46 ¹ Y-sa-la-ên, dlonf nănh nyăngz muif hungđ jax toongx nzâyz lêpc nănh ninyh tauv Bê-e-sê-ba, stâyz phangz, yămz woa nănh zoz stanyb lanyh congx phunz nănh stiz pha Y-sakv, nyăngz Tênb-Hungh. ² Tauv woax munf nzămc, Tênb-Hunh hynđ taih pooux bây bux êu nănh coong, "Ya-côpv lex! Ya-côpv, nănh tauz, yaz yămz nây đôih. ³ Tênb-Hungh coong, "yaz six nyâuh pha nyăngz Tênb-Hungh, năngx gâyf cumh nzav phanv ninyh Y-yiêpv-tô stâyz phangz, yămz woa yaz six ayx phunz mâyh nyăngz six miuh pênx ah đomc pec stingx hongđ nzongf. ⁴ Yaz six cloon mâyh ninyh tauv Y-iêpv-tô stâyz phangz, nzof tauv mâyh quaix stâyv nyăngz săngx huđ, Yô-sepv, nyăngz puf six lupc phunz mâyh nzipx mâyc." Ya-côpv ninyh Y-yiêpv-tô stâyz phangz ⁵ Ya-côpv, ninyh gâyh Bê-e-sê-ba, nănh nyăngz toonz pâuh nănh stiz pha Y-sa-la-ên, cloon nănh stiz nyăngz au sây, staox Phao-lô Hungh phunz taih nyăngz sex nongc tâuc nănh stiz ninyh. ⁶ Nănh stiz yâuc dlonf yămz Ca-na-an, tuz taih nyăngz stanyb hauđ muif hungđ, Ya-côpv, songđ cloon nănh nyăngz yeetx stong sây stunz, tinyh đoih pyaux ninyh yămz Y-yiêpv-tô stâyz phangz. ⁷ Nănh ênz nănh năngz toonz, cloon stunz toonz, stunz sab, stunz lanđ, njynh cloon nănh nyăngz pyau munh, tinyh đoih nzac Y-yiêpv-tô stâyz phangz ninyh. Ya-côpv nyăngz pyau munh ⁸ Nây six coong tauv Y-sa-la-ên, nyăngz toonz ninyh yămz Y-yiêpv-tô, Ya-côpv, nyăngz toonz coonz bux hipđ ayx Ru-bên. ⁹ Ru-bên, nyăngz toonz six Hê-nokv, Pha-lu, Hêpv-rôn, cloon Catc-mi. ¹⁰ Sê-mê-ôn, nyăngz toonz six Giê-mu-ên, Ya-min, Ô-hatv, Ya-jin, Sô-ba, cloon Sau-lơ, six Ca-na-an, munh sab nyăngz sây. ¹¹ Lê-vi, nyăngz toonz six Getc-sôn, Cê-hatv, cloon Mê-ra-ri. ¹² Yu-đa, nyăngz toonz six Ê-rơ, Ô-nan, Sê-la, Phê-rêtv, cloon Sê-rakv, (Ê-rơ, cloon Ô-nan, quaix stâyv yămz Ca-na-an, nzof, Phê-rêtv, nyăngz toonz six Hêtv-rôn, cloon Ha-mun. ¹³ Y-sa-ca, nyăngz toonz six Thô-la, Phu-wa, Yopv, cloon Sim-rôn. ¹⁴ Sê-bu-lôn, nyăngz toonz six Sê-rêkv, Ê-lôn, cloon Gia-lê-ên. ¹⁵ (Nănh stiz six Lê-a, stengb phunz Ya-côpv, nyăngz sây, yămz Pha-đan, A-ram, cloon nănh nyăngz sab Đi-na, njynh toonz cloon sab stamx săpc stamz lanh munh.). ¹⁶ Gatv, nyăngz toonz six Sê-phôn, Ha-gi, Su-ni, Etv-bôn, Ê-ri, A-đô-ni, cloon A-rê-li. ¹⁷ A-se, nyăngz toonz six Dim-na, Dikv-va, Dikv-vi, Bê-ri-a, nănh stiz nyăngz muc six Sê-rakv, cloon Bê-ri-a, nyăngz toonz six Hê-be, cloon Many-ci-ên. ¹⁸ (Nănh stiz six Siny-ba, nyăngz toonz, La-ban, phunz Lê-a, nyăngz nâuh sab. Ya-côpv, nyăngz toonz sab yeetx stong naih săpc guc lanh munh). ¹⁹ Ya-côpv, nyăngz au Ra-zên, nyăngz toonz six Yô-sepv, cloon Bê-ya-min. ²⁰ (Yămz Y-yiêpv-tô stâyz phangz, Yô-sepv, naih iz nyăngz lanh toonz six Ma-na-se, cloon Epv-ya-im, Phô-ti-phê-ra, ayx stayb-munh yămz Ôn, stengv, woax lanh munh nyăngz sab, Akv-natv, stengb phunz Yô-sepv). ²¹ Bê-ya-min, nyăngz toonz six Bê-la, Bê-ce, Akv-bên, Yê-ra, Na-a-man, Ê-hi, Rô-sơ, Môpv-bim, Hôpv-bim, cloon A-rêkv. ²² (Nănh stiz six Ra-zên, nyăngz toonz stengb phunz Ya-côpv, yeetx stong naih săpc stâyx lanh.) ²³ Đan, nyăngz toonz six Hu-sim. ²⁴ Nepv-ta-li, nyăngz toonz, Giatv-sê-ên, Gu-ni, Giê-sê, cloon Si-lem. ²⁵ (Nây six Bi-la, nyăngz toonz, La-ban, phunz Ra-zên, nyăngz nâuh sab, stengb phunz Ya-côpv, yeetx stong naih nhlic lanh munh.) ²⁶ Lêpc Ya-côpv, ninyh Y-yiêpv-tô woax zanyf, nănh nyăngz sây stunz lanđ cloon bongf naih guc săpc guc lanh munh. ²⁷ Năngx naih Yô-sepv, stengb phunz Ya-côpv, iz lanh toonz yămz Y-yiêpv-tô stâyz phangz, năngđ naz, yeetx stong ninyh tauv woa nyăngz munh songđ naih jeetb săpc lanh munh. Ya-côpv ninyh tauv Y-yiêpv-tô stâyz phangz ²⁸ Ya-côpv, êu Yu-đa, ninyh đangc pongh Yô-sepv, phunz nănh yeenv jau phunz nănh stiz ninyh Gô-sen, stâyz phangz. ²⁹ Yô-sepv, songđ bênc maf sex ninyh Gô-sen, stipx nănh nyăngz pha, Yô-sepv, phătc Y-sa-la-ên, nănh nyăngz pha songđ coonx ninyh jom clangz haoh tuz batz lauh. ³⁰ Y-sa-la-ên, coong ănz Yô-sepv, nâyx zanyf yaz tuz mâyc phătc mâyh năngx săngh, yaz hănđ tayc songđ numđ siv nzac gôh." ³¹ Yô-sepv, bux nănh nyăngz yâuf pez toic cloon nănh nyăngz pha, yaz six ninyh lănv bux Pha-ra-ôn Hungh coong, "Yaz nyăngz pha sây pyau munh yâuf pez toic, yămz Ca-na-an stâyz phangz, nâyx zanyf nănh stiz taih tuz tauv yaz nây. ³² Nănh stiz six ayx jămđ stanyb hauđ nyăngz munh, zu yungf, zu ngoongh nyăngz munh, tăng lôx tauv nâyx zanyf, nănh stiz six yungf stengb hauđ nyăngz munh, nâyx zanyf nănh stiz năngx nzâyz cloon stanyb hauđ yungh ngoongh, cloon muif hungđ jax toongx taih nây." ³³ Pha-ra-ôn Hungh êu nyâuh yâuf pez taih naic nyâuh woax zanyf, nănh naic coong, "nyâuh ayx laiv hungđ congz, nongc ayx nhlync?" ³⁴ Nyâuh six zuc tauz coong, "Hungh stix lex, buz tăng năngx jeenz six yungf stanyb hauđ nongc nhlync tuz tauv nâyx zanyf, buz nyăngz stu stongz lauf yungf stanyb hauđ, coong ayx nga, nyâuh nzăngđ tuz yămz Gô-sen, wâyc zuc Y-yiêpv-tô munh max oix yămz stătx yungf stanyb hauđ nyăngz munh." Ya-côpv yămz Gô-sen