23 ¹ Phao-lô tingc mâyc mangc ayx lub nyăngz Yiu-thai munh yâuc coong, “Yâuf-pez lex! âyz Zâu Tênb-Hungh mangc phătc yaz Săngh yămz nây yangh stâyv Six ayx gongx dlayc tuz tauv nâyx noib.” ² Stayb-munh A-na-nia, “Numđ nănh coong naz, Songđ êu stâuđ woa cah synh nyăngz munh beb Phao-lô nyăngz nzeetx.” ³ Phao-lô coong, “Mâyh six năngđ tungc gongc caox huib pec nyăngz munh lex! Tênb-Hungh lauf oix beb mâyh, “Mâyh stâyv nây nongc Mô-sê nyăngz Gâyf stămđ yaz, “Yâuc êu munh bopc yaz, Mâyh ayx năngđ nâyx lauf pamf gâyf.” ⁴ Naih batz lanh munh stâuđ woa cah synh nyăngz munh mađ nănh coong, “Tah mâyh max tuz phepb coong peo Tênb-Hungh nyăngz stayb-munh.” ⁵ Phao-lô tauz coong, “Yâuf-pez lex! Yaz max pâyz mâyh six ayx stayb-munh, Canyx-Stâub ja coong, “Munh max tuz coong peo pec stingx nyăngz ayx quanz munh. ⁶ Phao-lô phătc yămz woa Huyđ-toongh nyăngz munh, naih ah po six Sa-đu-si munh, Naih ah phanx six Pha-li-si munh, “Phao-lô songđ bux nănh stiz coong, “Yaz nyăngz Pha lauf Pha-li-si munh, Nâyx noib yaz zuc stămđ yămz nây six wâyc yaz zeen Pha-li-si munh tayc blătc năngx săngh taih nyăngz gâyf.” ⁷ Phao-lô coong ayx ha, “Pha-li-si munh, Cloon Sa-đu-si munh songđ tinyh nzengz phunz đanv ayx iz peob.” ⁸ Wâyc zuc Sa-đu-si munh max zeen coong naih Stynz-munh, yâuc max zeen coong munh tayc bix năngx săngh phunb stengb taih, Yâuc max zeen coong naih manđ. Six Pha-li-si munh zeen coong naih nâyx đomc pôz hungđ.” ⁹ Songx munh songđ tinyh nzengz, “Naih ah tauh Pha-li-si munh nyoongz quef stâuđ woa coong, “Nănh six ayx ah tauh nzaox gâyf nyăngz Stênx stengb, pănh max phătc nâyx tauh ya munh longđ laiv lungđ Stoif đêh, max pâyz six naih tix tauh Stynz-munh mah six manđ taih cloon nănh coong woac lêc đêh! ¹⁰ Cun tinyh nzengz lauh. Pênx săngh tinyh jâu, Pengz pyây cumh nzav woangb Yiu-thai munh hayh zeb Phao-lô, Pengz pyây songđ êu pengz ninyh songx munh woa mungh tongx congv, Topz zoz Phao-lô ênz muf ănz woa (đônh).” ¹¹ Cah đangz munf, Zâu hynđ seetb taih bux Phao-lô coong, “Phanv pungx Stymz, “Mâyh yămz nây Ye-lu-sa-lem Stengv, Stăngc yaz ayx zanyx-manyf phunz songx munh nzof, six mâyh năngx zuc yămz Lô-ma Stengv ayx zanyx manyf tymb.” Naih ah đomc Yiu-thai munh sangv gwoangh tayx Phao-lô ¹² Cah đangz noib, “Naih ah đomc Yiu-thai munh pinyx sangv gwoangh ta zux ix njic max nhlync max hopb laiv hungđ tuz tauv tayx tuz Phao-lô tayc.” ¹³ Naih cox Stâyx săpc đungx lanh munh nâyx ta nâyx đomc njih phâyz.” ¹⁴ Nănh stiz ninyh lănv bux stayb-munh cloon ayx côx munh coong, “Buz nyunc njic max nhlync max hopb laiv hungđ zu tuz tauv tayx tuz Phao-lô tayc.” ¹⁵ Nyâuh six zuc năngđ nâyx ayx, êu Viên jiz huy nzâyz Phao-lô taih nây, Năngđ yađ nyâuh oix zah naic nănh nâyx, Buz six zu woa bah đămx jau tayx nănh năngx tayc, ayx tuz nănh taih max zengx tauv nây.” ¹⁶ Six Phao-lô nyăngz stunz, nymc mungv numđ nâyx đomc zux ix, nănh coonx tyuv ninyh tauv woa đônh lănv bux phunz Phao-pô pâyz.” ¹⁷ Phao-Lô songđ êu tauh pengz taih bux nănh, Jođ mâyh ênz nâyx tauh nauf jeenz ninyh pengz pyây woa, Nâyx tauh nauf naih ah zâux woac oix coong bux Nănh.” ¹⁸ Nâyx tauh quanz, Songđ jinb Phao-lô nâyx tauh stunz ninyh tauv Viên-jiz huy woa bux coong, “Stoif-munh Phao-lô, êu yaz ênz nâyx tauh nauf jeenz taih phunz mâyh, (sêpx) Nâyx tauh munh naih woac lanyc oix lănv bux mâyh (sêpx).” ¹⁹ Viên jiz huy nzauf nâyx tauh nauf jeenz nyăngz puf jinb seetb ninyh lanyc songđ naic nănh coong, “Mâyh naih laiv hungđ oix lănv bux yaz?” ²⁰ Woax tauh nauf tauz coong, “Ayx lub woax đomc Yiu-thai munh hangb săngx đoomz êu mâyh ênz yaz nyăngz wây Phao-lô ninyh nănh stiz cun dlayc tync năngđ yađ oix pâyz tix hungđ bix zah naic nănh tymb nâyx.” ²¹ Six jođ mâyh năngx gâyf zeen nănh stiz, “Wâyc zuc naih stâyx săpc đungx lanh munh, bênc Săngh zux ix zu bah đămx jau oix tayx Phao-lô quanyf. Nănh stiz nyunc njic max nhlync max hopb laiv hungđ tuz tauv tayx Phao-lô tayc, Nâyx zanyf stiz cungb zu mâyh (đôngh ix).” ²² Pengz pyây Viên jiz-huy songđ êu nâyx tauh nauf lauf yâuc zăpx nănh coong, “Mâyh max tuz phunz laiv lanh pâyz mâyh bux yaz nâyx đomc dlayc.” Phao-lô tuz ênz ninyh Sê-sa-rê ²³ Pengz pyây Viên jiz huy songđ êu iz tauh pengz taih bux nănh stiz coong, “Yaz Sămv zuc ah peob munh ninyh Sê-sê-rê Stengv, oix zuc bênc iz pez lanh pengz, jeetb săpc lanh zâyh maf, iz pez lanh nzâyz wic, Nâyx munf đuh săngh huđ bix seetb jau ninyh gôh.” ²⁴ Yâuc zuc bênc maf phunz Phao-lô zâyh ninyh jau leđ phunz nănh pengh oonz ninyh tauv (tôngz đôkv) Phi-litv woa.” ²⁵ Pengz pyây ja ah zây jeenx coong, “ ²⁶ Seenz Stăngz nyăngz quanz (tôngz đôkv) Phi-litv lex! Yaz Lau-đê-si-sia, Ja jeenx zuyz phunz mâyh, “Yaz săngx tauv mâyh.” ²⁷ Yiu-thai munh cayx ta tayx nănh, Six yaz numđ coong nănh six Lô-ma munh, Yaz songđ cloon yaz nyăngz pengz coonx tyuv ninyh zab zoz Njâuv nănh.” ²⁸ Yaz yâuc oix pâyz tuz wâyc săngh laix, Yiu-thai munh bix cooux nănh, Yaz songđ ênz nănh ninyh tauv yaz nyăngz cun dlayc tync Huyđ-toongh.” ²⁹ Six yaz songđ pâyz tuz Yiu-thai munh cooux nănh, “Six wâyc nănh nzengz nănh stiz nyăngz gâyf, âyz nănh stiz cooux nyăngz dlayc, Six max jic tuz ănz nzauh mah six tayx nănh tayc đêh.” ³⁰ Yaz songđ pâyz tuz naih ah đomc Yiu-thai oix tayx nănh, Six yaz songđ lênh dlih stungx nănh ninyh tauv mâyh woa, “Yaz yâuc bux woax đomc Yiu-thai munh, “laiv tauh naih lungđ dlayc oix cooux nănh bix ninyh tauv mâyh woa lănv.” ³¹ Woax munf pengz songđ âyz quanz lanyf ayx, Stungx Phao-lô ninyh An-ti-ba-zi Stengv.” ³² Tauz cah đangz noib, woax đomc zâyh maf pengz stungx Phao-lô ninyh tauv Sê-sa-rê, Six năngx naih woax đomc yăngh staux pengz phunb đangz lauf Ye-lu-sa-lem Stengv nyăngz (đônh).” ³³ Ninyh tauv Sê-sa-rê, jaoz stâub phunz (tôngz-đôkv) tuz “Pengz songđ jaoz Phao-lô phunz nănh.” ³⁴ Tôngz-đôkv toc Stâub nzuf songđ naic Phao-lô coong, “Mâyh yămz laiv nomz Stengv? Quanz songđ Pâyz tuz Phao-lô Yămz Si-li-si stâyz phangz, ³⁵ “Quanz bux coong, “Zu cooux mâyh woax đomc munh taih tauv nây, Yaz mănc mungv mâyh nyăngz coonz tay, (Tôngz-đôkv) songđ seetb lanyf êu jămđ Phao-lô yămz Hê-lôtv hungh, nyăngz hungh tync.” Phao-lô zuc munh cooux