7 ¹ Nâyx tauh Mên-zi-sê-đêkv, ayx Sa-lem stengv nyăngz Hungh, yâuc ayx yămz njangb quaix Tênb-Hungh nyăngz stayb-munh, Apv-ra-ham ninyh panx tuz hingh woa pyâyz tauh Hungh stix phunb đangz lauf woax zanyf, Mên-ji-sê-đêkv ninyh pongh Apv-ra-ham yâuc poou woac phunz nănh. ² Apv-ra-ham, zoz nănh bopc tuz hingh zab tuz taih nyăngz phănc, săpc phănc nănh zoz ah phănc stungx phunz Mên-ji-sê-đêkv, Mên-ji-sê-đêkv, woax nomz bux âyz gâyf six pengh stymz nyăngz Hungh, nănh ayx Sa-lem stengv nyăngz Hungh stix, âyz gâyf six pengh oonz nyăngz Hungh stix. ³ Max naih laiv lanh pâyz tuz Mên-ji-sê-đêkv, nyăngz cănz nyunh yămz laiv tix, yâuc max pâyz tuz nănh stungz zez tâuh tăng laiv tix taih, yâuc max naih mănv pâyz tuz nănh stengb stâyv nyăngz noib lav, nănh six năngđ Tênb-Hungh nyăngz Toonz, stâyv quâyx ayx stayb-munh. ⁴ Năngđ naz nyâuh yâuf pez ô stayx nyâyh mangc jađ, Mên-ji-sê-đêkv tăng laiv lub, Pănh nyăngz claof côx, Apv-ra-ham, songđ zoz nănh bopc tuz hingh zab tuz taih nyăngz jax dlaih, nănh tanb săpc phănc ah phănc phunz Mên-ji-sê-đêkv. ⁵ Âyz Đoouc-lif gâyf, Li-vi munh nyăngz sây stunz lanđ, ayx stayb-munh woax đomc, six zuc sâub Y-sa-la-ên munh nyăngz laiv hungđ, săpc phănc ah phănc phunz nănh stiz, max cun hănđ tinyh đoih ayx Y-sa-la-ên munh, yâuc ayx Apv-ra-ham nyăngz sây stunz.* ⁶ Mên-ji-sê-đêkv max zâyf Lê-vi stingx nyăngz stungz zez tâuh, six nănh tuz sâub Apv-ra-ham nyăngz phănc săpc phănc ah phănc, yâuc poou woac phunz Apv-ra-ham, yâuc tuz stipx Tênb-Hungh nyunc phunz nyăngz phănc.” ⁷ Poou woac phunz woax tauh, songđ ayx năngx lub têx, tuz pou woac woax tauh. ⁸ Coong tauv stayb-munh, nănh stiz sâub săpc phănc ah phănc phunz, six nănh stiz lauf hayh tayc nyăngz munh, Six Mên-ji-sê-đêkv, lauf sâub săpc phănc ah phănc, Apv-ra-ham nyăngz phănc, six nănh lauf tuz stâyv quâyx săngh năngđ Canyx-stâub coong nâyx, ⁹ Coong tauv Lê-vi munh nyăngz sây stunz, sâub săpc phănc ah phănc, six Apv-ra-ham lauf seetb săpc phănc ah phănc phunz mên-ji-sê-đêkv. Woax zanyf Lê-vi munh lauf cloon seetb. ¹⁰ Wâyc zuc Mên-ji-sê-đêkv, pongh Apv-ra-ham woax zanyf, Lê-vi lauf max zengx stengb stâyv, nănh năngx yămz pănh claof côx Apv-ra-ham nyăngz stynb. ¹¹ Cah đangc noib Tênb-Hungh phunz Đoouc-lif gâyf Y-sa-la-ên munh woax zanyf, songđ naih Lê-vi woax hungđ stayb-munh nyăngz Đoouc lif gâyf ayx coonz tay, six coong Lê-vi woax hungđ stayb-munh ayx nyăngz cumh pâuz năngđ hayh ayx phunz munh tuz clakx clunh têx, ayx laix zâyf năngx zuc naih pitc tauh stayb-munh seetb taih năngđ Mên-ji-sê-đêkv woax hungđ stayb-munh max năngđ A-rôn?” ¹² Phătc naih stayb-munh seetb taih coi wănc, Đoouc-lif gâyf lauf coi wănc. ¹³ Coong tauv pănh nyăngz Njâuv Zâu, Nănh six cănh pitc stingx munh, woax stingx munh max zengx naih laiv lanh tuz ayx stayb-munh yămz congx Hungh tync Canyx bongc Zâu. ¹⁴ Munh songđ pâyz tuz manyh pec, pănh nyăngz Zâu stengb stâyv taih toix Yu-đa stingx, Mô-sê lănv stayb-munh woax zanyf, nănh yâuc max zengx naih laiv zâux woac coong tauv Yu-đa stingx.” Yê-su năngđ Mên-ji-sê-đêkv ¹⁵ Năngx naih ah tyuh songđ phunz pănh pâyz năngx yox têx, six năngx naih pitc tauh stayb-munh seetb taih cayx năngđ Mên-ji-sê-đekv nâyx. ¹⁶ Nănh tuz njăpc ayx stayb-munh max zâyf bamh munh nyăngz gâyf njăpc taih, six âyz max hayh dlêtc nyăngz gâyf njăpc stayb-munh taih. ¹⁷ Wâyc zuc Canyx-stâub coong, “Mâyh stâyv quâyx ayx stayb-munh, năngđ Mên-ji-sê-đekv woax hungđ stayb munh nâyx.”* ¹⁸ Lôx nyăngz Đoouc-lif gâyf songđ zuc quengx, wâyc zuc haiđ yongb max săngh nongc. ¹⁹ Mô-sê nyăngz đoouc-lif gâyf max hayh phunz laiv hungđ tuz clakx clunh, six nâyx zanyf, naih ah hungđ gâyf năngx gongx têx, hayh ênz tuz munh ninyh stătx Tênb-Hungh. ²⁰ Năngx naih ah hâyđ Zâu Tênb-Hungh nyunc woac, nănh njăpc Lê-vi munh ayx stayb-munh woax zanyf, Nănh max nuz laiv hungđ nyunc woac. ²¹ Six njăpc cah đangz woax tauh Nănh cănh nuz Nănh nyunc woac coong, “Zâu nyunc nyăngz woac stâyv quâyx max wănc stymz, “Nănh coong mâyh six ayx stayb-munh stâyv quâyx.” ²² Tênb-Hungh nyunc nâyx hâyđ woac, Yê-su tuz baoz đamz tuz ayx năngx gongx quaix nyăngz cumh pâuz.” ²³ Đangc dlih naih stayb-munh đungx, six wâyc nănh stiz hayh tayc, max hayh tuz stâyv quâyx ayx stayb-munh nyăngz cumh pâuz. ²⁴ Six Yê-su stâyv quâyx săngh, Nănh songđ tuz stâyv quâyx ayx stayb-munh.” ²⁵ Wâyc nâyx Yê-su stâyv quâyx săngh, Nănh songđ hayh Njâuv coouv Nănh bix taih lov Tênb-Hungh woax đomc munh, Nănh njynh leox stăngc nănh stiz jođ Tênb-Hungh. ²⁶ Wâyc năngđ naz, Yê-su six ayx pănh sămv zuc nongc nyăngz stayb-munh, Nănh max naih tync nzêmh, Nănh max naih stoif, Nănh six đăngb zengh max naih wâyx gâyh stoif munh muf yămz woa gungh njăngb quaix nyăngz muif tab gungh. ²⁷ Yê-su max năngđ woax đomc stayb-munh, Nănh max sămv munh muif noib nzâyz stanyb lanyh ninyh congx stav nănh stiz nyăngz stoif, quaix đangz wâyc stav pec stingx nyăngz stoif, Yê-su cănh nongc Nănh congx ah hâyđ đokc caux nzuf. ²⁸ Âyz Mô-sê nyăngz Đoouc-lif gâyf njăpc ayx stayb-munh woax đomc six bamh munh, songđ đoonh nzongf six yămz Đoouc-lif gâyf cah njaf, quaix đangz Tênb-Hungh cănh nyunc njăpc nănh nyăngz Toonz taih, nongc ayx stayb-munh songđ tuz clakx clunh stâyv quâyx. Yê-su six ayx pănh nyăngz stayb-munh