¹ puloknai-puloknai, kayo kakarep karasa bahwa kunjungan kami ge kayo bakoi sia-sia. ² Walupun kami mandarita sametee, kalah sa kayo karasa, deaniaya dan dehina ta filipi, kami ngampun kabujuran ta huang Allah de ngabarkan Injil* Allah gi kayo ta penah ajohe parlawanan. ³ Gana, sompo kami bakoi berasal neke kasasatan, kabakoimurnian, atau neke kapalsuaan, ⁴ tatapi sabagaimana kami haot satujui Allah nihi depercaya Injil, demikian kami bapander, bakoi de pasanang marasia melainkan de pasanangkan Allah sa nguji aheng kami. ⁵ Kami bakoi piji hawi nihi pander-pander sa marayu, sakalawe sa kayo karasa, atawa nihi dalih demi kasarakahan -- Allah ayelah saksi kami. ⁶ Kami gi bakoi ngelo pujian neke marasia, maeh neke kayo ataupun neke ulun lain, meskipun sabagai rasul-rasul Kristus, kami iyuh nuntute neke kayo. ⁷ Sabalike, kami basikap leme lembut ta antara kaon, seperti saulun ine sa ngajaga dan ngarawat anak-anake kakarep. ⁸ Jari, huang kasih sayang sa hante gi kayo, kami kakan ngami gi kayo bakoi ekat Inji* Allah, melainkan lei welum kami kakarep gana kaon haot tamam kami kasihi. ⁹ Gana, kayo ingat, puloknai-puloknai, usaha dan gawian weat kami, kalahawe kami bagawi kandrau dan kamalem sapuya kami bakoi jari beban gekayo samantara kami ngabarkan Injil* Allah ge kayo. ¹⁰ Kayo ayelah saksi-saksi, dan lei Allah, batapa suci, bujur, dan koinaan helang kami welum ta antara kaon sa percaya. ¹¹ Kalah kayo karasa, kami nyompo, ngahibur, nunyu kami masing-masing, kalah saulun ambah nihi anak-anake kakarep, ¹² supaya kayo welum sasuai nihi pangakan Allah, sa nerauko gi huang karajaan dan kamuliaan-E kakarep. ¹³ Kami lei salalu ngucap syukur nihi Allah de hal iti, bahwa katika kayo narima firman Allah, sa kayo rengey neke kami, kaon narimae bakoi sabagai panderan marasia, malainkan sakalahawe sa haruse, ayehio panderan Allah, sa rahat bagawi ta antara kayo, ulun-ulun percaya. ¹⁴ puloknai-puloknai, kami haot jari ulun-ulun sa mandalami jemaat-jemaat Allah huang Yesus Kristus sa naan ta Yudea gana kayo haot ngalami penderitaan sa sama, sa baasal neke ulun-ulun sabangsako kakarep, sakalawe sa ire alami neke ulun-ulun Yahudi ¹⁵ sa haot ngunu Tuhan Yesus dan lei para nabi,* sarta ngusir kami. Ire bakoi pasanang Allah dan ngamusuh kaluhan ulun. ¹⁶ Ire ngahalangi kami de bapander nihi ulun-ulun lain Yahudi supaya ire iyut de salamatkan. Kalahiolah ire tarus papenu dosa ire, tatapi kasangit haot minaw entu neke ire kaluhane. ( Pangakan Paulus de Nganta Waleng Jamaat Tesalonika ) ¹⁷ puloknai-puloknai, sahaot de samantara waktu kami de pisahkan neke kayo -- sacara fisik, bakoi sacara roh -- kami samakin rindu dan kakan bakaka kindi ra'i nihi kayo. ¹⁸ Gana, kami kakan hawi gikayo, bahkan kuki, Paulus, haot papire kali, tatapi Iblis ngahalangi kami. ¹⁹ Gana hiekah harapan, sukacita, atawa mahkota kabangaan kami ta hadapan TuhanYesus nihi kahawi-E? ayelah kayo ²⁰ kayolah kamuliaan dan sukacita kami.