Rencana mat munu Yesus
1
Katika Yesus haot nyanyari kaluhan wusi-wusi iti,aye ngeau gi murid-murid E,
2
"kayo karasa bahwa rueh andrau lagi Paskah hawi,balalu Anak Murunsia sagar nasarah mat na salib."
3
Udi hio,here imam kepala nihi tueh-tueh bangsa na kumpul sasameh tangar istana Imam hante, sa bangaran Kayafas.
4
Balalu,here ba sakongkokol mat nyaput Yesus nihi akal nipu palus munu E.
5
Tapi,here ngeau,"ada salawah perayaan mat ada geger ta penah ulun ajoh."Yesus na urapi ulah erang kulun wawei
6
Wayah ina,katika Yesus ta Betania,ta lewu Simon sa kusta,
7
erang kulun wawe hawi nutah Aye nihi erang botol kusi pualam halus baisi ilau harum sa larang tuu,balalu wawei hio nyiram e gi entu ulu Yesus katika Aye rahat maharung kuman.
8
Katika murid-murid nginni e,here sangit palus ngeau,"wuah inon pemborosan ina?
9
Gene,ilau harum hio kiuh na batang mat uman larang e balalu na ammi gi ulun sa susah."
10
Tapi,Yesus,karasa hal iti,ngeau gi here,"wuah inon kayo nyusah wawei ina?gene,aye ngulah gawian maeh gi Kuki.
11
gene,kayo naan tarus ulun susah hayak kaon,tapi kayo bakoi sagar hayak Kuki tarus.
12
katika wawei iti nyiram ilau harum gi tenga Kuki,aye ngulah e pakai mempersiap gi ngogang Kuki.
13
Kuki mawara sabujur e gi kayo bahwa taawe bo Injil na tahampe gi kaluhan dunia,inon sa na ulah wawei iti sagar jari pamaneran lei jari pangingat hi aye."Rencana mat menghianati Yesus
14
Udi hio,isa tekei ka 12 murid,sa bangaran Yudas Iskariot,tulak napot Imam-imam kepala,
15
Balalu ngeau,"kayo sagar ngami inon gi kuki amun kuki manyarah Aye gi kaon?" balalu, here manetapkan 30 kiping perak gi aye.
16
Balalu,mulai hio,aye nupui kesempatan maeh mat manyarah Yesus. Hidangan Paskah
17
wayah ina,ta andrau ka isa Roti bakoi baragi,here murid hawi napot Yesus palus nane,"tangar awe Kayo kakan kami manyiap gi kuman Paskah gi Kayo?"
18
Yesus nuing,"suluk bo gi kota,gi erang kulun,palus antuh gi aye,`guru ngeau,"waktu Kuki haot rieet.Kuki sagar ngarayakan Paskah ta lewu nu sasameh nihi murid-murid Kuki."
19
here murid ngagawi sameh pesen Yesus gi here,balalu here mempersiap Paskah hio.
20
wayah ina,katika mulai kamalem,Yesus maharung kuman nihi ka 12 murid.
21
Balalu,waktu here rahat kuman,Aye ngeau,"Kuki mawara sabujur e gi kayo bahwa isa tekei kaon sagar menghianati Kuki."
22
Here mahanang atei tuu balalu isa-isa ulun mulai bapander gi Aye," pasti e,bakoi kuki,Tuhan?
23
Balalu,Aye nuing,"aye,sa nyolop tangan e gi huang mangkuk sameh-sameh Kuki,aye lah sa sagr menghianati Kuki.
24
Anak Murunsia sagar tulak sameh sa tatulis hal Aye.tapi,salaka lah ulun hio,s ualah aye Anak Murunsia na hianati! sagar labih maeh gi ulun hio amun aye bakoi piji lahir."
25
Udi hio Yudas,sa sagar manyarah Yesus,ngeau gi Aye,"pasti bakoi Kuki, Rabi?Yesus ngeau gi aye,"kayo haot ngantuh e."pangingat sagar tenga nihi ira Kristus
26
Katika here rahat kuman,Yesus ngalap roti.Balalu,udi ngaberkat e,Yesus nampuhi-nampuhi e balalu ngami e gi here murid palus ngeau,"alap bo palus kuta bo,iti lah tenga Kuki."
27
Udi hio,Aye ngalap cawan,ngantuh syukur,balalu ngami e gi here,eau E,"kayo kaluhan,ngoot bo tekei e.
28
gene,iti aye hio ira Kuki,ira perjanjian,sa na santundrak mat gi ajoh ulun pakai pengampun dosa-dosa.
29
Kuki mawara gi kayo bahwa Kuki bakoi sagar ngoot hasil kakau anggur iti,tekei wayah ina hampe andrau hio,katika Kuki ngoot anggur sa bio hayak kaon huang kerajaan Ammah Kuki."
30
Udi manyanyi isa lagu pujian,here tulak gi wungkur Zaitun.Petrus sagar manyangkali Yesus
31
Udi hio Yesus ngeau gi murid-murid E,"kayo kaluhan sagar tasandung gene Kukimalem ina.gene naan ta tulis,`Kuki sagar ngompak gembala,nihi domba-domba tekei kawanan hio sagar bahamur,` Zakaria 13 : 7
32
Tapi,udi Kuki buan,Kuki sagar ngadahulu kayo gi Galilea."
33
Petrus ngeau,"biar pun kaluhan tasantuk gene Kayo,kuki bakoi sagar piji tasantuk."
34
eau Yesus gi aye,"Kuki mawara sabujur e gi kayo bahwa malem ina,samete manu nandru,kayo sagar manyangkal Kuki telu kali."
35
Petrus ngeau gi Aye,"sekali pun kuki harus matei hayak Kayo,kuki bakoi sagar manyangkal Kayo!"kaluhan murid sa lain lei ngantuh hal sa sameh."Yesus berdoa tangar Getsemani
36
Udi hio Yesus hampe nihi murid-murid E ta uneng sa bangaran Getsemani palus Aye ngeau gi murid-murid E,"harung lah ta iti,rahat Kuki gi aro mat berdoa."
37
Balalu,Aye nunda Petrus nihi anak Zebedeus hayak Aye,balalu Aye mulai berduka nihi mahanang atei.
38
Udi hio,Aye ngeau gi here,"atei Ku mahanang tuu,bahkan sameh kakan matei nanam e.Muneng bo ta itit balalu tatap bo berjaga-jaga hayak Kuki."
39
Balalu,Aye balawit doho,balalu suntup nhi rai E hampe tane palus berdoa,eau E,"Ammah Ku,amun tau,elah bo cawan iti nangkah tekei Kuki.tapi ada sameh sa na aheng Kuki,tapi sameh aheng Kayo."
40
Udi hio,Aye hawi gi murid-murid E balalu kahalu here rahat mandre.balalu Aye ngeau gi Petrus,"jari kayo bakoi kiuh berjaga-jaga nihi Kuki salawah erang jam?
41
Berjaga-jaga bo nihi berdoa mat kayo ada lawu huang pencobaan.Roh mula nuu bo tapi daging maleme."
42
Yesus tulak lagi gi karueh kali e palus berdoa,eau E,"Ammah Ku,amun iti bakoi kiuh nangkah kecuali Kuki ngoot e,aheng Nu bo sa sagar jari."
43
Hindra lagi,Aye hawi palus kahalu here mandre gene mate here kinam maweaat.
44
Balalu,Aye nanan here,palus Aye tulak lagi,balalu berdoa gi katelu kali e,ngantuh wusi-wusi sa sameh.
45
Udi hio Yesus waleng gi murid-murid E palus ngeau,"mandre bo haot e palus istirahat bo.Inni bo,waktu e magin rieet balalu Anak Murunsia na sarah gi tangan ulun-ulun berdosa.
46
Buan bo,ayu takam tulak.Inni,ulun sa nyarah Kuki haot rieet."Yesus na japut
47
Rahat Yesus masih basurah,Yudas,isa tekei ka rueh belas murid hio hawi.hayak nihi aye,kumpulan hante ulun ajoh nihi pedang nihi pentung,tekei imam-imam kepala nihi tueh-tueh bangsa hio.
48
wayah ina,aye sa manyarah Yesus ngami tanda gi here,eau e,"hie sa nasiuk ku,hio lah Aye,japut bo Aye."
49
Yudas hinang rieet nihi Yesus balalu ngeau ,"salam,Rabi!"balalu,Yudas nyiuk E.
50
Yesus ngeau gi aye,"hengau,ulah bo inon aheng kayo hawi."udi hio ulun ajoh hio ngarieet,negei tangan Yesus,palus nyaput Aye.
51
Balalu,inni,isa tekei here sa hayak Yesus nyolor tangan e,nyujut pedang e,palus nyarang walah imam hante hio,balalu netek silu e.
52
Udi hio,Yesus ngeau gi aye,"sampudi bo pedang nu gi uneng e,gene kaluhan sa makai pedang sagar matei ulah pedang.
53
atawa,kono kaon Kuki bakoi kiuh lako tekei Ammah Kuki,balalu Aye,iti lei, sagar ngami labih rueh belas pasukan malaikat gi Kuki?
54
Tapi,kalawe udi hio Kitab Suci sagar na genapi sa ngeau bahwa harus jari sameh hio?
55
Tangar waktu hio,Yesus ngeau gi ulun ajoh,"inonkah sameh nawan perampok kaon balua nihi pedangbalalu pentung mat nyaput Kuki?setiap andrau,Kuki maharung ngajar ta Bait Allah balalu kayo bakoi nyaput Kuki.
56
Tapi,kaluhan iti jari mat kitab-kitab here Nabi na genapi."Udi hio,kaluhan murid nanan Aye palus ngahulu areb e."here pemimpin Yahudi menghakimi Yesus
57
Here nyaput Yesus balalu nunda E napot Kayafas,aye imam hante,uneng here ahli-ahli Taurat nihi tueh-tueh bakumpul sameh-sameh.
58
Balalu,Petrus nutah Yesus tekei lawit hampe gi hadap lewu Imam Hante.Balalu,Petrus suluk,maharung nihi here pengawal mat nginni kasudahan e.
59
Wayah iti,here imam kepala nihi kaluhan Sanhedrinnupui kesaksian palsu gi Yesus mat kiuh nukum matei Aye.
60
Tapi,here bakoi kiuh kahalu e biar lei ajoh saksi oso sa hawi.udi hio, naan rueh kulun balua,
61
balalu ngeau,"ulun iti ngeau,`Kuki kiuh nyanruntun Bait Allah palus napindri e waleng huang telu andrau."
62
Udi hio,Imam hante mindri balalu ngeau gi Yesus,"inon kah kayo bakoi naan tuing?inon sa natuduh ulun-ulun iti gi Kayo?"
63
Tapi,Yesus tatap suni.Balalu,Imam hante hio ngeau gi Yesus,"kuki nyumpah Kayo demi Allah sa welum mat Kayo mawara gi kami,inon kah Kayo Mesias,Anak Allah?"
64
Yesus ngeau gi aye,"kayo haot ngantuh e kakreb.tapi,kuki ngeau gi kayo bahwa mulai wayah iti kayo sagar nginni Anak Murunsia maharung ta tuhi kawan sa maha kuasa,balalu hawi ta entu awan-awan ta langit."
65
Udi hio,Imam hante mawinsit pakaian e palus ngeau,"Aye haot menghujat!inon lagi perlu here saksi?inni,wayah iti kayo haot ngarengei hujatan E.
66
Kalawe pendapat nu? here pemimpin Yahudi hio ngajawab,"pas bo Aye nahukum matei."
67
Udi hio,here nura rai E palus nampar E.balalu,sa lain ngompak E.
68
Here ngeau,"bernubuat bo nadap kami,ui Mesias;hie kah sa ngompak kayo?"Petrus bakoi mangaku Yesus
69
wayah iti,Petrus maharung ta luar halaman balalu erang kulun walah wawei hawi gi aye balalu ngeau,"kayo lei hayak nihi Yesus ulun Galilea hio."
70
Tapi,Petrus bakoi mangaku e ta hadap here kaluhan, aye ngeau,"kuki bakoi paham sa na surah kaon."
71
Katika Petrus balua gi pintu gerbang,walah wawei sa lain nginni aye balalu ngeau gi ulun-ulun sa naan ta aro,"ulun iti sasameh nihi Yesus tekei Nazaret hio."
72
Balalu,hindra lagi Petrus bakoi mangaku e nihi sumpah,"kuki bakoi kataru nihi ulun hio."
73
Bakoi lawah udi hio,ulun-ulun sa mindri ta hio ngarieet Petrus palus ngeau,"pasti kayo lei aye hio isa tekei here gene logat nu katena jelas."
74
udi hio,Petrus mulai nyapa balalu basumpah,eau e,Kuki bakoi kataru ulun hio."balalu salenga,manu jagau nandru.
75
Balalu,Petrus kaingat inon eau Yesus,"sa mete manu jagau nandru,kayo sagar koi ngaku Kuki telu kali."udi hio, Petrus balua palus nangis nihi mahanang atei e.