¹ Sanuele' tu t'ana' tu lacal Israel. Bejlae' jok utial u batete Filisteos . Letioobe jeeloo Ebenezer, le filisteoso' jeeloo' Afec. ² Le filisteoso' tu li'isubao' tial u baateto' Israel. Le caa caj le bateiloo, le filisteoso' tu jadz'oo' Israel tu quinsoo min 4.000 mil maacoo tee tux cu yuuchul baateilo'. ³ Le caa kuch le maacoo tee tux cu yuuchul cu jeltaloobo,, u nuxibiloo Israele' tu yaaloo':" ¿Baaxten yuntzil tu met ec jaadzal tu tan le filisleosoobo? coonex tasic u Arcail le nuupt'ano utial yuntzilo' waye' tac Silo, caa yanac tec etel, tial cuu pixoon tu kaab lec ch'aap'ecoobo". ⁴ Beytuno' le cajo' tu tuxta maacoo tac Silo; le lukicoo teelo' letioobe' tu tasoob le u Arcail le nuuptan utial u yuntzil baateoo', max cu cutal yokol le querubino'. Leu ca'atul palal Eli, Ofni yetel Finees, tiaano' teelo' yetel u Arcail u nuupt'an ti Dios. ⁵ Le ka kuch u Arcail le nuupt'an utial yuntzil le tux cuu noj jeelelo'ob tu laacal u cajil Israele' kaan ahuatnaji', le luumo' quilbanaji'. ⁶ Le filisteoso' caa tu yuubob le nojoch ahhuato', tu yaaloo':"¿Baax u kaat u yaak le nojoch ahuata' cu tal tu noj jeeleloo le hebreoso'? "Beytuno' letioobe tu ch'aa nuuctoo u Arca yuntzile tian tee nojoch jeelelo'". ⁷ Le Filisteoso' saajac chajoo'; tu yaaloo':"Dios dzuu cuchul tee noj jeelelo'". Letioobe tu yaaloo':"¡talan yaniloon!" "¡Mix baa uchuc toon caachi bey lela'!". ⁸ ¡Talan yaniloon! ¿Maax cun toc coon ti u muuk le diosoob muuknalooba? Lelooba letioob le diosoo tu xachobaoti' Egipcios yetel ya'ach jejelas plagasteo xTocoyilo'. ⁹ Ma' sajaltaleex, meeta xibilex teex filisteos, wa ca meetcvabaex palitzil ti Hebreos, jeebix tu meetubaoti'teexe'. Xiib chaquex yetel baatenenex". ¹⁰ Le filisteoso' baatenajo' Israele' ja'adzi, jujuntul maaque puudzi bin tu nai, le quinsajiloo' jach nojoch chaji'; men ox lajuun huachoo Israelitasoo luubo'. ¹¹ U Area Diose oclaabi' le caatul u palal Elige, Ofni yetel inees quimoo'. ¹² Untul maac ti tribui Benjamin aalcana' tu tan le bateilo' caa-tal Silo ti' le kino', kuch yetel u jajat nok yetel luum yokol u pol. ¹³ Le caa kuch letie', Elije culucbal caach tu kaanche' tu tzel le bejo' tun yilie' men u pucsikale' chichnac yo-lal u Arca Dios. La caa ocle maac ich caj caa tu dza le pectzilo, tu jach laacal le caaja ahuat-naji. ¹⁴ Le caa tu yuuba leeti u jum le ahuatoobo, letie tu yala:"¿Baax u katu yaal le wolan ahuata'?" Le maaca' bin sebaquil caa tu tzicbata ti Eli. ¹⁵ Bejlae', Elije 98 jaab yanti'; u yiichoobe dzuu ch'ooptal letie' maun beytal u paacat. ¹⁶ Le maaca' tu yaala ti Eli:"Ten le max kuchen luken tux cu yuuchuln baateil. Ten puudz'en ti le baateilo bejlae'." Leti tu kaata:¿Bix binic toon, im palil? ¹⁷ Le maac taas le pectziloo tu nuuca caatu yaala': "Israele' puudztioo le filisteoso'. Beyxan yancha' un p'el nojoch jatz ichil le caajo'. Lea caatul palale', Ofni yetel Finees quimoo' u Arca Diose ocoltaabi." ¹⁸ Le caa tu yaala leti u Arca Diose, Elije luu' culpach yanil tu kanche' tu tzel le jonajo'. U chuch u caale caachi, caa quiimi, men nuxi yetel jach poloc. Letie' dz'uu p'isoltic Israel camp'el lajun jaaboo'. ¹⁹ Bejlae' u yili', u yatan Finees yoonchajaan taitac u siisa'. Le caa tu yuuba u pectzilil u Arca Dios oclaabe yetel u tata u yichan dzuu quimiloobe', letie' xolaji caa sii u pal, men tal u kinamil siijil. ²⁰ Ti un sutuque quimi, le cooleloob aanticoobo tu yaalo'o':"Ma ch'ic saaquilil, men dz'aa siisic untul xii". Baale letie' me' tu nuucti, mix tudz'aolti'. ²¹ Letie' tu dz'aa u kaaba le chan xiipalo' lcaboot, tun yaic:"Le nojbeenilo' dzuu bin ti Israel", men le Arcao' ti' Dioso dzuu yoclaa', yolalxan quimic u tata u yichan yetel u yichan. ²² Letie' tu yaala':"Le noojbeniloo' dzooc u bin ti Israel, men u Arca Diose' dzuu yocoltaa'".