¹ Six coong yaz hayh coong nzuf Gungh-đi muif hungđ Munh nyăngz woac, yâuc năngx hayh coong Stynz-Munh nyăngz woac, bix yaz max Stăngz Munh, Yaz coong nyăngz woac six năngđ boz loh buyb đingf đingf têx tinyh gapb nyaoc Munh. ² Six coong yaz naih sâuđ nyâyc hayh Tâuc Tênb-Hungh nyăngz woac, yâuc hayh saz tuz max zengx plongx yangh nyăngz dlayc, yâuc naih muif hungđ bănh sangz, yâuc naih seenz Stymz yongb, yâuc hayh êu tuz zoongz zâyc stuyc, Six yaz max Stăngz Munh lauf max naih stuyh muc. ³ Six coong yaz zoz nzuf yaz naih nyăngz jax toongx taih patz phunz Munh zâuđ Munh nzuf, yâuc zoz yaz nyăngz Mengc, jaoz phunz Munh pu nongc ayx stanb lanyh, six yaz max stăngz Munh, Yaz ayx nyăngz dlayc six max naih lungđ lôif phunz yaz tuz gongx. ⁴ Six coong stăngz Munh, songđ ayx tuz nyâuđ đao nyâuđ gongx phunz Munh, Six coong Stăngz munh, “six max stâyx munz, max zanyb lub, max ayx guyf.” ⁵ Stăngz Munh six max ayx năngđ max saz Gâyf nyăngz Munh, six coong Stăngz munh, Six max tâuh cănh tuz gongx, max siv nhleenx, max săngx Munh ayx peo pănh nyăngz dlayc. ⁶ Six soong stăngz Munh, six max numđ nyađ ayx huđ nyăngz dlayc, cungb numđ nyađ seenz gâyf cungv. ⁷ Six coong Stăngz Munh, Six naih noic tanyđ tuz muif hungđ dlayc, naih Seenz stymz, yâuc naih tync mungc. ⁸ Stăngz Munh nyăngz nyâuđ stâyv Quâyx max hayh nzuf, Tâuc Tênb-Hungh nyăngz woac six max zâyf Stâyv quâyx naih ayx, naih sâuđ nyâyc coong pitc hungđ woac, naih noib nâyx đomc dlayc six jac nzuf, naih bănh sangz yâuc zuc tuih nzuf. ⁹ Wâyc zuc naih bănh sangz, Cloon ayx Stênx-stengb, six max Clakx-clunh. ¹⁰ Six Clakx-clunh nyăngz dlayc taih tauv, max Clakx-clunh woax đomc songđ zuc jac nzuf. ¹¹ Yaz ayx Munh Sây woax zanyf, Yaz coong woac năngđ Munh Sây, ayx dlayc năngđ Munh Sây, Six tauv Yaz lub taih Yaz max ayx Munh Sây nyăngz gao. ¹² Nâyx zanyf, pănh six năngđ mangc Munh Sây Canyx nâyx, plâub-plâub ha, six tauv săngx huđ, pănh songđ phătc mynb toix mynb, Yaz nâyx zanyf pâyz tuz woax đomc, tauv woax zanyf Yaz songđ pâyz tuz nzuf, năngđ Tênb-Hungh pâyz Yaz nâyx Gôh. ¹³ Six nâyx zanyf, cungb năngx naih pôz hungđ yămz, naih seenz stymz, naih tync mungc, naih lanh stăngz lanh.” Nongc seen quaix six lanh Stăngz lanh.”