¹ Lakwtu mi nda 'yawu Yeso ii Baitalami kǝ lardi Yahudiya, lakwatu waarra Hirridus a dəgəm ii Urushalima, ndak zǝgaya gəshawu da caɗ da nai ii Urrushalima da ramma, ² "A rawan Acu, warra ndaa 'yawu, dǝgǝm yahudaucin? Jaika gǝshawu gǝri ii caɗ, ja deu gaɗa ja dlamici nakwana." ³ Hirrudus dǝgǝm kǝma kasǝn tǝnu, se hankal gǝri da tlingara, naa kǝ ndak Urrushalima mak. ⁴ Hirridus da cacpai Dǝgamcin Pǝrrisaucin, na Malamci Duumaya Musa mak, da jayakshi ma, " ndaye ɗi Masipu I rawan?" ⁵ Akshi da ramici ma, ' I Baitialami kǝ larrdi Yahudiya,gaɗa nabi gu tarrnu kasau ma, ⁶ " Kǝm rro, Baitalami kǝ larrdi Yahudiya, ko rrap kǝm ga-mbotak bai, i kunu marǝmamin larrdi yahudiya, gaɗa baci garva aaye vǝrayi da kuna kǝm, warra aaye dlaɓa makwatak ndak Isrraila." ⁷ Se Hirridus da ɗaure ndak zǝgayau da dǝɓǝs, da jayakshi ii ɗa kalkal lakwtu mii gǝshaugu pakeu. ⁸ Da wanyakshi ii Baitalami, ma, "Ada kwa bǝɗiyi na ankal, rri warra mayingu a kunu. Kwa be na acin, kwa baraa labarrgu, gaɗa iyu ke nayi na dlamau nakwana." ⁹ Aku kǝmu rama dǝgǝmgu, se akshi da jǝb rakanshi, gǝshau warra akshi ike ii caɗ gu; da jǝb rakan ii kǝmakshi, harr da nai darr'yi cǝk ii dǝsku rri warra mayingu a kunu. ¹⁰ Akshi ikau gǝshaugu tǝnu, se akshi da dlam kuno na pǝrrɗai tlaparr. ¹¹ Akshi da tǝfi ii wǝnduwau daiki kulaɓi gu na Marryamu mii gǝri. Akshi da gutki, da dlami Ci nakwana. Da rǝpci lalitarrshi da dlamiCi bari kǝ dinarr, na lubban, na murr. ¹² Kakasku da gabɗakshi i kun suwan ma da kata i ri Hirridus bai, se akshi daivi na riwu i nye dɗakshi da dǝvu dama. ¹³ Da aku akshi bǝzu rǝwu, se maleika Sǝku da rami Isǝbu i kun suwan ma, "Atlu, ka mi na mayingu na miwu, ka rawi naci larrdi Masarr. A dlaɓi riwu, se na dlamici rama. Gaɗa Hirridus aye bǝɗiya(maka) mayingu da tǝkI na aci." ¹⁴ I kun dǝviɗgu, Isǝbu da tli da mi kulaɓu na miwu da rawi nakshi kun Masarr. ¹⁵ Da dlaɓǝngǝri riwu harr lakwtu bakota Hirridus. Su tǝku niyu na bee warra Mǝgǝnyi ramu da miya nabaucin ma, " Da kun Masarr na ɗaure Wǝngana."i ¹⁶ Hirridus ikau ndak zǝgayau ngǝrrǝntu na aci tǝnu, se da tlawurcingǝri tlaparr, da wanyi nda rəbina mamau gamsak warra a kun Baitalami, harr na warra akun lardu mak; warra amanshi shirin harr na mi mbotu na aman shirin ngun, tin da lakwtu mi aci zəga jirre biyu da miya ndak zəgayau. ¹⁷ I lakwtu ne rama mi Nabi Irrmiya ramu wakatu. ¹⁸ Ma "Nda kəma wura ɗagai i Rrama, a ɗanau i kun dlimatu gəshi tlaparr, a aɗan nin Rahila gaɗa kutli gara, atu ke kuru na kəmu (gənyi) bari miya(kanadi/jiba amai), gaɗa akshu nabai. ¹⁹ Lakwtu mi Hirridus bakotingəri tənu, se maleika Məgənyi da pake Isubu, i Masarr i kun suwan, da ramma, ²⁰ " Atlu ka mi mayingu na miwu, kayi naci lardi Isirraila, gaɗa ndak maka arro mayingu mutunakshi." ²¹ Isubu da tli, da mi mayingu na miwu, da nai i larrdi Isirraila. ²² Amman aci kəmau ma Arkilayus mau na gado afəkgəri Hirridus, a garva larrdi Yahudiya tənu, se da kəmi na kalau zaji rəwu. ²³ Amman Kakasəku dlamici gabaɗ i kun suwan tənu se da gwapəngǝri da yingəri i larrdi Galili, da yi da mbashingəri i marəm ɗa ɗagai mi nda ɗaurau ma Nazarrat. Gaɗa watata bee mi nabaucin ramu, ma, "Ndaye ɗauraGəri nən Nazarrat."