¹ Lelo webo, landa ifyalingana ne sambilisho ilituntulu. ² Sambilisha abaume bakalamba ukuba abatekanya, aba mushiye, aba kufuka, kabili aba ntuntulu mu citetekelo, mu kutemwa, na mu kutwalilila. ³ Mu musango umo wine, sambilisha aba nakashi bakalamba ukuba ne mikalile ya mushilo, te balwambo nangu abateukila mu bwalwa ubwingi, lelo ukuba bakasambilisha wa bune, ⁴ ukuti ba fundishe abakashana ukutemwa abalume babo, no kutemwa abana babo, ⁵ abakutekanya, aba musanguluka, bakasunga ba mayanda ababune, elo abanakila balume babo, pakwebati icebo cakwa Lesa cipontelwa. ⁶ Mu musango umo wine, koselesha abalumendo ukuba abakutekanya. ⁷ Mu misango yonse ilange we mwine nge cakumwenako ca milimo iyabune. Mu kusambilisha kobe, ube uwa cishinka, uwa mushiye, ⁸ kabili ulanda icebo icituntulu icishinga sekwa, pakwebati uuli onse uulekanako webo limbi abe uwa nsoni pantu ta bakwete ifibi fimbi bengalanda palwa fwebo. ⁹ Abasha bafwile ukunakila ba shikulu babo muli fyonse, ukubasekesha te ku kansana nabena, ¹⁰ takuli kubebila kabili icilingile uku balanga lyonse icitekelo cabune, pakwebati muli conse icituntulu pakwebati bapulamike isambilisho pa mulandu wa kwa Lesa Umupusushi wesu. ¹¹ Pantu ukusenaminwa kwa kwa Lesa kwaisa moneka pa mulandu we pusukilo lya bantu bonse. ¹² Kula tusambilisha ukukana bula bukapepa ne fya lunkumbwa fya pano calo, no kwikala ubwikashi ubwa kutekanya, abololoke, no bwina Lesa mu bwikashi buno ubwa nomba, ¹³ lintu tukololesha ku ntashi ukupokelela ubupalo bwe subilo lyesu, ukumoneka kwa bukata bwa kwa Lesa wesu mukulu no Mupusushi Yesu Kristu. ¹⁴ Yesu aipele umwine kuli fwebo ukutulubula ku bupulumushi bonse no ku isangulwila umwine abantu abaibela abacincilila ukucita imilimo yakwe iya bune. ¹⁵ Landa pa ifi fintu, koselesha bantu ukuleficita, kabili ebaula na maka yonse. Wileka muntu nangu umo akusule.