1
یادتون بوه که رازونیازا خوتونن سی خدا جلو تیا مردم نکنین که ایشان بینن اّندی تی پدرتون که مین اسمونه هیچ پاداشی نارین.
2
هرسا صدقه ایدین جار نزنین عین ریاکارا که مین معبدا وکیچه بازارا ایکونن تا مردم ازشون تعریف بوکونن آمین و ایشا ایگوم اینواجرشون کامل اِستینه
3
پ تو هرسا صدقه ایدی یه طوری به که دست چپت و دست راستت خور دار نووه.
4
تا صدقه توقام بوه اوسو پدرتوکه از همه چی آگایه و تو پاداش ایه.
5
هرسا رازو نیاز ایکونی مثل ریاکارا نبووین که دلشون ایخومین کنیسه ها و سرکوچه ها واستن دعا بکونن تا مردم بیننشون آمین و ایشا ایگوم اینوکامل اجرشون اِستینه.
6
اما تو هرسا دعا ایکونی برومین اتاقت درن بند و طی پدرخوت که ناپیدایه رازونیاز بکن تا پدر تو که وهمه چی آگایه تون آشکارا پاداش به.
7
وُهر سا دعا ایکونی حرف ها ول هی تکرار نکنین مثل قومون بت پرست که فکر ایکونن ایر زیادی تکرار بکونن دعاشون مستجاب ایبوه.
8
پ مثل اونونبوین چونکه پدرایشا قبل از ایکه ایشا وش بوگوین نیازا ایشان ایدونه.
9
پ ایشاهم ایطورونی دعا بکونین،ای پدر ایما که مین آسمونی نوم تو مقدس با.
10
پادشاهی توبیاهه خواسته توهاموطورکه مین آسموناهستو مین زمین انجام ووه.
11
سهمیۀ نون امروز ای مان امروز و ای ما به.
12
قرضها ای مان ببخش هاموطورکه ای ماقرضدارامون ایبخشیم.
13
ای مان میاآزما،ای مان اِزشرشیطون نجات به.چونکه پادشاهی و قدرت و جلال این تونه تا ابدالاباد،آمین
14
چونکه ایر خطاها مردمن بخشی پدر آسمونیم ایشان ایبخشه.
15
اما ایر تقصیرا مردمن نبخشی پدرایشا هم تقصیراتون نیبخشه.
16
هرساکه روزه ایگرین مثل ریاکارا اَخمو نَبُویین چونکه اُونو ری خوشِن ایطورُونی ایگِرِن تا مردم بفهمِن اینُو روزه دارِن. آمین وِ ایشا ایگُوم که پاداش خوشُونِن کامل اِستِیِنِه.
17
اما تو هرسا روزه ایگِری، وِ سر خُوت روغن بِزِن وُ ری خوتن بشور.
18
مردم نفهمِن روزه داری، فقط پدر تو که قامِه بفهمه و پدر توکه وِ همه چی آگایه وِ تو پاداش ایِه.
19
گنجتونِن سَر زِمین نَه نین، همُوجایی که بید وُ زنگ ضِرر ایرِسوُنه وُ دزدا ایدُزدِنِشون و غارتشُون ایکنه.
20
پَ گنجتُونِن مین آسِمون بِنینِش ،هَمُوچُویی که بید و زنگ ضِرر نیرسوُنِه دزدا نیدزدنِش و غارت نیکنِن.
21
چونکه هرجا گنج تونِه قلب تو هموچُونه.
22
تیِه چِرا بدنه؛ اَیَرتیَت پاک بُوه همه وجودت روشنا ایبِوه.
23
اما اَیَر تیات ناپاک بُوه ،همه وجودتِن تاریکی ایگِرِه. پَ اَیَر نوری که مین تونه تاریکی بُوه چه تاریکی گَپی هستُو.
24
هیچکی نَتِرِه دوتا اَربابِن خدمت بکنه ،چونکه وِ یکی نفرت داره وُ وِ یکی محبت ایکنه ،و یا یِکین ایگِره و یکی دیَن خار ایکُنه. نتِرین هم بنده خدا بُویین و هم بنده پیل.
25
پَ وِ ایشا ایگُوم دلواپَس زنداییاتون نبوُیین که چه بخورین یا چه بنوشین و دلواپَس نبوُیین که چه بپوشین.مَر زنده ای ایشا ،اِز خوراک و بدن ایشا اِز لِواس بهتر نیست؟
26
بِنگِشتون مین هُوان سِیل بکنین نه ایکارِن و نه دِرو ایکُنن نه مین هَمبُون جمع ایکنن و پدر آسمونی تون روزیشون اییِه. آیا ایشا بِتَر و با ارزش تر اِز اونُو نیستین؟
27
کُویِکیتُون ایتِرین وا نگرونی یه ساعت سر عمرتون؟
28
سی چه دلواپس لَواسین؟ سِیل بکنین گُلا مین بیاوُون چطوری گَپ ایُوِن نه مَرِمَتی دارن نه زحمت ایکُشِن.
29
وِ ایشا ایگُوم که سُلِیمونَم وا اُو همه جلال و جبروت عین یکی اِز اُونو قشنگ نَپُوشی.
30
اَیَر خدا عِلفا بیاوُونِن که اَمروز هستشون و سُوا مین چالِه وَستِه اییُوِن چُونُو قشنگ ایکُنه وَرشون ، پَ ایشانی که ایمُونتون ضعیفه خیلی بهتر نیکنه وَرتون؟
31
پَ نگرونی ناشته بُویین چه خَردیم و چه بخوریم و چه بکنیم وَرمون.
32
چونکه قومون بت پرست دیندا همه ای چیاهُنِن. اما پدر آسمونی ایشا ایدونه که اینُون لازم دارین.
33
اول دیندا پادشاهی و عدالت خدا بُویین اُوسو همه ی اینُو وِ ایشا داده ایُوِه.
34
دی نگرونی صُوِن ناشته بُویین چونکه سُوا نگرونیا خوشِن داره دردسَرا اَمروز سی اَمروز بَسه