¹ Ulah gene hio,nekei kami kiuh pelayanan iti,kalawe kami narime kaahi Allah,kami bakoi bahalus atei. ² Tapi,kami manolak hal-hal sa nasiok sa nampamangan,bakoi nakia huang kelicikan,atawa mamalsukan Firman Allah,tapi nihi penyantarangan sa wuah,kami nutui tenga kami kakareb napot atei nurani setiap ulun tangar hadap Allah. ³ Bahkan,amun Injil kami masih ta tutup lei,Injil hio ta tutup mat gi here,sa sagar matei, ⁴ sa ta helang e,ilah dunia iti haot nampehe pikiran here sa bakoi harap hampe here bakoi ngini tarang kemuliaan Injil Kristus,sa aye hio gambaran Allah. ⁵ Gene,kami bakoi mangabar gene tenga kami kakreb,tapi Kristus Yesus jari Tuhan nihi kami kakareb jari pelayan-pelayan nu gene Yesus. ⁶ Gene Allah,sa ba Firman,"elah bo tarang ba cahaya tekei kamieng,"haot bacahaya huang atei takam mat ngami tarang panag rasa gene kemuliaan Allah sa naan rai Kristus Yesus. ⁷ Tapi harta ina ampun kami huang bejana tane liat,mat kalabihan kuasa hio ba asal tekei Allah bakoi tekei tenga kami kakareb. ⁸ kami na tindas tekei kaluhan sisi,tapi bakoi hapit.kami bingung,tapi bakoi putus asa. ⁹ kami na aniaya,tapi bakoi na tanan.kami na umpe,tapi bakoi na sampatei. ¹⁰ kami nunda pampatei Yesus huang tenga kami mat welum Yesus nyata lei huang tenga kami. ¹¹ Gene kami,sa welum iti,aur na sarah kan napot pampatei gene Yesus mat welum Yesus na santarang lei huang tenga kami sa fana iti. ¹² Sameh hio lei pampatei bagawi ta huang kami,tapi pamelum bagawi ta huang nu. ¹³ Tapi,nihi naan roh iman sa sameh,susuk sa haot tatulis,"kuki percaya,gene hio kuki bapander,"kami lei harap balalu gene hio,kami lei bapander. ¹⁴ Gene,kami karasa bahwa Aye,sa haot nambuan Tuhan Yesus,sagar nambuan kami lei hayak nihi Yesus balalu sagar nunda kami hayak kayo tangar hadapan E. ¹⁵ Gene,kaluhan hal iti jari mat kepentingan nu mat anugrah,sa magin menjangkau ulun ajoh,kiuh ajoh labih antuhan syukur gi kemuliaan Allah."welum ulah Iman ¹⁶ hio lah ngulah e,kamibakoi piji halus atei.biar lei tenga lahiriah kami magin ba kurang keadaan e,tapi murunsia batiniah kami na perbaharui tarus andrau magin andrau. ¹⁷ Gene,karara nean sa wayah iti,ngulah gi kami isa kalabihan kekal kemuliaan sa labih tekei kaluhan e. ¹⁸ kami bakoi memperhatikan hal-hal sa tena,gene,hal-hal sa tena aye hio sementara tagal hal-hal sa bakoi tena aye hio kekal.