¹ "Yaganaucin na afafkin a kǝmuna dalili be mi wara na thlamau gada ra adaga." ² Algu kima Bulus a rama a kun ibraniyawachin tunu algu dǝk dar'yi nakshi sheru i kǝrǝmta gǝri. A ci maya, ³ "Iyu bayahude, nda 'yawayu a Tarsus ki Kilikiya, ama na ba zigaya akundatku dari Gamalied. Nda gugza nai kaki yanda da gugzu linok ki kakkancin wa. Nan ci na Kakasǝku kasau. ⁴ Na thalmu be tawusu gamsak na amatau ndǝk na ɗawi nakshi i dǝvo. ⁵ Marǝm pristaucin na gasgaraucin a barna shaida ma naba kakadadin, da rikshi, kutlhi afuk wa ki Damascus ma na ne i rituku. Da na dena ndawa da tausa i Urshalima gaɗa nda gǝsatakshi ⁶ Be mi wara wakatu sartu naya i dantau Damaskus, kaki afa aɗa sai bithla bayan da vure da fi chi iɗaga. ⁷ Na dagamun ganai se nakǝmǝ wura maya, "Shawulu, Shawulu" ka gizata ga gaɗakǝmo?' ⁸ Nau ri ci ima, "Ci tai, Mǝgǝnyi' Se da rammaya, 'Iyu Yeso ki Nazaret, mi wara ka gazatau.' ⁹ Ndawa mi wara jaɗa gayi i kana bithlau bayan gu, amman akshi sanutu babǝ thlama ramau. ¹⁰ Na rami ci maya, 'Na thlangumo mǝgǝnyi? mǝgǝnyi da rammaya, athli kayi i Damaskus, kajina cin nda ramadici be mi wara dole ka thlamau. ¹¹ Na launon bai gaɗa bithlau bayam gu napatin gara thlapar, gaɗa sunu ndawa da zara'yu i nye kun Damascus. ¹² Se na tashi nǝn babu dlagun Ananias nǝn mi wara zǝgana kilado rankata ki yahudaucin, ti ke zǝganaci dan mbasu ariwu. ¹³ Da nai iriga, dar'i i riga se da rami maya, "Yagana Shawulu, daci da thlama lawan. 'Lakwtu tunu se naka ci. ¹⁴ Se a ci da rammaya, 'Kakasku kakancinwa chiknci kazigi be mi wara a ci achu kaki nda jure wa. ka kǝmi rama gǝri da miya gǝri. ¹⁵ Gaɗa ka thlab saida gǝri i ndawa duk i da be kakummau na ke kau. ¹⁶ Gusku ka zaga gǝmo? a thli nda thlamici Baptisma, nda viya aiba ci duk na be ka thalmu, Da dauri thlagun gǝri.' ¹⁷ Aku na kalǝktau i Urshalima, se na magita a kun sǝsau magita se magita sai naki na thlan lawan. ¹⁸ Nai ka ci a rama maya, 'Athlu kaɗe kaɗe, aivǝ na Urshalima gaɗa nda gini gugzaci i aɗa ga bai.' ¹⁹ Se na ram maya, "Mǝgǝnyi" akshi na aɗakshi zǝgadu na gubɗa ndawa, na tasashi gawa i kun dilo iri magitak shi gaɗa ndau bar na jirewa na gizatak shi. Sartu nda pa dǝdǝm stephen babu bari saida aɗak ci na i'u na ndawa nda thlamau, na chiripte shi aɗa kare shi nda tǝk guru. ²¹ Se darama maya aivina riwu na wanyi na ci iri ndawa mi zǝga Sǝku bai. ²² Ndau dai va ci da ram kunu gǝri. Amma se akshi da gǝrnyi na kurwa maya, "Ndaiva nangu i dǝsku gagai bai: kalkalbai ndaivi nangu na aro. ²³ Kaki akshi arawa a kurwa avarka kachum shi i dǝsku a waya gagai i dǝsku. ²⁴ se marim ki askarabu da ramma ma danna Bulus i kwakunu. Da dawi da gubdaci nda jayi ci, gaɗa a ci na aɗa gǝri da zigi dalil pirtik ki kurwa iɗa gǝri. ²⁵ Akshi tausi na ci i ɗagayi na akaraucin tunu, "Se Bulus da jayi babǝ ɗimai kǝ riwu, maya, "Kalkalbi kwa tausayi nǝn lardi gagai Roma mi wara ndaudo shariya mutu bai" ²⁶ Bulus ɗimai ta riwu kǝma kasutunu, se dayi daram di marum askarabaucin maya, "Kaye thlamgǝmo? Na nǝn gafo nen Roma." ²⁷ Marǝm askarabaucin gu da nai da jayi ci, "A rama ci nǝn Roma bi, Bulus da rami ci ma, "awo" ²⁸ Marǝm askarabaucin dauri, ci ka thlam ni Roma gaɗa ka bara dagwda gawa," Bulus maya nda 'yawayu i Roma. " ²⁹ Se nǝn mi wara aye jaya gǝri daivi naci kaɗe-kaɗe. marim askarabaucin gu da kalwun gǝri. A ci kima ma Bulus nǝn Roma tunu, ga da a ci tausina chi sǝram. ³⁰ Ɗa thlanu pǝdǝk, maram askarabaucin an cu dazigi jirewa be mi wara yahudaucin thlami Bulus kalkal bai. Se da fitik na Bulus nda rami i marǝm parisaucin da ɗauri majalis nda thlam mbasu. Se nda na Bulus da mbashi i gadavakshi.