1
داوری نکنین تا ایشان داوری نکن.
2
چونکه هَموطورکه مردمِن داوری بکنین اونو ایشان داوری ایکنن و هر تِرازی که بکشین وا هَمو سی ایشا کشیه اییُوه.
3
سی چه یه ذره کَه ین مین تیه گُوت ایبینی اما اِز چویی که مین تیِه خوته غافلی.
4
چطور ایتری وِ گُوت بگُوی بِل پر که مین تیَت بدرارُم اما خُوت چُو مین تیَته.
5
وُی ریاکار اول چُو مین تیه خوتِن بدرار، اوسو بهتر ایبینی تا پَر که مین تیه گُوتِن بدراری.
6
هرچی پاکه، و سگیَل نییِنِش و مرواریا خوتونن نَبیین تِی گُرازون ،که اونون پاسا نکنن اوسو ورگردن ،خوتونن بِدرن.
7
بُخوین که و ایشا داده ایبوه بجورین که جسته اییُوه.
8
چونکه هرکی بخو وِ دست اییاره و هرکی بگرده ایجوره و هرکی بِکُوه در وِ ریشواز اییُوه.
9
کو یکی اِز ایشا اَیَر کُرش از هُو نون بوخو بَرد ایِش.
10
یا اَیر ماهی بوخو مار ایِش؟
11
حالا ایشا وا همه ی بی ذاتیتون ایدونین که وا چیا خو وِ بچیلتون بین. پ بیشتر پدر ایشا که مین آسمونه وِ اونو که اِز هُو بُخون چیا خیلی خو ایبخشه.
12
پَ وا مردم هموطور رفتار بکنین که ایخوین وا ایشا رفتار وُوه. یُو خلاصه کِتاو تورات و دست نوشته ی پیامبرا یه.
13
اِز دَرِ تنگ بییِن داخل چونکه فراخ ایبو او دری که پَنه هَمو رَهیه که آخرِش هلاکته و خیلیا داخلش اییُوِن.
14
اما او دری که تنگه و او رهی که سخته آخرش وِ حیات ایرِسه و اونویی که ایجورنِش کَمِن.
15
اِز پیامبرا دُروگو دیری بُکُنین اونو مین لِواس گوسفند اییان اما باطنشون، گرگی درنده ین.
16
اونُون اِز ثمره شون ایشناسین .مَر اَنگورن اِز بُته خار و اَنجیرِن اِز عِلَف هرز ایچینِن؟
17
همیطورن که دِرَد خُو میوه خُو ایدِه اما دِرَد بد، میوه بد.
18
دِرَد خُو نَتِره میوه بد بِه ريا،و دِرَد بد نَتِره ثمره خُو بیار.
19
هر دِرَدی که میوه خُو نیاره، بُریه اییُوه و مین تَش ایوفته.
20
اونون اِز ثمره شون، ایشناسین.
21
هرکی مُون سرورم سرورم بُگو، نتره مین پادشاهی آسمون رَه پیدا بُکنه، فقط هرکی که اراده پدرمون مین آسمون انجام بِه.
22
مین اُوروز خیلیا وِ مُو ایگُون، سرورم سرورم آیا وِ اسم تو پیشگویی نکِردیم؟ آیا وِ اسم تو دیوان سَرا نکِردیم؟ آیا وِ اسم تو زیاد معجزه نکِردیم؟
23
اما وِ اونُو وِ تُندی ایگُوم که، ایشان اصلا نیشناسُم ای بدکاران اِز مُو دیروُوین.
24
پَ هرکی وِ حرف مُو گووش به و وِ اونو عمل بکُونه ،مثل میره دانایی هِستو که هونشِن سَر بَرد ایسازه.
25
چونکه بارون زِی، و سیل وِ رَه وَست و باد ایوِی، نَترِست او هُونه یُون خِراو بکونه چونکه سَر بَرد ساختش بی.
26
اما هرکی حرفها مُون گوش بِگره، اما وِشون عمل نکونه مثل میره نادونی هِستو ه هونَشِن سر شن ساخته.
27
تا بارون زِی، و سیل رَه وَست و باد اِوِی ،وِ هُونَش زورگُو و خِراوِش کِرد و چه خراوی گَپی بی.
28
تا عیسی حرفاش تموم کردِن مردم حیرت کردِن اِز تعلیماتش.
29
چونکه وا اقتدار و محکم تعلیم ایدا نه مثل عالما دینشون.