¹ Yeso zam rami pukuraucin gǝri ma, "Na baci lǝman dagai wara na akawu. Se dai di ci miyau ma akawu gǝri a dlǝmiɗ lǝman gǝri. ² Se ba ci lǝman gu da daura ci da rami ci ma, "Biwu be tawan na kǝmau gu i aɗa ci ? Ayanan da duga wana ci gaɗa kaye dlaɓa akawu wam bai." ³ Se akawu da rami i aɗa gǝri ma "Na dlama na na gusku. baci wǝnduwa ga a gumbana wana da ami ga i yu na awayu zǝda bai. Kuru na kǝmu zhǝrau wili. ⁴ Nasgana be na ye dlamau, gaɗa ko da da gumbuna wana da amiga, ndaw a laletana iyu gafa na ji wǝnduwakshin.' ⁵ Se akawu da dauri ndawa mak mi baci wǝnduwa gǝri a ɗigakshi basa. Se a ci da jayi nǝn kǝ sǝkur ma, afǝk wǝnduwa a diga ci i nawan ⁶ A ci da ramma kobo danamak kǝ mǝrak zaitun" so tai a mbashi kade-kade a tarni gumu vaɗ. ⁷ Se akawu gu da rami da ma wam ma nda ɗiga ci nawan? A ci da rami ma buhu alkama danamak." A ci da rami ci wan "Ami sau a tarnyi gumu danda fudu". ⁸ Ba ci wǝnduwau da ki akawu gu da glibnaci na dabar wanak buka jirewa. Gaɗa mamu zaman tuku na dabar wana na ndawa i kunu buka Jirewa ɗikana mamu kunu payan. ⁹ Na rame kun. A dlamin a mangitu i aɗa kun da ri dlama dagwda ki buka jirewa gaɗa lakwtu a tu jingaran, daye lalita i kunu ara mi a ni. ¹⁰ Nǝn dlam na jirewa i kunu be rab nin a dlama du i kunu bǝgawa kuru nǝn mi tatiku jirewa bai i kunu be ram kasen kǝ i kunu be gawa. ¹¹ In ka dlam jirewa bai i kunu wana na ɗagwda zalum. A ba ri ci jirewan nin tai i kunu dlama wana na dagwak halal? ¹² In ka dlam jirewa bai i kunu paida na dagwdak ndawa. A bari a ɗagwda kǝ aɗacin tai? ¹³ Na nǝn mi wara a dlama wana guzapuna i wǝnduwa nǝn shirin bai, ko aci da kuri gayi nda ntuci gayi, Ko a ci da ba ri aɗa gǝri i nǝn gayi a wayina nǝn gayi. A turo ka dǝmu ka dlam guzabuna i Kakasǝku na bǝrid i dagai bai. ¹⁴ Gusku perrissaucin wara ndak ntau ɗagwda kǝma be tuku mak tunu da jǝb dlama muwa. A ci da ramikshi ma "kwa tatǝka aɗa kun i kǝma ndawa, amman Kakasǝku zǝgana gǝzhakun be mi wara da sasksaktu i kimǝ ndawa ga kurak i daa Sǝku. ¹⁶ Dumaya na nabaucin a kunu wana har lakwtu nin Yahai tin da lakwtu tunu nda jǝb labarta marak herr ki kunu garvak Sǝku, tike da tli maka ɗawa aɗa gǝri i tife kunu dǝvo tunu. ¹⁷ Amman a dlaman gara yale i dǝsku na ɗa da nuci nakshi da miya tǝlam kǝ dumaya tuku da nuci. ¹⁸ Duk nǝn mi tǝdna ama gǝri da zǝbǝ dama to a tapai, nǝn kǝ mi zǝba amma mi mǝsu tǝdau to a tapai. ¹⁹ Gusku na nǝɗn baci lǝman ɗagai mi a kunu kachum mi tamen sosai, a kǝmu karak lǝman gǝri da dlamau wai. ²⁰ Ba ci wili ɗagai ba ci dlǝgun Lazarus kullum da viji a miya mafgi gǝri, ²¹ Kullum a makak bik ta mi a payi ɗa gaɗakuwa ba ci lǝmangu da ci jaɗin gum dlamun a patika miya dlayau. ²² lakwttu ɗagai se ba ci wiliu damcin gǝri se malekaucin da nai de na aci i baka nabi Ibrahim. Ba ci lǝman gu ke damcin gǝri nda dabgǝna aci. ²³ Se aci da ɗidkai da kunu aka a tǝka sa bone, da ki na Ibrahim pǝdim na Lazarus a baka gǝri. ²⁴ Se aci da dauri da ramma, "Afǝk Ibrahim, a kǝmi kanjino ga a jubatanai Lazarus, ga ɗa aci da dawi gurbak gǝri i kunu amm da tlika nai i marnyi ga, gaɗa na kunu gǝna aka tuku.' ²⁵ Amman Ibrahim da rami ci maya, mayim a tani lakwtu ka duniya ka kunu ta karak ci ka gingyi be blan kuru Lazarus kǝ a kunu gabshu sabone. Amman gusku kasau aci aritiku, ci ye ka kunu bone. ²⁶ Aku na kan mak, na gasbir gara mi nǝn a dumu sa aɗau bai iye ri tunu, da ri tǝn ye na nǝn mi a dumu sa aɗa bai da ni iri tuku.' ²⁷ Ba ci lǝmangu da ram maya, 'Na wǝlaci, afǝk Ibrahim, ima to a wanyi ci i wǝnduwa afǝk ga- ²⁸ Gaɗa iyu na yaganaucin vaɗ dayi da gabɗakshi gaɗa kalu kar akshi ye da nai iri bone na kunu tuku.' ²⁹ Amman Ibrahim da rammaya, akshi na Musa na nabaucin. akshi da kǝrimtakshi.' ³⁰ Ba ci lǝman gu da kalakcina rama ma, o,o Afǝk Ibrahim, Amman in nǝn ɗagai ju dari ndawa gamtak nin, akshi a tubtanakshi. ³¹ Amman Ibrahim da rami ci ma, in akshi a kǝrimta Musa na nabaucin bin ko makktu daa akshi a kǝrimta gǝri bai.'''