¹ Tuyongola muvi zhivuke , vamunanana, kutuala ku kavumbi ka Kalunga kaje kava nahana ku vingeleka via mu Masondonia. ² Ngue omo muvietheko viakama via kayando, kuilana kua kujolela kuavo na kupulakana kua vuhutu vuavo vina neha vufuko vuakama vua kathingimiko. ³ Omo ange nji mukaleho nguavo vahanene viovathele muvuingi vuavio ngue movathelelemo, na kupulakana viovathele, lalo kuviyongola viavo vavenia ⁴ va tulambelelele vuathivuathi mpoko yaku pangetha vilinge evi ku vantu va Kalunga va kujela. ⁵ Evi kovia sholokele ngue motua viyonguele, vuno vavangele kulihana vavenia kuli Muene amba vuoshe kuli yetu ku viyongola via Kalunga. ⁶ Keho hakeho tukoletha Titu, uje uavaleka laja cipanga echi, kumanetha muliyeni echi chipanga cha vumpahu. ⁷ Vuno ove una kundama kuvioshe-mukuthselele, mu kukuania, mu mana, mu kukaniama kuoshe, nomo ua tu yongola. Keho lalo panga choshe uvule mu vumpahu ovu. ⁸ Nji na tumbula evi keti mu kushika. Nkuma cho, Ange Nji kuania evi linga njethekethe na chizhango cha ngozhi yove neyi ya vantu. ⁹ Ove uzhivuka ngozhi ya Muene uetu Yesu Kilistu. Nambe ngoco muakele mpite, omo lieni ualihakele kukakala muhutu, linga nguavo muvuhutu vuendi eni mu uane kufuka. ¹⁰ Mo viuma evi nji yongola Nji kunangule vi mikuatha yeni. Muaka unahiti, komua valekele lika kupanga vimo, vuno mua yonguele kuvapanga. ¹¹ Ngechi manetheni. Ngue omo kuakele ku likaniameka na kuyongola ku vipanga haje, atheni lalo ku vihetetha kukuhua, ngue mumo nomu momua vi shangumukile. ¹² Nga uyongola ku vipanga vipanga, acho chili chilinge chachili chakuatha kutambulako. Chavuahela kukala muliovio viakala navio muntu, keti omo lievi viajeneka. ¹³ Mukonda chipanga echi kochethi nguavo linga vakueni vathambue ove cho ulemu ue. Nkuma cho, hakale kupuitha mumo. ¹⁴ Kuononoka kuove kua nthsimbu yino yamualolo kutuhana viva thetela. Evi linga lalo kuononoka kuavo ku kuhane viutonda, keho lalo hakale kupuitha mumo. ¹⁵ Vili ngue mova vithona: "Uje uakele navio viavinge kathaleleko navikuavo lalo, nouje ua kele navia vindende kakele lalo nevi viakutonda." ¹⁶ Kushangala kukale kuli Kalunga, uje uahakele mumbunge ya Titu ngozhi yapua mumo neyi yonjakala nayo kuliove. ¹⁷ Endi ketavele lika kulomba kuetu, vuno ua kuthingimikile lalo. Uethile kuli yeni ku kuyongola kuendi vavenia. ¹⁸ Tuatumime kumo nendi munanana uje yova shangalele kuoshe mu vingeleka muvipanga viendi via kuambulula muzhimbu. ¹⁹ Keti ovio lika, vuno vamuhanguile kuva ka vingeleka mukuenda kumo netu mukuambata kuetu kavumbi ketu. Evi mu Kathingimiko ka Muene endi avenia na kuyongola kukuatha kuetu. ²⁰ Kotua yonguele umo linga a kalithimoke kutuala ku ngozhi eyi yotuli na kupanga. ²¹ Tu litakametha mukupanga vije via kathingimiko, keti lika kumesho a Muene, vuno na kumesho a vantu. ²² Tuli lalo na kutuma munanana mukuavo kumo navo. Tua muetheka muvingila viavingi na kumu uana kufuila mu viuma via vingi. Endi lalo ali na kuyongola ngechi mukonda lia kuthselela kuali nako muli yove. ²³ Vun kuli Titu, endi lihako liange na mukakupanga mukuetu uove. Kutuala kuva munanana cho, vavtuma ku vingeleka. Avo vali kavumbi kuli Kilistu. ²⁴ Keho valeketheni chilemo, na kuleketha ku vingeleka konda yetu yakulishangala omo liove.