V 1 Teke Paulus, Silwanus, dan Timotius gi jemaat ta Tesalonika, sa naan huang Allah Bapa dan huang Tuhan Yesus Kristus. Anugerah dan damai hayak kayo. ² Taka salalu ngantuh syukur gi Allah dan ngantuh kayo huang doa kami, ³ salalu ingat gawian iman, usaha kasih, dan rajin huang pengharapanko ta huang Tuhan taka, Yesus Kristus, ta hadap Allah dan Bapa taka. ⁴ Puloknai sa nakasihi Allah, karasalah bahwa Aye haot midi kayo. ⁵ Ulah, Injil* kami bakoi hawi gi kayo huang pangantuh, tapi huang Kuasa, huang Roh Kudus*, dan nihi keyakinan penu; ngalut sa kayo karasa ulun sa ngalut inon kami iti ta helang kayo, pakai kepentingan kayo. ⁶ Kayo haot jari ulun-ulun sa ngalut welum kami dan Tuhan ulah kayo narima firman huang ajoh penderitaan nihi sukacita teke Roh Kudus, ⁷ supaya kayo jari teladan gi kaluhan ulun parcaya ta Makedonia dan Akhaya. ⁸ Ulah, teke kayo firman Tuhan sampengong bakoi ekat ta Makedonia dan Akhaya, melainkan ta satiap uneng, imanko gi Allah ta kabar hampe kami bakoi perlu ngantuh inon-inon lagi. ⁹ Sebab, ire kakarep bakesah tentang kami, kalawe kayo nyambut kami, dan kalawe kayo bapaling nihi Allah teke berhala-berhala* de ngalayani Allah sa welum dan bujur, ¹⁰ dan pakai ngandrei hawi Anak-E teke surga, sa haot Aye bangkitkan teke helang ulun matei, ayehio Yesus sa nyalamat taka teke murka sa kakan hawi.