16 ¹ Phao-lô buz ninyh tauv Đetc-bơ, Cloon Liv-zah, yămz woa, “Naih ah lanh zeen Zâu munh, Bux hipđ ayx Ti-mô-thê, Nănh nyăngz nzif six Yiu-thai munh, nzăngđ lêpc Zâu, Nănh nyăngz Pha Six Hi-lapc munh.” ² Zeen Zâu nyăngz Yâuf-pez, Yămz Liv-zah, Cloon Y-cô-ni, yâuc tanv Ti-mô-thê, ayx zanyx manyf gongx phunz nănh stiz.” ³ Phao-lô oix ênz Ti-mô-thê, Lêpc nănh, Phao-lô songđ ayx quaix catz nyăngz phunz Ti-mô-thê, wâyc zuc nănh oix ayx tuz hođ Yiu-thai munh nyăngz nyâuđ, muif lanh munh yămz woax nomz stâyz phangz yâuc pâyz tuz Ti-mô-thê nyăngz Pha six Hi-lapc Munh. ⁴ Phao-lô, cloon nănh nyăngz toic, ninyh tăng nâyx nomz Stengv, năngx ninyh tauv pitc nomz stâyz phangz, Cumh pâuz munh cloon munh côx, yămz Ye-lu-sa-lem Stengv, Zoz seenz gâyf jaoz phunz songx munh ayx âyz.” ⁵ Huyđ-đăngb munh songđ muif noib nzac pâu, Cun ayx cun đungx staox, yâuc naih seenz stymz njoongh.” Phao-lô tuz êu ninyh gâyh zâu av stâyz phangz ⁶ Singx lingh max phunz Phao-lô buz lănv cuđ-jeenx, Yămz Zâu av stâyz phangz, Phi-ri-gi, Cloon Ga-la-ti.” ⁷ Six nănh stiz ninyh tauv Mi-si-a, nyăngz stâyz-phangz căpx caix, Nănh stiz hangb nzac Bi-thi-ni, ninyh, “Six Zâu nyăngz singx lingh max phunz nănh stiz nzac zâu av ninyh lănv cuđ jeenx.” ⁸ Wâyc năngđ nâyx, Nănh stiz songđ zav quaix Mi-si, nyăngz stâyz phangz ninyh tauv Zô-êkv.” ⁹ Ninyh tauv woax munf Phao-lô Phătc hynđ yangh nyăngz dlayc, nănh phătc ah tauh munh tăng Ma-si-đoan taih jođ nănh coong, “Jođ claof quaix Ma-si-đoan ninyh stăngc buz.” ¹⁰ Phao-lô, Phătc hynđ yangh nyăngz dlayc, Buz songđ bênc ninyh Ma-si-đoan, wâyc zuc buz songđ pâyz tuz Tênb-Hungh êu buz ninyh lănv Cuđ-jeenx phunz woax nomz Stâyz Phangz munh mungv.” Li-đi săngh lêpc Zâu munh ¹¹ Buz songđ tăng Zô-êkv, nzac đangđ ninyh zac tauv Sa-mô-zakv coiđ. Cah đangz noib buz clăngv quaix Nê-A-bu-ni stengv” ¹² Buz songđ tăng woa yăngh staux ninyh tauv Phi-lipv Stengv, songc Lô-ma Côkz, Ma-si-đoan nyăngz stengv Lub, buz songđ yămz woa ah dlapc batz lauh. ¹³ Tauv tingc congz noib, “Buz seetb woa stengv cungh ngwoaic ninyh tauv woa coiđ synh, nyâyh coong ayx laix hayh lov tuz ah nomz tync nongc nzomf đoouc coouv Zâu, Six buz phătc naih batz lanh munh nzif nzomf woa, buz songđ stâyv nzac cloon nănh stiz lănv woac.” ¹⁴ Mungv woax đomc munh nzif, naih ah naih bux hipđ ayx Li-đi, stengb stâyv yămz Ti-A-ti-la, Nâyx tauh munh nzif ayx nyăngz cumh pâuz six maic buyx Stib côx, Nănh six Canyx-bongc Tênb-Hungh nyăngz munh, Zâu songđ coib nâyx lanh munh nzif nyăngz nyâuđ phunz nănh mungv Phao-lô lănv woac.” ¹⁵ Nâyx lanh nzif cloon nănh nyăngz pyau njaf munh nyunc ayx quaix womz nyăngz Gâyf nzuf, nănh yâuc êu buz muf sec nănh nyăngz pyau, nănh coong nyâuh năngđ phătc yaz seenz zâyf lêpc Zâu munh, jođ nyâuh ninyh sec yămz yaz nyăngz pyau Phao-lô cloon Si-la zuc yămz nzauh ¹⁶ Naih ah hâyđ, “Buz ninyh tauv munh căpx dlonf đoouc coouv Zâu nyăngz tync, Yâuc pongh ah lanh munh sab pâuz naih manđ yămz stynb seen nzongf, nănh hayh ayx quax yâuc hayh tex munh nyăngz mengc, Hayh lov tuz nyanh đungx nzongf Phunz nănh nyăngz Zâu.” ¹⁷ Nâyx tauh munh sab pâuz lêpc Phao-lô cloon buz cah đangz ninyh, yâuc hamv coong, “Lâyc đomc ya munh six yămz njăngb quaix woax tauh Tênb-Hungh nyăngz cumh pâuz munh, Nănh stiz taih lănv tuz Njâuv nyăngz jau phunz munh mungv.” ¹⁸ Nâyx tauh munh sab lêpc stiz đungx noib ayx năngđ nâyx, Phao-lô buz songđ numđ nhleenx wynb đangz lauf mađ stanyv manđ coong, “Yaz tym Njâuv Zâu Yê-su nyăngz Bux seetb Lanyf luiđ mâyh seetb lâyc tauh munh sab nyăngz stynb zec căn têx, Stanyv manđ songđ lênh dlih pleetx seetb ninyh gâyh nâyx tauh munh sab.” ¹⁹ Nâyx tauh munh sab nyăngz Zâu, mangc phătc nănh max hayh nongc nâyx đomc jau, nongc lov nyanh nzof, “Nănh stiz songđ topz zoz Phao-lô cloon Si-la, nzâyz ninyh woa caiz sangc pongh ayx quanz nyăngz munh.” ²⁰ Nănh stiz đănx Phao-lô, Cloon Si-la, ninyh tauv Lô-ma quanz cah đangc, cooux nănh stiz coong, “Nâyx đomc six Yiu-thai munh, nănh stiz sêu pănh nyăngz stengv lunc nzuf nzof gôh.” ²¹ Nănh stiz nzaox êu pănh Lô-ma nzêuh munh max hopđ ayx nâyx đomc gâyf.” ²² Songx munh yâuc lêpc đangz taih cooux nănh stiz, “Quanz songđ phunz pengz zeb Phao-lô, Cloon Si-la, nyăngz Gwuyz bix bopc nănh stiz.” ²³ Nănh stiz bopc tuz sangb nzongf, songđ sukc ănz nzac nzauh ninyh, “Bux cun nzauh quanz cun nzauh năngx gongx.” ²⁴ Nyunc tuz nâyx đomc lanyf, Cun nzauh quanz songđ clăngđ nănh stiz ănz woa nzauh cah njaf, Yâuc năngx nongc njăngx gumf gaf nănh stiz iz lanh nyăngz staux.” ²⁵ Tauv đămx munf, Phao-lô cloon Si-la, đoouc coouv Zâu yâuc ayx nzungz tanv Tênb-Hungh, cloon woax đomc Stoif-munh yâuc tinyh đoih numđ nzuf.” ²⁶ Lênh dlih naih nib tongf tuz đănz nzongf, nzauh jengh goib nzuf, Stoif-munh nyăngz njab langb yâuc đutb nzuf.” ²⁷ Cun nzauh quanz nyakb đyub nyoongz quef taih tex mangc nzauh jengh goib nzuf, nănh laic stăngz six Stoif-munh tyuv nzuf, Nănh songđ lutz nzuc đao taih cayx ta cănh tayx nănh.” ²⁸ Six Phao-lô, hamv coong, “Năngx gâyf cănh hoiđ mâyh, “Buz tinyh đoih yămz nây dloih nzuf lêc đêh! ²⁹ Cun nzauh quanz songđ êu munh pu toongz tyuv nzac Phao-lô, Cloon Si-la, buz woa nzauh ninyh, “Quâyc nzac nănh stiz nyăngz staux synh ninyh stynb synx nzuf.” ³⁰ Nănh ênz nâyx đomc iz lanh munh seetb cungh ngwoaic taih naic coong, “Tah lex! Yaz six zuc ayx laix nzăngđ tuz Njâuv?” ³¹ Nănh stiz tauz, “Mâyh six zuc zeen coouv Zâu Yê-su, Mâyh cloon mâyh nyăngz pyau munh songđ tinyh đoih tuz Njâuv.” ³² Phao-lô songđ lănv Zâu nyăngz gâyf phunz woax tauh cun nzauh quanz cloon nănh nyăngz pyau munh mungv.” ³³ Toongx woax munf, woax tauh cun nzauh quanz, Songđ ên Phao-lô buz ninyh đaox nănh stiz zuc bopc sangb nyăngz tync tuz nzuf, Cun nzauh quanz cloon Nănh nyăngz pyau munh songđ nyunc ayx quaix womz nyăngz gâyf nzuf.” ³⁴ Cun nzauh quanz ênz Phao-lô Cloon Si-la, muf nănh nyăngz pyau bênc năngv tinyđ nănh stiz, Cun nzauh quanz cloon nănh nyăngz pyau munh seenz tinyh đoih numđ nyađ nzongf, wâyc zuc nănh stiz tuz stipx Zâu.” ³⁵ Tauv nyâyc noib gungh gwăngz, Lô-ma quanz êu cungh anh âyz gâyf six (Canyz-satv) ninyh bux cun nzauh quanz coong, “Pungx nâyx đomc iz lanh munh seetb nzauh ninyh gôh! ³⁶ Cun nzauh quanz bux Phao-lô coong, “Nâyx zanyf quanz seetb lanyf êu yaz pungx nyâuh iz lanh seetb nzauh ninyh pengh oonz gôh. ³⁷ Six Phao-lô bux woax đomc Cungh anh coong, “Buz six Lô-ma nzêuh nyăngz pec stingx, Nănh stiz zoz buz toongx songx bopc buz, Yâuc năngx zoz buz clăngđ ănz nzauh, Six nâyx zanyf stingb njâuh pinyx pungx buz six max hođ gâyf, quanz six zuc tongf stynb taih tauv nây pungx buz, Buz nzăngđ seetb ninyh.” ³⁸ Cungh anh muf lănv bux Lô-ma quanz, Quanz pâyz tuz Phao-lô cloon Si-la, Six Lô-ma munh, Nănh stiz seenz numđ cumh nzav nzongf.” ³⁹ Wâyc năngđ nâyx, “Nănh stiz songđ ninyh jođ Phao-lô, cloon Si-la, seetb nzauh ninyh, “Yâuc jođ nănh stiz seetb gâyh stengv.” ⁴⁰ Nănh stiz iz lanh seetb nzauh taih, Songđ ninyh tauv Li-đi nyăngz pyau, Pongh đomc yâuf pez toic, Lănv woac oonz yâuf pez nyăngz nyâuđ tuz songđ seetb jau ninyh.” Phao-cloon Si-la yămz Ti-sa-lô-ni-ca