vomurairo ndivo vanoruramiswa. ¹⁴ Nokuti kana vahedheni vasinomurairo vachiita pachavo zviro zvomurairo, vachava murairo wavo vamene. ¹⁵ Nokuti vanokhombedza basa romurairo wakanyorwa mumoyo yavo, hana yavo ichipupura pamwe chete nazvo, nezvavanofunga pakati pavo zvichivapa mhosva kana kuvapembedza. ¹⁶ Izwi zwichaitika nezuva iro rokuti Mwari vanozotonga zvakafishiika zwevanhu veshe, kubudhikidza ne vangeri rangu, naJesu Kristu. ¹⁷ Asi kana iwewe unonzi muJudha, unovimba nomurairo, unozvirumbidza munaMwari, ¹⁸ unoziva kuda kwake, nokutenda kuti zvakanaka ndezvipi, uchidzidziswa nomurairo, ¹⁹ kuti iwewe ueizviti uri mutungamiriri wemapofu, nechiedza chevayani vari murima, ²⁰ nomurairi wamapenzi, nomudzidzisi wevacheche, zvaunomufananidzo wokuziva newechokwadi pamurairo, saka zvinga ngena sei mukurarama kwako? ²¹ Iwewe unodzidzisa vamweni, unoregerei kuzvidzidzisa? Iwewe unoparidza kuti munhu aregere kuba, unoba? ²² Iwe unoti usaita hupombwe, unobomba? Iwe unosema zvifananidzo, unobira maTembere ? ²³ Iwe unozvirumbidza nomurairo, unoshovora Mwari nokudarika murairo neiko? ²⁴ Nokuti, sezvazvakanyorwa zita raMwari rinomhurwa pakati pavahedheni nokuda kwenyu. ²⁵ Nokuti kutchetcheuswa, zwechokwadi, kunobatsira, kana iwewe uri muiti wemurairo; asi kana uri mudariki wemurairo, kutchetcheuswa kwako kwavakusakutchetcheuswa. ²⁶ Kana uyo usina kutchetcheuswaachichengeta zvirevo zvomurairo, ko kusadzingiswa kwake hakunganzwi kutchetcheuswa here? ²⁷ Nousina kutchetcheuswa kubva pakuzvarwa kwake, kana achichengeta murairo, haangakutongi here iwewe unodarika murairo, kunyange ne zwinyorwa ne kutchetcheuswa, uri mudariki we murairo! ²⁸ Nokuti uyo haazi muJudha, uri muJudha pakuvonekwa chete; kana nokutchetcheuswa hakusi kona kunovonekwa kubanze kwe nyama. ²⁹ Asi muJudha ndiye uri nechomukati, nekutchetcheuswa ngekwe moyo mumweya, kusiri kwegama. Ena haarumbidzwi nevanhu, asi naMwari.