¹ Ulekubebukisha ukunakila ba kateka kabili na ba mulopwe, balekubomfwila, balekuba abakuipekanya ku mulimo onse uwabune, ² bela kusalula nangu umo, belakuba akakukabila ukulwa, kabili balekuba abafuke, balekulanga ukuicefya konse ku kwangwa uuli onse. ³ Pantu muku umo nefwe bene twali imbulwamano kabili abakubula icumfwila. Fwebo twali tungulwilwe mukuluba kabili twa nonkelwe busha kufintu ifya kuibela kabili no lunkumbwa. Fwebo twalikele mu bubi na kalumwa. Fwebo twali aba patwa kabili twaliipatene umo no munankwe. ⁴ Lelo ulo icongwe ca kwa Lesa umupusushi wesu kabili ne citemwiko kwakwe pa bantunse kwa moneke, ⁵ te ku milimo ya bulungami iyo fweno twacitile, lelo niku luse lwakwe eko ena atupuswishishe fwebo, ukupitila mu kusambwa kwa kufyalwa cipya cipya no kuba abapya ku Mupashi wa Mushilo, ⁶ uo Lesa apongolwelele pali fwebo mu bwingi ukupitila muli kapususha wesu Yesu Kristu, ⁷ pa kwebati pa kuba abakulungamikwa ku kusenamina kwakwe, fwebo twingesa kuba impyani pakukwata isubilo lya mweo wa muyayaya. ⁸ Ubu ubukombe bwa cishinka. Nebo nkofwaya webo ukonkomeshe ifi fintu, ukweba ati abo abatetekela muli Lesa basakamane ukuibimba abene mu milimo yabune. Ifi fintu fya bune kabili fya milimo ku muntu onse. ⁹ Lelo ulekuikanya ku fya kwipushanya fya buwelewele ne mpendwa sha nkulo ne fikansa fya palwa malango. Ifyo fintu tafyaba na buyo kabili fya fye. ¹⁰ Ukane uli onse ukolenga ukupatukana muli mwebo, panuma ya kusokwa limo atemwa libili, ¹¹ pakwishiba ukwebati uyo muntu alyalukile ukufuma mu mbela ya kulungama kabili akobembuka no kuiseka umwine eka. ¹² Ulo nebo nkatuma Artema atemwa Tukiki kuli webo, ukendeshe kabili no kwisa kuli nebo ku Nikopoli, uko nsalile ukwikala panshi ya mupepo. ¹³ Ucite conse ico wingacita webo ukutuma Sena incenshi ya malango na Apolo mu lwendo, ukwebati bebulwa nangu cimo. ¹⁴ Abantu besu balingile ukusambilila ukuibimba abene beeka mu milimo yabune ukwebati balekwafwa aba kukabila kwine kwine, no kwebati beba abakubulo mulimo. ¹⁵ Bonse abali nandibo bakokuposha. Uposhe abo abatutemwa mu citetekelo. Ukusenamina kube nemwe bonse.