¹ Mu masiku abo, pamene kwenzevye mfumu mu Israeli, kwenze mwanalume, mu Levi, enkhalisha kutali ku calo calo ca malupili ba Efraimu. Elungula mwanakazi mtontho waku Betelehemu ku Yuda. ² Koma mwanakazi wake mtontho enze osakhululika kwa eve; emusiya na kuwelera ku ng'anda kwa wisi mu Betelehemu ku Yuda. Ndipo enkhala kula miyezi folo. ³ Ndipo malume wake enyamuka na kumkonkha kuti alabile naye awelere. Wanchito wake enze na eve, ndipo enze na abulu abiri. Emleta ng'anda ya awisi. Pibemuona awisi ba mwanakazi ekondwera. ⁴ Apongozi bake, awisi ba mwanakazi, belabira naye kuti ankhaleko masiku atatu. becilya na kumwa na kulala kwamene kula. ⁵ Pa siku la folo beuka m'mamawa ndipo bekonzekela kuluta, koma awisi ba mwanakazi beciti, kwa mkweni wao, "zilimbikishe weka na buledi patontho, ndipo ungalute. ⁶ Teto bala babili benkhala pansi kuti balye na kumwa pamozi. Ndip awisi ba mwanakazi beciti, vomela kuti ulale kuno ndipo unkhale na nthawi yabwino." ⁷ Penyamka mLevi kuti abekuya, awisi ba mwanakazi bemusenga kuti ankhale. Teto esintha maganizo na kulala soti kwamene kula. ⁸ Pa siku la faifi euka m'mamawa kuti abekuya. koma awisi ba mwanakazi eciti, "zilimbikishe weka, ndipo ulindile mpaka mcingulo. "teto bala babili belandila cakulya. ⁹ Pibenyamuka mLevi na mwanakazi wake mtontho na wanchito wake kuti abekuya, apongozi bake, awisi ba mwanakazi beciti kwa eve, "ona kuti zuba lapendeka, napapata lala soti usiku uyakine, nkhala na nthawi yabwino. Ungayonyamuka m'mawa mailo na kuwelera kwanu." ¹⁰ Koma mLevi enzofuna lini kulala. Enyamuka na kuluta. Eluta caku Yebusi (uyo niye Yerusalemu). Enze na abulu abili omangilira conkhalapo na mkazi wake mtontho enze naye. ¹¹ Pibenze pafupi na Yebusi, kwenze pafupi kufipa, wanchito eciti kwa ambuye wake, "welani, tiyeni tipatukile ku mzinda wa a yebusi na kulala mwamene." ¹² Mbuye wake eciti kwa eve, "tipatukile lini mu mzinda wacilwendo wamene ni wa Israeli lini. Tilute ku Gibeya." ¹³ Mlevi ula eciti kwa mnyamata wake, "welani, tiyeni tilute kumunzi kwa malo aba bayakine, na kulala ku Gibeya olo ku Rama." ¹⁴ Teto beluta ndipo zuba leloba bali pafupi kufwika ku Gibeya, mu calo ca Benjamini. ¹⁵ Bepatukila kwala na kulala ku Gibeya. Beluta na kunkhala pansi pakati pa munzi, koma paliye ebalondela na kuloba mng'anda mwake. ¹⁶ Koma munthu muyakine wokalamba enzofumila kumunda mcingulo. Enze waku calo cakumalupili ba Efraimu, ndipo enkhalako ngako ku Gibeya. Koma banthu enzonkhala kwamene uko benze ba Benjamini. ¹⁷ Pekweza menso eona bala alwendo pakati pa munzi. Okalamba eciti, "mukuya kuni? mufumila kuni?" ¹⁸ Mlevi eciti, kwa eve, "tafumila ku Betelehemu ku Yuda tikuya kutali ngako ku calo ca malupili ba Efraimu, kwamene kutufumila. Nezeluta ku Betelehemu ku Yuda, ndipo nikuya ku ng'anda ya Yehova, koma puliye wanitolako mng'anda mwake. ¹⁹ Tili na uzu na cakulya ca abulu basu, ndipo pali vinyu na buledi wangu na wanchito wanu mwanakazi uyu, na mnyamata ali na wanchito wanu. Paliye catiliye. ²⁰ Munthu okalamba epasa moni, "mtendele ube na mweo! nisamalile vofuna vanu vonse. Koma osalala pakati pa munzi." ²¹ Teto nkhalamba yeleta mLevi ku ng'anda kwake na kupasa vakulya ku abulu bake. besamba ku mendo na kulya na kumwa. ²² Pebenze bakali kukondwelesha mitima yao, analume bayakine bm'munzu, banthu baliye phindu, bezungulila ng'anda, na kuchaya kuciseko. Belabila na munthu okalamba, mwine wa ng'anda, nakuti, "mufumye munthu wawela mu ng'anda mwako, kuti tilale naye." ²³ Ula munthu, mwine wang'anda, efuma na kuluta kwenze beve na kuti kwa beve, "yai anekwasu, napapata musacite cinthu ici ciipa! Pakuti uyu munthu ni mulwendo mu ng'anda mwangu, musacite cicnthu ciipa teti! ²⁴ Onani, mwana wangu namwali na banakazi batontho bali pano. Lekani nibafuumye panja lomba. Mungacite nao vilivonse vumufuna. Koma musacite cinthu ciipa teti kwa munthu uyu!" ²⁵ Koma banthu bala baliye muvwile, teto wala munthu etola hule umozi na kumufumya panja kwa beve. Belala naye mokakamizya na kucita naye viipa usiku onse, ndipo pakwenzokuca bemleka abekuya. ²⁶ Pakuca mwanakazi ula ewela na kupona pansi pamlyango wa ng'anda ya ula munthu wamene mwenze mbuye wake, ndipo elala pamene pala mpaka pakwetuba. ²⁷ Mbuya wake euka m'mawa na kusegula kuviseko va ng'anda na kuluta ulwendo wake. Emuona mwanakazi wake mtontho walala pa mlyango, na manja bake pa ciundo. ²⁸ Mlevi eciti kwa eve, "uka, tiye takuya" koma aliye muyankhe. Emuika pa bulu, ndipo ula munthu enyamuka kuya kung'anda. ²⁹ Mlevi ula pefwika kung'anda, etola naifi, na kumkata mwanakazi wake mtontho, na kumtenda, mali na mbali, mu vindunswa twelufu, ndipo etuma vidunswa vila kulikonse kwenze a Israeli. ³⁰ Onse beona ici cinthu eciti, "cinthu coteti cikaliye citikapo olo kuonekapo kuyambila pa siku lefuma a Israeli mu Igipito mpaka lero. Ganizilamponi! Tipaseni malangizo! Tiuzyeni vati ticite!"