¹ We Israeli wisekelela, pamo no kusekelela kwati abantu bambi, pantu tawaba uwacishinka, pa kusula Lesa obe. Iwe walitemwa amalipilo ya bucilende mubunga bwa nganu ubwapeleka. ² Lelo ubunga bwa nganu ubwa peleka no mwangashi tafinga balisha bena; umwangashi uupya uli nkubawisha bena. ³ Tabali no kutwalilila ukwikala mu calo cakwa Yawe; napali ico, Efulemu ali no kubwelela ku Egupti, elyo ubushiku bumo bali no kulya ifya kulya ifishasanguluka mu Asiria. ⁴ Tabakafumye umwangashi icabupe kuli Yawe, nelyo bali nokuipelesha kuli ena. Ifya malambo fyabo yalinokuba kuli bena kwati fya kulya fyabalelosha: bonse abalya bali nokuba abakowela pantu ifyakulya fyabo fikaba kuli bena abene; tafili no kwisa mu nganda yakwa Yawe. ⁵ Ulinokucita shani pali bulya bushiku ubwasontwa ubwa nshikunkulu, pa bushiku bwa nshikunkulu bwakwa Yawe? ⁶ Pantu mona, ilyo icinkunka cikesa, abena Egupti ali noku bakolonganya bena, na bena Memphisa bali noku bashika bena. Pakuti ifyuma fyabo ifya silifere fikasapilwa ne fyani, elyo na pa matenti yabo yakashinguluka ne myunga. ⁷ Inshiku shakukandwa shili no kwisa; inshiku shakucula shili no kwisa. Leka abea Israeli bonse beshibe ifyo fintu. Kasesema cipumbi, pamulandu wabubi bwenu ubwingi elyo no kutalama ukukalamba. ⁸ Kasesema ni malonda wakwa Lesa wandi, pali Efulemu. Lelo iciteyo ca cuni cili panshila shakwe shonse, no ukutalama pali ena kuli mu nganda yakwa Lesa wakwe. ⁹ Bali abayonaula abene beka sana fye nga filya ali munshiku sha ku Gibea. Lesa akebukisha amampulu yabo, elyo akabakandila pa membu shabo. ¹¹ Nakuli Efulemu, ubukata bwakwe buli nokupupuka kwati cuni icapupuka no kuya. Takwakabe ukufyala abana, takwakabe ukwimita amafumo, tabakaleba pabukulu. ¹² Nelyo ilyo bakwata abana, ine nkabepaya bonse bene. Kalanda kuli bena ilyo ine nabwela ukufuma pali bena! ¹³ Ine namwene Efulemu, ali kwati ni Tuli alimbilwe mulwalala pakati, lelo Efulemu ali nokuleta abana bakwe kuli umo uyo uuli no kubepaya." ¹⁴ Bapeleni bena, mwe Yawe-cinshi ico muli no kubapela bena? Bapeleni uku ponya kwa mafumo elyo na mabele ayabula ukukwata umukaka. ¹⁵ Pamulandu wa bubi bwabo bonse mu Gilgali pamulandu wa micitile yabo ibi, ine nshili nokubatemwa na kabili, na ba cilolo babo bonse ni bacisanguka. ¹⁶ Efulemu alilokota, elyo imishila yabo yalyuma; tabatwala fisabo. Nelyo bakwata abana, ine ndo no kwipaya abo bana ba mumafumo yabo abo batemwisha. ¹⁷ Lesa wandi ali nokubakana bena pamulandu wakuti bakana uku mumfwila. Bali nokulapitama fye mu banko.