¹ Chiinga kwaa hita mazuvazana, a va ka voolyi kwa Kaperaname vantu nni va zuwa kuti kweena ku muzi. ² Nni kwaava nne ikuunga lya vantu mu ku vaa shaalyi ka kwiina chivaka chiikere vulyo ku hindiriza vulyo nne ha mulyango, Jeeso nna woola ku wamba naavo lyinzwi. ³ Lyiinu vankosi va va keeza kwaalyi nni va ka lyetete unkosi yoo fwire imwi imbalyi; vaankosi voonne va va ka mu hindite. ⁴ Chinga va vona kuti ka va woolyi ku sika kwaalyi che ivaka lyo vungi, va va ka wumbutulyi chituwa che inzuvo. Mmi chinga ve iwula iruva muy ilyi, nni va woola ku suusikiza haansi mumbeta wo unkosi yaa ava fwiire yimwi imbalyi. ⁵ Chiinga avona kuzumina kwaavo, Jeeso naacho unkosi yaa ava fwiire imwi imbalyi kuti, "Mwaanaswiisu wangu, zivi zaako chi zaa wonderwa." ⁶ Lyiinu Vangolyi va ve ikere aho, ni vaa tanga kulyi vuuza mu inkulo zaavo, ⁷ ''Uuzu unkosi chiinzi ha waamba vuti? U tukana! Njeeni yoo woola ku woondera zivi kwaanda Ireeza?'' ⁸ Jeeso a ve izivi mu luhuho lwaakwe kuti ava vantu va vaa zeezete inzi. Naa vacho kuti, "Chinzi ha mu zeza vulyo mu inkulo zenu? ⁹ Chihuva chinzi cho kucho uzu unkosi yoo ufwire imwi imbalyi, 'Zivi zaako chiwa ziwonderwa' nandi kucho kuti 'Ziime, u hinde mumbeta waako, mane u yende'? ¹⁰ Mmi kuti mu izive kuti Mwaana wo Muntu wiina maata mu ikoonde lye izuva oku woondera zivi,'' nnaacho yo u fwiire imbalyi, ¹¹ ''Nni kucho kuti, vuuke, hiinde isasa lyaako, ku zwaaho kwiiya ku irapa.'' ¹² Ho hwaaho naa ziima choku hinda isasa lyaakwe, choku zwa mu inzuvo ha vusu vo zumwi ne zumwi, mu va vaa shaalyi va komoketwa ni va temba Ireeza, mane ni va cho kuti, ''Ka twiini ku vona chiswana nee ichi.'' ¹³ Naa zwa choku yendera ku imbalyi yo lwiizi, ikunga lyonse ni lyeeza kwaalyi, naa va ruta. ¹⁴ Ivaati choo hita, naa vona Levi mwaanaswisu wa Alufeyasi ne ikere he itante lya yoo hinda mitero naa mucho kuti ''Ni shaalye mu masulye.'' Naa ziima choku mu shaala mu masulye. ¹⁵ Ivaati Jeeso cho kweete ku lya mu inzuvo ya Levi, vahindi vo mitero nni ve izwiire ne vantu ve zwiire zivi va vaa alyi kulya ne Jeeso ne varutwana vaakwe, mu kuti va vaalyi vaangi va va mu shaalyi mu masulye. ¹⁶ Vangoolyi, nne Vafarasayi, chiinga vaa vona kuti Jeeso u kweete kulya ne vantu vei zwiire zivi ne vahindi vo mitero, ne vaacho varutwana vaakwe kuti, ''Chinzi haa lya ne vapanga vuvilala ne vahindi vo mitero?'' ¹⁷ Jeeso chiinga a zuwa choku vacho kuti, ''Vantu shiyeeme mu muviri ka vasaki inganga, va lwaala nji va isaka. Ka heena ni va iziri ku sumpa vantu va shiyeme, mmi ni va iziri vapanga zivi''. ¹⁸ Varutwana va Johani ne Vafarasayi vava lyinyimine zilyio. Mmi vantu ni veeza kwaalyi choku mucho kuti, ''Chinzi varutwana va Johani ne varutwana va Vafarasayi hava lyinyima zilyo, vaako avo nni va sa lyi nyimi zilyo?'' ¹⁹ Jeeso a nua vacho kuti, ''Aa vantu ve izite ku iseso va woola kulyi nyima zilyio kamwalye wo mukwaame naa siina naavo?'' Ku vona va siina ne kamwalye wo mukwame, keeti chi valyi nyima zilyio. ²⁰ Mmi lyiinu ka kuiize mazuva a chita kuti kamwalye wo mukwame ka hiindwa mukati kaavo, lyiinu mwaawo mazuva, njeti ni va lyi nyime zilyio. ²¹ Ka kwiina muntu yoo woola ku lukira chijira chihya ha chizavalo chikulukulu, cho kuti njo vulyo chigamba chi woola ku haluka, chihiya mu chikulukulu, cho ku va ne igamba ivilala. ²² Ka kwiina muntu yoo woola ku viika vujwara vuhiya mu ikavi lyo vujwara i kulukulu, ha kuva vulyo vujwara vu woola ku patula makavi mmi vujwara ne makavi zonse choku sinyeha, kwanda vulyo, viike vujwara vu hiya mu ikavi ihiya lyo vujwara. ²³ Luzuva lwe Insavata Jeeso a vaalyi kuya vu yeenda mu luwa lo mundalye, varutwana vaakwe ni vaa taanga kuya vuchera mundalye. ²⁴ Vafarasayi ni va mucho kuti ''Vone, chinzi hava chita chintu chi saa zuminiinwa lwe Insavata?'' ²⁵ Naa vacho kuti '' Aa kaheena mu vaa valyi kuti Dafita a vaa chiti vulye cho ulyi vulyite na fwire inzala- iye ne vakwame va veena naavo- ²⁶ mwaa va injiri mu inzuvo ye Ireeza mu inako ya Abiyathari naa lyi Mupurista mukando, choku kalyia chinkwa chi jolola, chi saa lukeere ku lyiiwa zumwi ne zumwi kunze lya vapurisita, mane naa ha vaa veena naavo?'' ²⁷ Jeeso naa cho kuti "Insavata iva pangirwa muntu, kwanda muntu ku pangirwa Insavata. ²⁸ Lyinu, Mwanawo swiisu wo Mukwame nje iye Ireeza, konse ni we Insavata."