¹ "Mungakwebekanga mumutima winu mukungomezga mwa Chiuta,gomezganiso mwa ine. ² Munyumba ya ba Adada muli vipinda vinandi.Kulekenge kuba ntheula nthene nkhamuphalilani,pakuti namukumunozgelani malo. ³ Usange naluta ndipo namunozgelani malo,nizengeso nakupokelelani imwe kwa ine namwene,mwakuti uko ine nili namweso ndiko mwa mukuba. ⁴ Mukumanya ntheula uko ine nkhuluta." ⁵ Thomasi wakati kwa Yesu, "Fumu, tumanya yayi uko mukuya, kasi nthowa tingayimanya uli?" ⁶ Yesu wakati kwa iye,Ine ndine nthowa,unenesko,na umoyo;kulije uyo wangaya ku ba Dada kwambula kuti wapitile mwaine. ⁷ Kuti mukani manya ine,mphanji muli kubamanya na ba Adada wuwo.Kufumila sono mwabamanya ndipo mwaba wona. ⁸ Filipo wakati kwa Yesu, "Fumu tilongoleni ba Dada,ndipo icho chibenge chakwenila kwa ise." Yesu wakati kwa ibo, "nabanamwe panyengo yitali ⁹ kweni kuti wukuni manya ndithu yayi ine,Filipo?Uyo yose waniwona ine wawona ba Dada.Ungayowoya wuli, 'Tilongoleni ba Dada? ¹⁰ Kasi wukugomezga yayi kuti nili muba Dada ndipo ba Dada bali mwa ine?Mazgo agho nkhuyowoya kwa imwe nkhuyowoya kufumila mu mazaza gha inekha chala kweni ba Dada abo bali mwa ine bakuchita nchito yabo. ¹¹ Nigomezgeni kuti nili muba Dada ndipo ba Dada bali mwa ine, panjiso gomezgani chifukwa zinchito izozene. ¹² Nandi,nandi, nkumuphalilani iye uyo wakugomezga mwaine wachinge nchito izo ine nkuchota,ndipo wachita nchito zikulu kuluska izi chifukwa nkhulya ku ba Dada. ¹³ Icho chose mufumbenge muzina lane,nichitenge mwakuti ba Dada ba chindikike mu mwana. ¹⁴ Usange mukufumba kalikose muzina lane nichitenge. ¹⁵ Usange mukunitemwa,musungenge malango ghane, ¹⁶ ndipo nipemphenge kuba Dada,ndipo ba mupaninge mupembuzgi munyake kuti wakabe na imwe kwa muyirayira. ¹⁷ Mzimu wa wunenesko.Chalo chingamupokela chala chifukwa chikumuwona yayi panji kumumanya.Kwene mukumanya iye,pakuti wakukhala na imwe ndipo wamukuba na imwe. ¹⁸ Nimulekaninge mwekha yayi,nizengeso kwa imwe. ¹⁹ Kweni pakanyengo kachoko ndipo chalo chiniwonengeso chala,kweni muniwona.Chifukwa nili na umoyo namweso mwa mukuba ba moyo. ²⁰ Pazuba lila mwamukumanya kuti ine nili muba Dada,nakuti imwe mulimwa ine,ndipo ine nili mwa imwe. ²¹ Iye uyo wali na malango ghane nakughasunga ndiye wakunitemwa,ndipo iye wakunitemwa ine watemwekenge na ba Dada, ndipo nimutemwenge ndipo nijivumbulenge kwa iye." ²² Yudasi (Esikaliyoti yayi)wakati kwa Yesu "Fumu,chifukwa uli mujilongolenge kwa ise kwe ku chalo yayi?" ²³ Yesu wakazgola ndipo wakati kwa iye, "Usange wali yose wakunitemwa ine,wasungenge mazgo ghane.Ba Dada ba mutemwenge iye,ndipo tizenge kwa iye ndipo tamukukhala pamoza naye. ²⁴ Iye uyo wakunditemwa yayi ine wakusunga mazgo ghane yayi.Lizgo ilo mukupulika likufumila kwa ine chala kwene kubaDada abo baka ndituma. ²⁵ Nayowoya vinthu ivi kwa imwe,apo nichali na imwe. ²⁶ Kweni, Mupembuzgi - mzimu mutuba mweneuyo baDada batumenge muzina lane - wamusambizganinge vyose ivyo nkhayowoya kwa imwe. ²⁷ Nkhumulekelani mtende;nkhumupani mtende wane.Nkhupeleka umo chalo chikupelekela chala.Mungakwebekanga mumitima yinu, ndipo mungaopanga. ²⁸ Mukapulika kuti nkhayowoya kwa imwe, ' Nkhuluta ndipo nizengeso kwa imwe. Usange mukanitemwa ine mphanyi mukakondwela chifukwa nkhuya kuba Dada,pakuti ba Dada mbakulu kuluska ine. ²⁹ Sono namuphalilani apo chindachitike mwakuti,pala chachitika mwamugomezga. ³⁰ Niyowoyengeso vinandi na imwe yayi,pakuti mulamulili wachalo ichi wizenge.Walije nkhongono pa ine,kweni kuti chalo chimanye kuti nkhutemwa ba Dada,nkhuchita icho ba Dada bakanilangulila. ³¹ Tiyeni tinyamuke tifumepo pano."