¹ Mu masiku abo kwenze mfumu mu israeli. Mtundu wsa bana ba Dani benzosakila malo onkhalamo, pakuti kufwika pa siku ilo benze bakaliyopasiwa coloba ciliconse kucokela mu mtundu wa israeli. ² Banthu ba Israeli betuma madoda bali faifi kucokera ku cibelengelo ca mitundu yao, madoda benzoziba nkhondo ocookera kuZora na ku Esitaoli, kuyoona calo na mendo, na kucilangishisha. Beciti kwa beve, "nkhoyani mukacilangishishe calo." Befwika ku calo cakumalupili ba Efraimu, ku ng'anada ya Mika ndipo belala kwamene kwala. ³ Pebenze pafupi na ng'anda ya Mika, beziba kulabila kwa mLevi wacinyamata, teto bepanama nakumukonsha, "nibani ekuleta kuno?" ucita ciji kuno? uli kuno ndaba cinji?" ⁴ Eciti kwa beve, "ici niye ciwaniciti Mika neo, wanilemba nchito kuba wansembe wake." ⁵ Beciti kwa eve, "tapapata funa uphungu wa kwa Mulungu, koteto kuti tizibe ngati ulwendo wa tuyenda ube wabwino." ⁶ Wansembe eciti nkkhoyani mwamtende Yehova akusogolereni mnjira mwati muyende." ⁷ Ndipo madoda bala faifi becoka na kuwela ku Laisi, ndipo beona kuti banthu benzonkhala monkhazikika mtima, mwenzonkhalira baku Sidoni, odeka na onlhazikika. Penzevye aliyense ebagonjesa kapena kubakanizya mnjila iliyonse mcalo. Benzonkhala kutali naba ku Sidoni ndipo benzevye na kanthu na aliyense. ⁸ Bewelera ku mtundu wao ku Zori na Estaoli. Azinekwao ebakonsha, "ko mwatiletela nkhani yotyani? ⁹ Beciti welani tiyeni tibacitire nkhondo! taciona calo ndipo nicabwino ngako. Mucita lini kanthu? osacelwa kubacita nkhondo na kugonjesa calo. ¹⁰ Mukaluta, mukafwike ku banthu oganiza kuti nionkhazikika, ndipo calo nicikulu! Mulungu wakupasani- malo osasoba kanthu mcalo. ¹¹ Madoda sikisi handiledi ba mtundu wa Dani benze na vida va nkhondo, benyamuka kucokera ku Zora na Estaoli. ¹² Beluta na kumanga misasa ku Kiriati-Yearimu, mu Yuda. Niye cifukwa cake banthu beita malo bala kuti Mahane-Dani mpaka lero, nicakumcingulo kwa Kiriati Yearimu. ¹³ Becokako uko kuya ku calo ca kumalupili ba Efraimu na kuwela ku ng'anda ya Mika. ¹⁴ Ndipo madoda bala becioona calo ca Laisi beciti kwa azinekwao, "muziba kansi kuti mumang'anda bala muli efodi, na milungu ya mng'anda, mafano osema na mafano oyenga? ganizani lomba cati mucite." ¹⁵ Teto bepatukilamo na kuwela ku ng'anda ya mLevi wacinyamata, ku ng'anda ya Mika, ndipo bemupasa moni. ¹⁶ Lomba banthu sikisi handiledi ba Dani benze na vida va nkhondo, bepanama pa mulyango polobera. ¹⁷ Bala madoda faifi benze becioona calo beluta kula ndipo betola mafano osema, efodi, milungu ya ng'anda, na mafano oyenga, pamne wansembe epaama poseguka pa mlyango na madoda sikisi handiledi benze na vida va nkhondo. ¹⁸ Pamene aba beluta mu ng'anda ya Mika na kutola mafano osema, efodi, milungu ya m'nganda, na fano loyenga, wansembe eciti kwa beve, "mucita cinji?" ¹⁹ Beciti kwa eve, "nkhala cete! ika kwanja lako pakamwa pako na kuwela na seo, ndipo kwa seo ube ngati atata ndipo wansembe. Ko nicabwino kwa weo kunkala wansembe wa ng'anda ya munthu umozi, kapena kunkhala wasembe wa mtundu na mkoka mu Israeli? ²⁰ Mtima wa wansembe wekondwera. Etola efodi, milungu ya mng'anda, na fano losemana kuluta na banthu. ²¹ Tetobewelera na kuluta. beika bana atontho pasogolo pao, na ng'ombe na katundu wao. ²² Pibeyendako kamtunda kabwino kufuma ku ng'anda ya Mika, madoda benze mumang'anda yenze pafupi na ng'anda ya Mika beitiwa pamozi, ndipo ebakonkha na kubapeza a Dani. ²³ Ebakuwilira a Dani, ndipo becunguluka na kunena kuti, "mwaitiranji kunkhala pamozi?" ²⁴ Eciti, "mweiba milundu yenepanga, mwatola wansembe wangu, lomba mukuya. Nicinji ciyakine canisalira? munganikonshe tyani kuti canivuta nicinji?"' ²⁵ banthu a Dani beciti kwa eve, "tisakumvwe kuti ulabila ciliconse, ndaba madoda bayakine bakali bangakute ciipa ndipo weo nabapabanja pako mungapaiwe. ²⁶ Teto banthu ba Dani beluta. Peona Mika kuti benze na mphamvu kuposa eve, ewelera na kuluta ku ng'anda kwake. ²⁷ Banthu ba Dani betola vecipanga Mika, pamozi na wansembe wake, ndipo befwika ku Laisi, ku banthu benze onkhazikika ndipo osamalika ndipo ebakantha na songa ya lupanga na kushoka mizinda. ²⁸ Penzevye aliyense obapulumusa pakuti kwenze kutali na Sidoni ndipo enzevye na kanthu na muthu aliyense. Mwenze mu cigwa pafupi na Beti Rehob. A Dani bemanga soti mzinda na kunkhala kwamene uko. ²⁹ Beita mzinda ula kuti Dani kholo yao, enze m'mozi wa bana ba Israeli. Koma zina la mzinda ula lnze Laisi. ³⁰ Banthu ba Dani bezipanamikila fano losema pa beve beka. Yonatani mwana wa Gerisomo, mwana wa Mose, eve na bana bake enze bansembe ba mtundu wa a Dani mpaka pa siku libetolewa undende ba mcalo cila. ³¹ Teto benzopembeza fano losema la Mika lepanga masiku onse bamene ng'anda ya Mulungu yenze ku Silo.