15 ¹ Nâyx đomc dlayc quaix nzuf, Ye-hô-wa, hynđ yangh phunz Apv-ram phătc yâuc bux nănh coong, "Năngx gâyf cumh nzav, yaz six leđ mâyh nyăngz jax toongx, yâuc sađ pôz lub phunz mâyh. ² Apv-ram, tauz coong Zâu Ye-hô-wa lex! Mâyh cayx sađ nhleenz tâuv pôz phunz yaz? yaz njynh max naih ah lanh sây, cungb naih Ê-li-ê-se stipx yaz nyăngz jax dlaih cungv. ³ Mâyh lôx max sađ tuz ah lanh sây phunz yaz, cungb tuz ah lanh yaz nyăngz nâuh munh stipx yaz yăngz jax toongx cungv." ⁴ Apv-ram, năngx numđ Zâu Ye-hô-wa bux nănh coong, "Mâyh nyăngz pâuz Ê-li-ê-se, max tuz ginyf mâyh nyăngz jax toongx đêh, six seenz cănh mâyh nyăngz toonz nzăngđ tuz ginyf lêc." ⁵ Zâu ênz nănh seetb cungh ngwoaic ninyh bux nănh coong, "Mâyh phanv mangc lâyc gungh stingz tau geh, mâyh năngđ stauđ tuz nzuf têx, yaz songđ oix sađ phunz mâyh naih sây stunz đungx năngđ nâyx gôh." ⁶ Apv-ram, zeen Zâu Ye-hô-wa, nyăngz woac, Zâu songđ stunx tah claof six ayx pengh stymz nyăngz munh. ⁷ Zâu coong bux nănh, "Yaz six ênz mâyh seetb gâyh U-rơ, Cany-đe munh nyăngz stâyz phangz, yâuc jaoz nâyx nomz stâyz phangz phunz mâyh tuz stipx nongc ayx nhlync, woax tauh six Zâu Ye-hô-wa gôh." ⁸ Apv-ram năngx naic, Zâu Ye-hô-wa lex! yaz ayx laix hayh pâyz tuz yaz tuz nâyx nomz stâyz phangz?" ⁹ Zâu Ye-hô-wa, bux coong; "Mâyh phanv nzâyz ah tauh ngoongh wăngh janx pôz nyăngv, ah tauh yungh janx pôz nyăngv, ah tauh pa-jiz yungh congz pôz nyăngv, ah saz noc bah côz gunx, cloon ah saz noc copz taih phunz yaz." ¹⁰ Apv-ram, songđ zoz nâyx đomc muif hungđ stanyb lanyh taih congx phunz Zâu, muif hungđ nănh paiv ayx iz phanx, ah phanx tăpx ănz ah đoif, six noc nănh max paiv. ¹¹ Woax đomc clang songđ nzac taih bopb woax đomc a, Apv-ram yâuc luiđ tyuv. ¹² Tauv bah noib mutc zâyc woax zanyf, Apv-ram, phâyx mâyc njoomh đôz, naih ah cuyb nzămc mengh nzac nănh cah zâyc taih đăpx nănh. ¹³ Nzof Zâu Ye-hô-wa coong bux Apv-ram, mâyh six zuc pâyz coong, "Mâyh nyăngz sây stunz, six zuc săngh ah stingx munh njingc munh, yâuc zuc ayx nâuh phunz cungh ngwoaic côkz munh stâyx pez nyăngv. ¹⁴ Yaz six phađ wâyb mâyh nyăngz sây stunz ayx nâuh woax đomc munh nyăngz stoif, blătc woa nănh stiz songđ tuz nzâyz tungh zangc đungx nzongf pyaux seetb côkz. ¹⁵ Six mâyh songđ yămz tuz mengc đao quaix stâyv tuz pengh oonz nzâyz ninyh (plopx-mokb) ¹⁶ Tauv blătc woax pyâyz stâyv munh, nănh stiz nzăngđ tuz phunb đangz lauf nây, wâyc zuc A-mô-ritv, munh nyăngz stoif max zengx tuz pong stâuv. ¹⁷ Tauv nzămc bah noib mutc zâyc, naih ah lâuh tâuf pu sac nzuf woax đomc a. ¹⁸ Toongx woax noib Zâu Ye-hô-wa cloon Apv-ram nyunc woac coong, "Yaz six sađ nâyx nomz stâyz phangz, tăng Y-yiêpv-tô nyăngz coiđ lub, phunz tauv Ơ-phơ-ratv coiđ phunz mâyh. ¹⁹ Njynh nâyx đomc Cê-ritv munh, cloon Cê-nê-sitv, Catv-mô-nitv munh nyăngz stâyz phangz yaz jaoz phunz nănh stiz nzuf. ²⁰ Hê-titv, Phê-rê-sitv, Rê-pha-im. ²¹ A-mô-ritv Ca-na-an, Gê-ri-ga-sitv, cloon Rê-bu-sitv munh nyăngz stâyz phangz." Ikv-ma-ên stengb stâyv