باب 4
1
هَمُوسو روح، عیسی ن بُرد مین بیاوُون تا شیطون وَسوَسَش بُکُنه
2
هَمُوسو که عیسی چهل شُو وُ روز مین روزه سَر کِرد گُسنَش وُویی.
3
اُوسو هَمُو که وَسوَسه ایکُونه اِوِی تِیش وُ وِِش گُو: اَیَر تُو کُر خدایی وِِ ای بَردا بُوگُو تا نون وُوِِن!
4
عیسی مین جُوابِش گُو: نِوشته وُویه که: آدَمی فقط وِِ نون زِِنده نی، بَلکه وِِ هر کلامی که اِز دون خدا ایدِرا.
5
هَمُوسو شیطون هُون بُرد سر شهر مقدس سر بُلَندی گُنَبد نادِش
6
و هُو گُو: اَیَر تو کُر خدایی، خُوتِن بِه بِره دووِِن، چونکه نِوشته وُویه که سی تو وِِ فِرشتیَل خوش دَستور ایه. و اُونو تُون سَر دَستا خُوشون ایگِرِن، که یَوََقتی پاتِن و یَه بَردی نَزَنی.
7
عیسی مین جُوابِش گُو: یُو هَم نِوشته وُویه که، خداوند، خدا خوتِن آزمایِش نَکُن.
8
یِه وِِلای دی، شِیطون هُون بُرد سَر یَه بُلَندی کُویی همه ی حُکومتا دُنیان وا تِموم یال و کوپالشون و هُو نِشونِشون دا
9
وِِش گُو اَیرکُت وُویی وِِ مُون تَعظیم بُکُنی هَمه ی اینون ایوم تو.
10
عیسی و هُو گُو: دیر اُو ای شیطون! چونکه نِوشتِه وُویه: خداوند، خدای خوتِن بپرست و فقط هَمون عبادَت بُکُن.
11
هَمُوسُو ابلیس وِِلِش کِرد، فرشته ها اِوِِیِن خِدمَتِش کِرد.
12
وقتی عیسی فَهمی که یحیی ن گِرِِدِنه، وَرگَشت جلیل.
13
اِز ناصره زِِی سَرا، رَه کفرناحوم و هَموچو مَند. کفرناحوم کناره دریاچه جلیل و دورُوا زبولون و نفتالیم بی.
14
اینو وُوییِن تا گُودِه ی اشعیای پیامبر مَعلوم وَوه که گُو بی:
15
دیار زبولون و نفتالیم، رَه دریا، دیرا دیر اردن، جلیل مِلَتا؛
16
هَمُو مَردُمی که مین تاریکی سَر ایکِردِن یَه نور گَپی دیِن، و روشَنایی دِرَخشِست مین هَمُوجایی که مین سایه ی مَرگ هونه داشتِن.
17
اِز هَمُوسُو دی عیسی شروع کِرد وِِ ای پِیغومِن دادِن که: توبه بُکُنین چونکه پادشاهی آسِمون نزدیک وُویه.
18
وَقتی که عیسی بال اُو دریاچه جلیل و رَه ایرِِه، دوتا گُون دی اِسم یِکیشون شمعون لَقَوِش پطرس بی و آندریاس گُوش که تور ایبِستِن مین اُو چون مُوهیگیر بیِن.
19
وِِشون گُو: وِِ دیندا مُو بیِین تا ایشان شِکارچی مَردم بُکُنُم.
20
اونو یِهُوه توراشون وِِل کِردِن و وِستِن دینداش.
21
وقتی مین رَه هِی رَه دوتا گُو دیَن اَندِی یعوب کُر زِِبدی، وِِ گُوش یوحنان دی که وا بُوشون زبدی مین کَلک بیِن و هی توراشون آماده ایکِردِن؛ جار هُونَم زِِی.
22
اونو هَم تُندی قایق و بُوشُون وِِل کِردِن و دینداش وَستِن وِِ رَه.
23
هَمیطورونی عیسی دور تا دور جلیلِن ایگَشت و مین عبادتگاهاشون درس وِِشون ایدا و خِوَر خوش پادشاهین بشارت ایدا و هر درد و مِرَضی که مردم داشتِن شفاشون ایدا.
24
خِوَرِش مین همه ی سوریه پیچِست و مردم همه ی مریضان که هر نوع مِرَض و دردی داشتِن، و هرکی کِلو بی یا خُوره داشت یا افلیج ایوِردِن تِیش و هُوَم شفاشون ایدا.
25
مردِمون زیادی اِز جلیل و دیکاپولیس و اورشلیم و یهودیه وَستِن دینداش.