¹ Le filisteoso' tu bate'-to Israel. U xiibiloo Israel pudzoo tu tan le filisteoso caa luuboo quimenoo tu kaxil Gilboa. ² Le filisteoso' tu yalca' pachtoo saul yetel u palal nadzil. Filisteose' tu quinsoo Jonatan, Abinadab yetel Malquisua, u palaloo. ³ Le bateilo' jach yaj-cha utial saul, meetaa looti men le arqueroso. jach yaa u kinaan yolal le dzu meetal tio'. ⁴ Saul tune' tu yaala ti le max cuchmil u armao, "Joos a espada tadz loomten yetel. Wa mae' le ma' sujuy kuptaanooba yan u ta-loo cu meetcoo ten oola'. Baale canampache' muun meetic, men letie' jach u ch'amasaaquilil. Beytuno' Saule' caa tu macha' u espada caa tu ch'aa u luubul yokol. ⁵ Leu canampach caa tu yila' dzu quimil Saule', leti xane caa tu ch'aj u luubul yokol u espada caa quim yetel. ⁶ Beyo' quim Saul, tu oxtulil u palal, yetel le canampacho'; le maacoo jeela muuch' quimicoo ti un p'elili kin. ⁷ Le u maquiloo Israel le yanoo tu tzel le kancab luumo yetel le yanoo pachil ti le jordano caa tu yiloo tun pudzuloo u xiibiloo Israel, beyxan Saul yetel u palal dzu quinsaaloobe, letioob caa tu p'atoo u cajaloo caa pudzoo, le filisteosobo taloo caa cajoo tee cajoobo. ⁸ Uchi tu jel kin, le caa tal le filisteoso u yiloo le quimenoobo, letioob tu caxtoo Saul yetel oxtul u palale quimenoo tu kaxil Gilboa. ⁹ Letioobe caa tu cul ch'actoob u pol, caa tu tzeloo' u armas caa tu tuchitoo bisa t'an tu lacal u luum le filisteoso' yo-lal u bisaal le pectzila' ti u templos le meyabil diosoobo yetel ti tu lacal le cajo'. ¹⁰ Caa tu dzaopo u armas tu templo Astorot, caa tu kaxoo u wincilil tu pakil u cajil Bet-San. ¹¹ Le caa tu yuuboo u cajnalil Jabes Galaad le dzu meetic le filisteos ti Saulo'. ¹² Liikoo tu lacal le maacoo ma sacoob caa ximbanajoo kal-aka tial u chao' u wincilil Saul yetel u wincilil u palaloo tu pakil Bet-San. Letioobe binoo tac Jabes tu toocoo teelo'. ¹³ Beytuno' letiobe tu ch'aoo u baaquel caa tu mucoo yanal u cul che' Tamarizco tee Jabeso', caa sukinajoo siete kinoo.