1
tangar taun ka dime belas wayah pemerintahan Kaisar Tiberius,katika Pontius Pilatus jari gubernur Yudea,Herodes jari raja Galilea;Filifus pulaksanai Herodes jari raja wilayah Iturea nihi Trakhonitis;nihi Lisanias jari raja Abilene,
2
Hanas nihi Kayafas menjabat jari imam agung,hawi lah firman Allah napot Yohanes,anak Zakharia,sa muneng ta pulau haket.
3
Balalu,tulak lah Yohanes gi kaluhan daerah ta sekitar Yordan balalu mangabar baptisan pertobatan mat pengampunan dosa,
4
Sameh sa tatulis ta huang kitab Nabi Yesaya:"itilah lengan ulun sa kamiak-kamiak ta pulau haket,`na siapkan bo lalan napot Tuhan,sa mitu bo lalan napot Aye.
5
Satiap lembah sagar na timbun,balalu satiap gunung nihi bukit sagar na ratakan.lalan sa liku-liku sagar na san witu,balalu satiap lalan sa bakoi rata sagar na tangkaeh.
6
Balalu,kaluhan ulun sagar ngini keselamatan tekei Tuhan!"
7
Balalu,Yohanes ngeau napot ulun ajoh sa hawi mat na baptis ulah e,"ui,kayo katurunan nipe haket! hie sa nampa ingat kayo mat nempat tekei muruka sa sagar hawi?
8
Ulah gene hio,ngahasil bo wua-wua sa nutui pertobatannu.ada ngeau napot areb nu kakareb,`Abraham aye hio itak uyut kami!`kuki ngeau napot kayo,sabujur e tekei watu-watu iti Allah kiuh nambuan nakia-nakia napot Abraham!
9
Bahkan,mulai wayah iti kapak haot na andak tangar wakat kakau.satiap kakau sa bakoi ngahasil wua sa maeh sagar na teweng balalu na tawut gi huang apui."
10
Ulun-ulun ba tane napot Yohanes,"amun sameh hio,inon sa harus na ulah kami?"
11
Aye nuing,"setiap ulun sa naan rueh lamma,aye harus ngami e nihi ulun sa bakoi naan.balalu satiap ulun sa naan panguta,harus ngulah hal sa sameh."
12
Papire pangumpul pajak lei hawi mat na baptis.here nane napot Yohanes,"Guru,inon sa harus na gawi kami?"
13
Yohanes mawara gi here,"ada narik pajak labih tekei sa haot na tantu gi kayo."
14
Papire tentara nane napot aye,"kala awenihi kami?inon sa harus na ulah kami?"Yohanes ngeau napot here,"ada lako duit tekei hie bo nihi cara paksa atawa tuduhan palsu.sukup lah tenga nu nihi gaji nu."
15
katika kaluhan ulun rahat ngahrap ka hawian Mesias,here kaluhan baka tane huang atei gene Yohanes,inon kah aye Kristus ataw bakoi.
16
Yohanes nuing here nihi ngeau,"kuki membaptis kayo nihi ranu.sagar tapi,erang kulun sa labih bakuasa tekei kuki sagar hawi.mat nguka tadi sarumpah E bo kuki bakoi pas.Aye sa sagar membaptis kayo nihi Roh Kudus nihi apui.
17
Alat pangitab haot naan tangar tangan E mat ngarasih lantai pangiikan balalu mat mangumpulkan gandum sa maeh gi huang palunu E.tapi,Aye sagar nutung ape gi huang apui sa bakoi piji pare."
18
Nihi ajoh nasihat ulun lain,Yohanes mengajarkan Injil napot ulun ajoh.Yohanes Pembaptis na penjarakan
19
Tapi,gene Yohanes nyompo Herodes,raja wilayah,ulah gawian e nihi Herodias,harau pulaksnai Herodes,balalu gene kaluhan hal jahat sa haot na ulah e,
20
maka Herodes nambah iti mat gi kaluhan e nihi nampasuluk Yohanes gi huang penjara.Yesus na Baptis
21
Katika kaluhan ulun na baptis,Yesus na baptis lei.Balalu,katika Aye lako doa,langit ta uka,
22
Balalu Roh Kudus minau ma entu E huang ujud wurung merpati.Balalu,naan lengan tekei langit nihi ngeau,"Kayo aye hio Anak Kuki sa na sayang ku.Napot Kayo lah Kuki berkenan."Silsilah Yesus
23
Katika Yesus memulai pelayanan E,Aye ba umur tanguhan telum pulu taun.ulun-ulun ba pendapat aye hio Yesus aye lah anak Yusuf.Yususf anak Eli.
24
Eli anak matat.matat anak Lewi.Lewi anak Malkhi.Malkhi anak Yanai.Yanai anak Yusuf.
25
Yusuf anak Matica.Matica anak Amos.Amos anak Nahum.Nahum anak Hesli.Hesli anak Nagai.
26
Nagai anak Maat.Maat anak Matica.Matica anak Simei.Simei anak Yosek.Yosek anak Yoda.
27
Yoda aye hio anak Yohanan.Yohanan anak Resa.Resa anak Zerubabel.Zerubabel anak Sealtiel.Sealtiel anak Neri.
28
Neri anak Malki.Malki anak Adi.Adi anak Kosam.Kosam anak Elmadam.Elmadam anak Er.
29
Er anak Yesua.Yesua anak Eliezer.Eliezer anak Yorim.Yorim anak Matat.Matat anak Lewi.
30
Lewi aye hio anak Simeon.Simeon anak Yehuda.Yehuda anak Yusuf.Yusuf anak Yonam.Yonam anak Elyakim.
31
Elyakim anak Melea.Melea anak Mina.Mina anak Matata.Matata anak Natan.Natan anak Daud.
32
Daud anak Isai.Isai anak Obed.Obed anak Boas.Boas anak Salmon.Salmon anak Nahason.
33
Nahason aye hio anak Aminadab.Aminadab anak Admin.Admin anak Arni.Arni anak Hezron.Hezron anak Peres.Peres anak Yehuda.
34
Yehuda anak Yakub.Yakub anak Ishak.Ishak anak Abraham.Abraham anak Terah.Terah anak Nahor.
35
Nahor anak Serug.Serug anak Rehu.Rehu anak Peleg.Peleg anak Eber.Eber anak Salmon.
36
Salmon aye lah anak Kenan.Kenan anak Arpakhsad.Arpakhsad anak Sem.Sem anak Nuh.Nuh anak Lamekh.
37
Lamekh anak Metusalah.Metusalah anak Henokh.Henokh anak Yared.Yared anak Mahalaleel.Mahalaleel anak Kenan.
38
Kenan anak Enos.Enos anak Set.Set anak Adam.Adam aye hio anak Allah.