¹ Se Nənwa Səku da yi na Yeso i kun pata, gaɗa ləspərr da kaktlaCi. ² Lakwtu mi aci dlam aasham kə nawa gumu fudu na yiwan gumu fudu tenu , aci da kemi na maya. ³ Se baci kaktlau da nai da ramici ma, "Ci wən Kakasəku nin, a misci na guguyayin təku i burrodi." ⁴ Amman Yeso da ngumi da rami ci ma, "Da tarrna, 'Nən da dlama katu na burrodi rrugara bai, amman na təlam tawanke mi a vərayi da miya Səku.'" ⁵ Se ləspərrgu da maaci, da yi naci kun marəm ɗa mi go-aipu tənu, darr'yi na aci, i ri warra rəmadi pəɗəm, i ɗak ləma wənduwa Səku, ⁶ da rami ci ma, "Ci wən Səku nin, a zədapen ba, gaɗa da tarrna ma, 'Aci aye ɗawa maleikaucin gəri da ankalci ci' zam, 'Akshi a wuta na ci na aikwakshi da dəsku, gaɗa kak-kəma zəgərci bai, i təka guguyak.''" ⁷ Yeso da ramici ma, "Cam da tarrna wam," ma, "Ka kaktla Məgenyi, Kakaskwaci bai' ⁸ Zam ləspərrgu dayi na aci i dəsku guguyak pədəm, da tatkici garvavin duniya na saksaktakshi mak. ⁹ Da ramici ma, "Bayangu təku mak, na baridici, ka gutki ɗa ka dlama nakwana nin" ¹⁰ Se Yeso da ramici ma,"Ajinaci da sau , shetan! Aturro, da tarna," ma, "Ka dlama nakwana se i Məgənyi. Kakasəkwaci, ka dlama guzapəna i aci rrugəri". ¹¹ Se ləspərrgu daivi na aci, se so maleikaucin da nai da tambaci/da dlamici wana('hidima') ¹² To, Yeso kəmau ma nda jəbu na Yahai tənu, se da yingəri i nye Galili. ¹³ Daivi na Nazarrat da yi da mbashingəri i Kaparrnahum, mi a baka Anku Galili, i ɗa akwayu lardi Zabaluna na kə Naptali. ¹⁴ Sutku wakatu i niya bee mi Nabi Ishaya ramu, ma; ¹⁵ "Lardi Zabaluna na Lardi Naptali, i miya Anku, aku gadərra Urrdun, na lardi Galili kə ndawa mi zəga Səku bai! V 16 Ndawa mi mbasu i kun aiwakwina ika na marəm ɓidla, ndak mbasu i kun nənwa mutu a gafakara ke, ɓidla pakengara, i akshi. ¹⁷ Ten da lakwtu, Yeso da banji wazek a ramau ma, "A dlamina tubi, garva mazgai/janna zaden gara damtau." ¹⁸ Lakwtu aca rakəna da miya Anku Galili, se so yaganaucin shirin, Simon mi nda ɗaurau Bitrus, na yaganagəri Andurrawus, a təka ta'i ragaya i kun anku, gada akshi ndak suwa venakau. ¹⁹ Yeso da ramikshi ma, "Anna, a ɗəgina iyu, naye kaci(məsta) na kun; kwa dlaɓi ndak suwa ndawa." ²⁰ Na sukwakuya bai, se akshi daaivi na ragayayingu da ɗegi na aci. ²¹ Yeso a təka rakan i riwu tənu, se daiki yaganaucin shirin dama wam, Yakubu wən Zabadi na Yahai yaganagəri. Akshi a kun sawu aam na afakshi; Zabadi, a ɗaɗam ragayakshi. Aci da daurakshi, ²² na sukwakuya bai, se akshi daivi na sawu aamgu, na afəkshu da ɗəgi na aci ²³ Yeso da vaiki rawanke i lardi Galili, a gugza i kun ləmamin ri cacpa yahudaucin, a wazək labar herr kə Janna, a ngata zada fərarin tawanke na dagas ke kun ndiwa. ²⁴ Labargəri da zajingara i rawanke, i lardi Sirriya. Ndiwa da jəb ni dici ndawa mi ngabai mak, na ndak sa bone na təta da fəra dam-dama, na ndak zuwak, na nda mi'ir. Yeso da ngaci na akshi cacak. ²⁵ Algi tlaparr da ɗəga ci da Galili, na Dikapolis, na Urrushalima, na lardi Yahudiya, harr da aku gadərra Urrdun.