¹ Petero, umutumwa wakwa Yesu Kristu, kubalebeshi abakusalangana, abasalwa, monse mu Ponte, Galatia, mu Kapadokia, mu Asia na mu Bitunia. ² Ici cacitilwe mukwishibila libela kwakwa Lesa Tata, ukupitila muku shisha kwa Mupashi, ku kuba abacumfwila na mukukanwa kwa mulopa wakwa Yesu Kristu. Ukusenamina kube na mwebo, no mutende ufushiwe kuli mwebo. ³ Lesa kabili Wishi wakwa Shikulu Yesu Kristu alumbanishiwe! mu luse lwakwe ulukalamba, alitupela ukufyalwa cipya cipya mwisubilo lya mweo ukupitila mu kubuka kwakwa Yesu Kristu ukufuma kubakufwa, ⁴ Ici cabupyani ubutonaulwa, ubutakakowela, kabili ubuta fumuka. Calisungilwa mu mulu ica webo. ⁵ Mwalicingililwa na maka yakwa Lesa ukupitila mu cicetetekelo cepusukilo ilyo ilyapekanishiwa lili no kusokololwa mu nshita ya mpela. ⁶ Muli ici mulasangalala sana, nangu ni nomba, pa nshita inono, mwebo muli no kucula mu kweshiwa kwa misango yonse. ⁷ Ici ni mukushininkisha icicetekelo cenu, ico icili icakuwamisha ukucila golide iyonaika, nangu ingeshiwa mu mulilo. Ifi filacitika pakwebati icicetekelo cenu cikasangwe ukupitila mu kulumbanya, mubukata, no bucindami pa kusokolola Yesu Kristu. ⁸ Tamwamumonapo, lelo mwali mutemwa. Tamukomumona nomba, lelo mulisumine muli ena no kwanga ne nsansa isho ishishingalangwa kabili kwalisushiwamo ubukata. ⁹ Nomba muli mukupokelela mwebene icakufuma mu cicetetekelo cenu, ipusukilo lya myeo yenu. ¹⁰ ukukonka ili pusukilo, ba kasesema baliseseme palwa kusenaminwa ukwali no kwisa pali mwebo, balikufwailisha mukutekanya no kwipushaipusha bwino bwino, ¹¹ balikwipushanya ni mu muntu nshi nangu ni nshita nshi Umupashi wakwa Kristu muli bena walikulanga ulo walikusontela libela palwa macushi yakwa Kristu no bukata ubukakonkapo. ¹² Calisokolwelwe kuli bena ukwebati tabali kuipyungila abene, lelo mwebo, ulo balikulanda pa fintu ifyalandwa kuli mwebo ukupitila muli abo abalikubila imbila nsuma kuli mwebo mu Mupashi wa Mushilo uwatuminwe ukufuma ku mulu - ifi fintu efyo bamalaika bakabila ukumona. ¹³ Eco mube abaikakilila imisana ya mitima yenu. Mube abakutekanya. Bikeni isubilo lyenu muku senamina uko ukukoisa kuli mwebo ulo Yesu Kristu asokololwa. ¹⁴ Nga bana bacumfwila, mwiibimba mukucita ulunkumbwa ulo mwalikukonka ulo mwali abatutu. ¹⁵ Pantu uwa mukutile wa mushilo, mwebo, nemwe bene, mulekuba aba mushilo mu mibele yenu yonse. ¹⁶ Pantu calilembwa ati, " Mulekuba aba mushilo, pantu Nebo ndi wa mushilo." ¹⁷ Eco umfwa mwankuta ati "Tata" uyo uupingula umwabela umulimo wa muntu ukwakubula akapatulula, endeni mu katina mu nshita yaku lebela kwenu. ¹⁸ Pantu mwalishibe ukwebati tekufyonaulwa ifya Silfere nangu Golide iyo mwalubwile ukufuma ku mibele yenu iyo bamishilile kuli bashinwe, ¹⁹ lelo ukupitila mu mulopa wakwa Kristu, kubati wa mwana wa mpanga uwakubula akalema nangu akabi. ²⁰ Kristu alishibikwe ilyo isonde talilabako, nomba alisokolwelwe kuli mwebo muli ishi nshita shaku mpela. ²¹ Ukupitila muli ena sumineni muli Lesa, uwa mubushishe ku bafwa noku mupela ubukata, pakwebati icicetetekelo cenu ne subilo fyaba muli Lesa. ²² Mwalilengele imyeo ukuba iya kubuta ukupitila mucumfwila ku ca cine. Ici cali pamulandu wa citemwiko cabamunyinane icapwililika; eco temwaneni no mutima wenu uwa kusanguluka. ²³ Mwali fyalwa cipya cipya, teku lubuto ulubola, lelo ku lubuto ulushibola, ukupitila mu cebo cakwa Lesa ica mweo kabili icibelelela. ²⁴ Pantu, "Bonse ubuntunse bwaba kubati cani, no bukata bwabuko bonse kubati liluba lya mumpanga ilya ku cani. Icani ciloma, na maluba yala pona, ²⁵ lelo icebo cakwa Lesa cilabelelela umuyayaya."