¹ Ulah hio, waktu kami haot bakoi kuat lagi, kami memutuskan pakai muneng erangkulun tenga ta Atena, ² nihi ngirim Timotius, puloknai kami nihi pelayanan Allah, nihi hengau isa gawian kami huang Injil Kristus, gi kayo de nanguatkan nihi menasehati kayo berkaitan nihi iman kayo, ³ supaya bakoi naan erangkulun bo sa de goyahkan ulah kasusah-kasusah iti. Ulah, kayo kakareb karasa bahwa taka memang de tentukan pakai hio. ⁴ Bahkan, waktu kami hayak kayo, kami palus-mamalus mara gi kayo bahwa taka sagar ngalami kasusahan, nihi hio haot terjadi sameh sa kayo karasa. ⁵ Ulah hio, waktu kuki bakoi kuat lagi, kuki nunyu de ngarasa iman kayo. Kuki takut, amun-amun si penggoda haot menggoda kayo nihi jerih kauyuh kami jari sia-sia. ⁶ Tapi, wayahti, Timotius haot waleng gi kami teke uneng kayo, nihi haot nunda kabar maeh tentang iman nihi kasih kayo pakai kami, bahwa kayo selalu nyiok kenangan sa maeh sagar kami nihi rindu pakai panalu kami, sameh kami lei rindu panalu nihi kayo. ⁷ Ulah hio, puloknai-puloknai, huang kaluhan kasusahan nihi kasusah iti, tahibur ulah kayo mitah iman kayo. ⁸ Wayahti, kami welum amun kayo mindri kuat hung Tuhan. ⁹ Ulah, ucap syukur inonkah sa ta'u kami ami gi Allah ulah kayo, sebagai ganti kaluhan sukacita sa kami inam ta hadapan Allah ulah kayo? ¹⁰ Kandrau kamalem kami badoa nihi bujur-bujur de kami ta'u panalu lagi nihi kayo, nihi ta'u melengkapi inon sa masih kurang ta iman kayo. ¹¹ Wayahti, biar bo Allah nihi Ambah kakareb, nihi Yesus, Tuhan taka, sa nunda lalan kami gi kayo. ¹² Kira'e Tuhan ngulah kayo batumbu nihi balimpah huang kasih sagar erangkulun gi sa lain, nihi sagar kaluhanulun, sameh sa kami ulah gi kayo. ¹³ Kira'e Aye mampakuatkan atei kayo bakoi bacacat huang kabarasihan ta hadapan Allah nihi Ambah taka ta kahawian Tuhan taka, Yesus, hayak ulun-ulun barasi-Aye.