¹ Uchi le caa kuch David yetel u xiboobe Siclag tu oxp'el kin, le Amalecitasoo dzocaan caach u jedzcoo Neguev tee Siclag. Letioobe oc u jadzoo Siclag, tu tocoo. ² Caa tu ch'ao u cooleliloo' yetel tu lacal le yan caach letio bey chichan yetel nuuctac. Ma' tu quinsoo mix maaqui, baale tu bisoo caliquil tun ximbatic u beloo. ³ Le caa kuchoo David yetel leu maacoo tee cajo, toocaan, u yatanoo u palaloo yetel u xch'upulaloobe bisaabo palitzilbil. ⁴ Beytuno David yetel le maacoo le yanoo caach yeteloo ahuat najoo yetel okolnajo tac uch cu xupul muk tiaal u yokoloo. ⁵ Leu caatul atan ti David bisaab palitzilil, Ahinoam le Jezreelitae' yetel Abigail u yatan Nabal caachi le Carmelitaile'. ⁶ David jach yaj yanil caachil, men le maacoobo tun yaacoo u ch'in tunich coo, men tu lacal maacoobo tun ya-ol coo tu pixanoo, jujuntul maaque yo-sal u palal xiib wa' xch'uup; baale Davie' mukan chaji ti yuntzil, u Dios. ⁷ David tu yaala ti Abiatar u pal Ahimelec, le yunkino:"Quin kaat oltic ti tech, tasten Efod (u nok yunkin) waye' intial Abiatar caa tu tasa le Efod ti David. ⁸ Davie' payalchinaji ti yuntzil yo-lal u yeesalti u belil bey tu yaala:"Wa quin aalcapachte le huachooba, ¿Jeelin chuecoobe? yuntzile tu nuuca':"Penen tu paachoo, men u jajile' jaa chuccoobe yetel u jach beyile' ca caa ch'iic tu lacal". ⁹ Beytuno Davie' bini, leti yetel seiscientos xiiboo leti le yanoo caach yetelo; letioobe kuchoo tee torrente Besor, tux wajaitul p'aatoo teelo. ¹⁰ Baale Davie' na' tu p'at u tzaypachcoobi, leti yetel cuatroscientos maacoo, men doscientose p'aatoo pachil, men letioobe ma' muukoo letioobe maun beytal u tadz manscoo le torrente Besoro'. ¹¹ Tu nactantoo untu Egipcioil tee kaxo caa tu tasoo ti David, tu dzao' wa' ti, letie' jaani caaxan tu dzao jaa' ti tial yuke'. ¹² Letiobe caa tuu dzao u xet u wajil higos yetel caa jeech pasas. Le caa dzooc u jantic letie', yancha' u muk, men mau jant wa' mix jaa' yuke ocp'el kin yetel oxp'el aka'. ¹³ Davie' tu yaala' ti: ¿Max tililech tech? ¿tux a tal? Letie tu yaala':"Tene un tul xiib tanquelemen Egipcioilen, u meyajen un tul Amalecita; in yuumile tu p'aaten men oxp'el kinaque luuben ti kojaanil. ¹⁴ Tec mecta un p'el jadz te Neguevo ti le cereteoso, yetel le u tial Juda', beyxan u Neguev Caleb, toon tooc Siclag. ¹⁵ David tu yaalati:" ¿Jea bisquen le tux uche' ocolo? Le Egipcioo tu yaala':"Ch'aachi tun Diios caa wale maan quinsquen, wa maan kubquen tu kab in yuumil, tene' quin bisquech le tuxyan le ocoloobo. ¹⁶ Le caa dzooc u bisac David men le Egipcioo, le ocoloobo kifpajaanoo tee tu lacal le luumo' tun janloo tun caltaloo tanxan u yokotoo yo-lal le bal tu yokloobo le tu ch'aoo' tu luum le filisteoso' yetel tu luum Juda'. ¹⁷ Davie' ocujadzoo tial u dubul kin tac uch cu yokol kin ti u lak kin. Mix un tul xiib puudzi, chen jajil cuatroscientos xiiboo tan tan quelemoobe, letioobe tu naata' u cameloo caa puudzoo'. ¹⁸ david tu caa ch'aa tu lacal le tu ch'ao le Amalecitaso'; David tu tocoj tu caatulil u yatan. ¹⁹ Mix baa cu binetic, mix chichan mix nojoch, mix xiibi palal wa chupupalal, mix takin, mix un p'el baal le tu ch'aoo le ocoloob u tialtoo. David tu lacal tu caa suta'. ²⁰ David tu ch'aa tu lacal le mulen mul tamanoobo, lelooba le xiiboobo cu biscoo actan ti u jel huacaxo'. Letioobe tu yaaloo:"Le botina u tial David". ²¹ Davie' tal tux yan le doscientos ma' muuko ma beycha' u binoo tu paache, lelooba p'aatoo tee torrente Besor le maacoo jeela bin u ximbaloo tial cu nactantoo David beyxan le maacoo yanoo' yeteloo. le caa tal David yicnal le maacoob, letie' tu tzica'. ²² Beytuno' tu lacal le xiiboob kasaanoobo, u yetmanoo mix bak u biloo ichil max dzuu binoo yetel David tu yaaloo:"Baxten le macooba ma' binoo tec eteli, maane dzic tioo mix un p'it le botin le dzooc oc caa ch'a coo. Chen jalil u yatanoo wa u palaloo cu ch'aacoo, cu binoo'. ²³ Beytuno' David tu yaala':"Teex ma' meetquex beyo', in laakoo yetel le dzu dzictoon yuntzilo. Leti canantoon tu kuba' xan tec kab le ocoloobo maxoo taloo tial u meet toon loob. ²⁴ ¿Max uuyex teex yo-lal le baala'? Men t'ooxo u tial jeenquen caa ococ bateile, beyxan cun t'oxbil ti jeen maxan cu canan nuucul teelo; cu dzabal tioo bucaa le cu dzabal toono'. ²⁵ Bey chuni tac bejlae', men Davie' tu p'aata bey aalmat'ane bey u p'is u metic Israelo'. ²⁶ Caatal David Siclag, letie' tu tuxta un p'it le botino' ti le nuxiboob tee judajo ti u teepolaloo caa tu yaala:"Jeeel u p'it sibal ti teex tac ch'aa ti le max p'ec miloo' yuntzilo'. ²⁷ Letixane tu tuxta ti le nuxiboo cajanoo Betel, beyxan le cajaanoo tee Ramot tee nojolo beyxan le yanoo tec Jatir. ²⁸ Tial xan le yanoo caach tee Aroer. Tial xan le yanoo caach tee Sifmot, yetel xan le yanoo caach tee Estemoa. ²⁹ Leti xane tu tuxta un p'it ti le nuxiiboo le yanoo caach tee Racal, ti xan le yanoo caach tu cajiloo Jerameelitaso', beyxan tial le yanoo caach tu cajiloo Quenitas. ³⁰ Utial xan le yanoo te Horma, u tial xan le yanoo caach Corasan, u tial xan le xanoo caach tee Atac. ³¹ Utial xan le yanoo caach Hebron, ti tu lacal le cuchiloo tux David tu kabil, yetel u xiibo tux succha u binoo.