¹ inonkah kami mulai memuji tenga kami kakareb lagi?atawa sameh papire ulun,inonkah kami memerlukan surat pujian mat gi kayo atawa tekei kayo? ² kayo lah surat kami,sa tatulis huang atei kami,sa na karasa,palus na baca ulah kaluhan ulun. ³ kayo nutui bahwa kayo aye hio surat Kristus sa na layani ulah kami,sa na tulis bakoi nihi tinta,tapi nihi Roh Allah sa welum,bakoi ta entu loh=loh watu,tapi ta loh-loh atei murunsia. ⁴ Keyakinan sameh iti sa naan tangar kami nadap Allah nangkah Kristus. ⁵ bakoi baarti kami,nihi tenga kami kakareb,kiuh nganggap isa hal baasal tekei tenga kami kakareb,tapi kakiuh kami baasal tekei Allah, ⁶ sa haot ngulah kami kiuh jari pelayan-pelayan Perjanjian Bio,bakoi manurut huruf,tapi tekei Roh.gene,huruf hio nampatei,tapi Roh nyamelum."Kemuliaan hante tekei pelayanan Roh ⁷ Tapi,amun pelayanan sa nunda napot pampatei,sa nihi huruf-huruf na tulis tangar loh watu hio hawi nihi kemuliaan,hampe-hampe bangsa Israel bakoi tau ngini rai Musa gene kemuliaan hio,padahal waktu hio kemuliaan e haot memudar, ⁸ bakoikah pelayanan Roh naan ampun kemuliaan sa bahkan labih hante lagi? ⁹ Gene,amun pelayanan sa nunda hukuman naan kemuliaan,ta labih lagi pelayanan sa wuah hio penuhuang kemuliaan. ¹⁰ Sabujue e,inon sa ari ni na kono mulia,huang hal iti bakoi lagi na muliakan gene kemuliaan sa ba labih hio. ¹¹ Gene,amun sa memudar hio hawi nihi kemuliaan,ta labih lagi sa kekal hio huang kemuliaan. ¹² Gene naan panga harap sa sameh iti,kami makai kaheei hante, ¹³ Balalu bakoi sameh Musa,sa ngandak salubung tangaw rai e mat nakia-nakia Israel bakoi kiuh ngini pangalis tekei inon sa mamudar hio. ¹⁴ Tapi,pikiran here haot na tampa mape.Hampe andrau iti,huang pembacaan perjanjian lawah,salubung sa samehtatap bakoi na enat gene ekat ta huang Kristus salubung hio kiuh na enat. ¹⁵ Bahkan hampe andrau iti,katika kitab Musa na baca,isa ka wua salubung nutup atei here. ¹⁶ Tapi,waktu erang kulun ba waleng napot Tuhan,selubung hio sagar na enat. ¹⁷ Tuhan aye hio Roh nihi ta uneng Roh Tuhan hawi,ta aro naan kemerdekaan. ¹⁸ Balalu,takam kaluhan,sa nihi rai bakoi ta selubung mancaramin kan kemuliaan Tuhan,nelang na ubah napot gambar sa sameh tekei kemuliaan napot kemuliaan,sameh Tuhan,sa aye hio Roh hio.