¹ Israeli mwangashi uwafumba uyo uutwala ifisabo fyauko nga ifyo ifisabo fyakwe, efyo akuulile ifipailo ifingi. Nga ifyo icalo cakwe calewama, efyo aleefusha ifyaikwa fyakwe. ² Imitima yabo yakufutika; nomba balingile ukusenda umulandu wabo. Yawe akabongolola ifipailo fyabo; akonaula ifyaimikwa fyabo. ³ Pantu elyo bakasosa, "takwata imfumu, pantu tatwatinine Yawe, nga imfumu-cinshi ingatucitilako?" ⁴ Basosa ifyebo fyafye no kupanga ifipangano pa kulapa ubufi. Eico ubupingushi bwamena kwati busungu bwa nseku mu mifolo ya mwibala. ⁵ Abekashi bamu Samaria bakaba no mwenso pamulandu watwana twa ngome utwa Beti Abeni. Abantu batuko baloseshe pali twena nge fyacitile abo bashimapepo ababi abasekelele pali twena napa bucindami bwauko, lelo tababako. ⁶ Tukasendelelwa ku Asiria nga icabupe ku mfumu nkalamba. Efulemu akaba uwansoni, na Israeli akaba uwansoni pa kalubi kakwe. ⁷ Imfumu yakwa Samaria ikonaulwa, kwati cipampa ca menshi. ⁸ Incende shapamlu ishakupepelamo ishapamulu shikaloba ulu elubembu lwakwa Israeli! Imyunga na bacilasa fikatabilila pa fipailo fyabo. Abantu bakasosa ku mpili ati, "tufimbeni!" naku tupili ati, "tuponeneni!" ⁹ "Israeli, walibembuka ukutula ku nshiku shakwa Gibea; kulya walitwalilile. Bushe inkondo tayakasange abana baume intalangani bamu Gibea? ¹⁰ Ilyo nafwaya ici, nkabasalapula. Abantu nabantu baka balonganina pamo no kubabika mukukakwa pa mampulu yabo yabili. ¹¹ Efulemu ni ngombe iyakanshiwa iya temwa ukunyantaula inganu, eico nkabika ikoli pa mukoshi wakwe uwacindama. Nkabika ikoli pali Efulemu; Yuda akatinta ulukasa lwa ngombe; Yakobo akasunga icakutobawilako umwine. ¹² Itandileni ubulungami mwebene, no kulobolola icisabo ca cikuuku. Tobauleni umushili wenu uushalimwa, pantu ni nshita iya kufwaya Yawe, akasuke esa no kulosha ubulungamo pali imwe. ¹³ Mwalima ububifi; mwalobolola umucisha cinani. Mwalya icisabo cakufutika pamulandu mwacetekele mu mapange yenu na mubashilika benu abengi. ¹⁴ Eico icimfulunganya ca nkondo cikema mu bantu benu ne misumba yenu yonse iya malinga ikonaulwa. Cikaba ngefyo Shalimani aonawile Beti Arbele pa bushiku bwa bulwi, ilyo bany;ina batobawilwe mu tupimfya pamo na bana. ¹⁵ Eico cikacitika nakuli iwe, Betele, pamulandu wabubifi bobe ubukalamba. Ku macaca imfumu yakwa Israeli ikalobelela."