11 ¹ Tăng cah lof noib gungh đi munh yeetx stong six tinyh đoih coong ah hungđ woac nzuf. ² Nănh stiz byaux ningh tauv woa tongz phanx mangc phătc naih ah nomz pengh tongc quăng nzongf, bux hipđ ayx Si-na nănh stiz songđ yămz woa. ³ Nănh stiz lanh coong bux lanh, taih pănh ta nib zunz pu năngx nhlengc nongc wănc njauz, zoz nib đi nhlâuh nyăngz stungz nongc wănc huib. ⁴ stiz lanh coong bux lanh, taih pănh zâyv ah nomz stengv, cloon ah nomz phan Thapv njăngb tauv gungh. pănh six ayx tuz phunz pănh naih manyh yangh, pănh năngđ max ayx têx, pănh six zuc yămz đanv pong nây gungh đi nib mync." ⁵ Zâu Ye-hô-wa, nzac taih tex mangc bamh munh zâyv stengv, cloon Thapv-ba-bên. ⁶ Zâu Ye-hô-wa coong, "Mangc jađ lâyc đomc munh, ah stingx munh coong ah hungđ woac, nănh stiz songđ hopđ stymz quef coonz ayx. Stiz ayx laiv hungđ songđ ayx tuz, max naih lungđ nzez tuz. ⁷ Taih pănh nzac minyh ayx lunc nănh stiz nyăngz woac, phunz stiz lanh max saz lanh nyăngz woac." ⁸ Tăng woa, Zâu Ye-hô-wa, ayx phunz nănh stiz lunc pong gungh đi, nănh stiz songđ quengx max zâyv woax nomz stengv. ⁹ Wâyc năngđ nâyx, woax nomz stengv songđ naih bux hipđ ayx Ba-bên, * wâyc zuc yămz woa Zâu Ye-hô-wa, ayx phunz munh nyăngz woac lunc nzuf, Zâu songđ phunz munh đanv ninyh yămz pong gungh đi. Sêm nyăngz sây stunz (1 Nzônh-toic-tâuh 1:24-27) ¹⁰ Tăng nây staox ninyh lănv tauv Sêm nyăngz sây stunz, womz yămx nzuf gungh đi blătc quaix đangz, iz nyăngv, Sêm, tuz ah pez nyăngv woax nyăngv, Nănh tuz ah lanh toonz, bux hipđ ayx A-batv-satv. ¹¹ Sêm, năngx yămz tuz ngâuf pez nyăngv cah đangz zâyf năngx stengb toonz sab. ¹² A-bakv-satv, tuz stamx săpc ngâuf nyăngv nănh tuz ah lanh toonz, bux hipđ ayx Sê-lakv. ¹³ Tuz A-bakv-satv blătc, nănh năngx yămz tuz stâyx pez cloon pôz nyăngv, nănh lauf năngx naih stengb tuz toonz sab. ¹⁴ Sê-lekv, tuz stamx săpc nyăngv, nănh tuz ah tauh toonz bux hipđ ayx Hê-be. ¹⁵ Sê-lekv, tuz Hê-be, blătc nănh năngx yămz tuz stâyx pez lengc pôz nyăngv. nănh songđ naih toonz sab. ¹⁶ Hê-be, yămz tuz stamx săpc stâyx nyăngv, nănh tuz ah lanh toonz bux hipđ ayx Bê-lekv. ¹⁷ Hê-be, tuz Bê-lekv, blătc nănh yămz tuz stâyx pez stamx săpc nyăngv, nănh songđ naih toonz sab. ¹⁸ Bê-lekv, yămz tuz stamx săpc nyăngv, nănh tuz ah lanh toonz, bux hipđ ayx Rê-hu. ¹⁹ Tuz Rê-hu, blătc nănh yămz tuz iz pez cloon đuh nyăngv, nănh năngx naih toonz sab. ²⁰ Rê-hu tuz stamx săpc nyâyc nyăngv, nănh tuz ah lanh toonz bux hipđ ayx Sê-rukv. ²¹ Rê-hu, tuz Rê-rukv, blătc nănh yămz tuz iz pez cloon nhlic nyăngv. nănh năngx naih toonz sab. ²² Sê-rukv, yămz tuz stamx săpc nyăngv, nănh tuz ah lanh toonz, bux hipđ ayx Na-cô. ²³ Sê-rukv, tuz Na-cô, blătc quaix đangz nănh năngx yămz tuz iz pez nyăngv, nănh yâuc songđ naih toonz sab. ²⁴ Na-cô, tuz nhlic săpc zu nyăngv, nănh tuz ah lanh sây bux hipđ ayx Tha-rê. ²⁵ Na cô tuz ah pez cloon săpc zu nyăngv, nănh songđ naih toonz sab. ²⁶ Tha-rê, yămz tuz jeetb săpc nyăngv, nănh tuz pôz lanh toonz, Apv-ram, Na-cô, cloon Ha-ran. Thê-ra nyăngz pyau munh ²⁷ Tăng Nây six lănv tauv Tha-rê, nyăngz sây stunz, Tha-rê, ayx Apv-ram, Na-cô, Ha-ran, nyăngz pha. ²⁸ Ha-ran, quaix stâyv đangc nănh nyăngz pha, Ha-ran, songđ năngx yămz nănh stengb stâyv nyăngz stâyz phangz quaix stâyv, U-rơ, cany-đê munh nyăngz stengv ²⁹ Apv-ram, cloon Na-cô, zoongz byau, Apv-ram, nyăngz au bux six hipđ ayx Sa-rai, Na-cô, nyăngz au bux six hipđ ayx Miny-ca, Ha-ran, nănh nyăngz pha six Miny-ca, cloon Dikv-ca. ³⁰ Sa-rai, piz max naih sây. ³¹ Tha-rê ênz nănh nyăngz toonz Apv-ram, cloon nănh nyăngz stunz Ha-ran; nyăngz toonz Lotv, cloon nănh nyăngz bongf Apv-ran nyăngz au sa-rai, ninyh gâyh cany-đê, U-rơ stengv oix ninyh ca-na-an stâyz phangz six ninyh tauv za-ran stengv songđ sec yămz woa gôh. ³² Tha-rê, yămz tuz iz bez nyăngv songđ quaix stâyv yămz Za-ran. Tênb-Hungh êu Apv-ra-ham