18 ¹ Quaix đangz Phao-lô, Ninyh gâyh A-thiên stengv, Năngx ninyh tauv Cô-lin-tô Stengv.” ² Tauv woa nănh pongh zuc ah lanh Yiu-thai munh bux hipđ ayx A-qui-la, stengb stâyv yămz Bôn-tu Stâyz phangz, A-qui-la, Cloon nănh nyăngz au Bikv-si-la, nzăngđ tăng woa Y-ta-li Côkz pyaux taih tauv Cô-lin-tô Stengv, Wâyc zuc Lau-đia Hungh seetb lanyf luiđ yeetx stong Yiu-thai munh seetb ninyh gâyh Lô-ma nzêuh, Phao-lô, songđ ninyh tayđ, A-qui-la, Cloon Bikv-si-la. ³ Wâyc zuc nănh stiz iz pux tayb six gonh đupx njyuh stangc năngđ Phao-lô nâyx, Nănh songđ cloon nănh stiz iz pux tayb songc congz ayx.” ⁴ Muif nomz tingc congz noib, “Phao-lô ninyh woa Huyđ-đăngb, cloon Yiu-thai munh, Cloon Hi-lapc munh, Lănv gâyf bux phunz nănh stiz zeen Zâu Yê-su nyăngz munh.” ⁵ Si-la, cloon Ti-mô-thê, tăng Ma-si-đoan, ninyh tauv Cô-lin-tô, pongh Phao-lô, Quaix đangz Phao-lô, Songđ njengx săngx huđ congv Lănv cuđ-jeenx ayx zanyx manyf phunz Yiu-thai munh coong, “Zâu Yê-su six ayx Njâuv Zâu.” ⁶ Six nănh stiz max nyunc mungv Phao-lô, nzaox nyăngz woac, Cloon nănh tinyh nzengz coong peo nănh, nănh songđ boongf blaz gwuyz quav nyăngz nib bungb gâyh nănh yâuc coong, “Six coong nyâuh yâuf pez max tuz Njâuv six cănh wâyc nyâuh yâuf-pez! Max queenđ tauv yaz, “Blătc nây yaz six cungb ninyh lov max zâyf Yiu-thai munh.” ⁷ Phao-lô, seetb Huyđ-đăngb, ninyh tauv Ti-ti-u-giukv-tu, nyăngz pyau yămz woa, Nâyx lanh munh Congx Tênb-Hungh, Nănh yămz woa Huyđ-đăngb cah synh.” ⁸ Cơ-ritv-bu, Six jămđ Huyđ-đăngb pyau nyăngz munh côx, “Nănh cloon nănh nyăngz pyau munh zeen Zâu nzuf, “Yâuc năngx naih Cô-lin-tô Stengv nyăngz munh đungx, Numđ songđ nyunc ayx quaix womz nyăngz gâyf nzuf.” ⁹ Naih ah munf, Phao-lô, phătc hynđ yangh nyăngz dlayc. Zâu coong bux nănh, “Mâyh max nongc cumh nzav yâuc max nongc sec, nyămh dlongh lănv cuđ jeenx phunz songx munh.” ¹⁰ Wâyc zuc yaz cloon mâyh yămz, songđ max naih laiv lanh hoiđ tuz mâyh đêh! wâyc zuc yămz nâyx nomz stengv, Năngx naih yaz nyăngz munh đungx.” ¹¹ Phao-lô yămz woa ah nyăngv phanx, Lănv Zâu nyăngz woac phunz songx munh mungv.” Phao-lô zuc ênz ninyh tauv Ga-li-ô ¹² Ga-li-ô, năngx ayx Tôngz-đôkv, miênh nam Hi-lapc woax dlapc, songđ naih batz lanh Yiu-thai munh taih nzengz Phao-lô, taib nănh ênz ninyh woa stămđ stoif tync.” ¹³ Nănh stiz cooux nănh coong, “Lâyc tauh ya munh nzaox êu munh congx Tênb-Hungh, “Six Nănh nzaox longđ pănh nyăngz gâyf.” ¹⁴ Phao-lô hangb đa coong woac woax zanyf, Ga-li-ô coong đangc, “Nănh coong nyâuh Yiu-thai munh lex! Yaz bênc nyâuđ mungv nyâuh cooux nănh ayx longđ toix laiv hungđ gâyf, mah six ayx pamf toix laiv hungđ Stoif.” ¹⁵ Six nyâuh cănh nzengz nyâuh nyăngz gâyf six dluyh nyâuh cănh pob, yaz max stăngc nyâuh pob lâyc đomc dlayc, ¹⁶ Ga-li-ô, coong nzuf songđ luiđ nănh seetb woa stămđ Stoif tync ninyh.” ¹⁷ Nănh stiz seetb woa stămđ stoif tync ninyh woax zanyf, Nănh stiz topz zoz cun stămđ stoif quanz woax tauh Sôtv-then taih toongx woa Huyđ-toongh bopc nănh, Six Ga-li-ô, lenf lôx max tex tauv.” Phao-lô phunb đangz lauf An-ti-ôtv ¹⁸ Phao-lô, Năngx yămz Cô-lin-tô stengv batz lauh, nzof nănh nzăngđ phunz gâyh Yâuf-pez, songđ cloon A-qui-la, Cloon Bikv-si-la, nzac đangđ ninyh clăngv quaix Si-ri stâyz phangz, Phao-lô yămz Sen-cơ-rê, Tâyv pyây, wâyc zuc nănh cloon Tênb-Hungh naih nyunc woac.” ¹⁹ Nănh stiz ninyh tauv Cô-lin-tô stengv nzof, “Phao-lô songđ phunz đanv toic, A-qui-la, cloon Bikv-si-la, Phao-lô songđ nzac Huyđ-đăngb ninyh cloon Yiu-thai munh lănv gâyf.” ²⁰ Nănh stiz hađ nănh yămz năngx lauh, Six Phao-lô max nyeenc.” ²¹ Nănh phunz biêtc woax zanyf, Phao-lô bux nănh stiz coong, “Zâu năngđ oix têx, yaz năngx phunb đangz lauf tayđ nyâuh yâuf-pez ô stayx tymb! nzof nănh songđ nzac đangđ ninyh gâyh Ê-phê-sô.” ²² Phao-lô ninyh tauv Sê-sa-rê nzof nănh năngx ninyh tauv Ye-lu-sa-lem stengv, tayđ Huyđ-đăngb toic, “Nănh songđ ninyh An-ti-ôtv Stengv.” ²³ Yămz woa ah dlapc batz lauh nzof nănh nzăngđ phunz gâyh năngx ninyh tayđ Ga-la-ti stâyz phangz, Cloon Phi-li-ji Stâyz phangz, “Tăng nâyx nomz stengv, Năngx ninyh tauv pitc nomz stengv. Nănh ninyh oonz nănh stiz zeen Zâu munh zeen tuz yongb staox.” A-bô-lô yămz Ê-phê-sô cloon Cô-lin-tô ²⁴ Woax zanyf, Naih ah lanh Yiu-thai munh, Bux hipđ ayx A-bô-lô, Nănh stengb stâyv yămz A-likc-sơn stengv, nănh naih sting jauđ lănv Canyx-Stâub nyăngz gâyf blangc nzongf.” ²⁵ Nănh tuz toc quaix Zâu nyăngz gâyf, Nănh songđ joomz nyâuđ nzaox munh lănv tauv Zâu Yê-su nyăngz gâyf six seenz nyăngz, Six nănh cungb pâyz lănv tauv Giăng, ayx quaix womz nyăngz gâyf cungv.” ²⁶ A-bô-lô, Yămz woa Huyđ-đăngb pungx stymz nzaox munh, A-qui-la, Cloon Bikv-si-la, mungv nănh lănv, “Songđ êu nănh muf nănh stiz nyăngz pyau, “Phunz nănh pob manyf Zâu nyăngz gâyf phunz nănh pâyz tuz dloih.” ²⁷ A-bô-lô oix ninyh tauv Miênh nam Hi-lapc A-zai, Ê-phê-sô nyăngz Huyđ-đăngb munh, stăngc ja ah zây jeenx phunz A-zai stengv, bux zeen Zâu nyăngz munh êu stipx nănh, “Nănh ninyh tauv woa, “Êu nănh stiz oix zuc stipx Zâu Yê-su Tênb-Hungh nyăngz Pôz, Năngđ naz nănh ninyh tauv woa songđ stăngc oonz woax đomc munh nyăngz nyâuđ đungx nzongf.” ²⁸ Wâyc zuc nănh toongx Tênb-yaf songx munh, Nănh stâyv gâyf tuz Hingh batz lanh Yiu-thai munh, “Nănh nongc Canyx-stâub ayx zanyx manyf lănv coong, “Yê-su six ayx Njâuv-Zâu.” Phao-lô yămz Cô-lin-tô