¹ Dapat niyong pagkakatiwalaan, ang sinumang nagnanais na maging namamahala, maganda ang binabalak niyang ito. ² Ang namamahala ay dapat walang kapintasan, iisa lang ang asawa, maingat sa sarili, matalino, may kaayusan, magiliw sa mga panauhin, at may kakayanang magturo. ³ Hindi siya dapat marahas, hindi nakakapanakit, mahinahon, hindi mahilig makipagtalo, at hindi natutukso ng pera. ⁴ Kailangang kaya niyang pangunahan ang kaniyang pamilya, at napapangalagaan niya ang kaniyang mga anak na sinusunod at ginagalang siya. ⁵ Paano niya pangungunahan ang iglesiya ng Diyos kung hindi niya kayang pangunahan ang sarili niyang pamilya? ⁶ Hindi maaaring gawing pinuno ang baguhang mananampalataya dahil baka maging mapagmataas at mahulog din siya sa paghahatol gaya ng sa diyablo. ⁷ Kailangan ding may magandang patotoo siya maging sa mga di mananampalataya kundi baka mahulog din siya sa kahihiyan o baka mahulog siya sa bitag ng diyablo. ⁸ Gayondin, dapat ding mamuhay nang marangal ang mga diakono, hindi pabagu-bago ng salita, hindi naglalasing sa alak, hindi suwapang. ⁹ Dapat iniingatan nila ang misteryo ng pananampalataya na may malinis na konsensiya. ¹⁰ At dapat din silang mapatunayan muna bago sila maglingkod bilang diakono kung malinis ang kanilang patotoo. ¹¹ Gayundin, dapat namumuhay nang marangal ang mga babae. Hindi sila dapat hindi sila mapanirang-puri, matiisin, at tapat sa lahat ng bagay. ¹² Nararapat na iisa lang ang asawa ng mga diakono at napapangalagaan nila ang kanilang mga anak at sambahayan. ¹³ Dahil may maayos na patotoo sa lipunan ang mga naglilingkod na diakono at matapang sa paghahayag ng kanilang pananampalataya kay Cristo Jesus. ¹⁴ Sinusulat ko ang mga bagay na ito sa iyo at umaasa akong makapunta sa iyo sa lalong madaling panahon. ¹⁵ Ngunit kung magtatagal ako, gusto ko sanang turuan mo ang mga kalalakihan kung paano sila mamumuhay sa iglesiya ng buhay na Diyos, ang haligi at saligan ng katotohanan. ¹⁶ At hindi maikakaila ang katotohanang ng dakilang misteryo ng kadakilaan ng pagkamakadiyos: "Nagpakita siya sa laman, pinatunay siyang matuwid ng Espiritu, nakita ng mga anghel, ipinahayag sa mga bansa, pinaniwalaan sa mundo, at itinaas sa kaluwalhatian."