¹ Keletu, eraiuntung-eraiuntung,aku ngumitau ampeko Injil, se aku beritakan ampeko, se ukah iko terima, se ba suangne iko sekondrong teguh. ² Koe Injil sio lou iko waselamatkan,asal iko sengkurut teguh ampe firman se ukah keberitakan ampeko,kecuali ikopersaya ali sia-sia. ³ Aku ukah mekampe ampeko, pertama-tama se penting,se lou akuterima bahwa Kristus mate agin dosa-dosa ta,apm sesuai ali Kitab Suci. ⁴ Ise ukah walowokng, Ise wabangkitkan ampe ondro ketolu sesuai Kitab Suci, ⁵ Ali bahwa Ise ukah menampakan Ompu-Ne ampe Kefas, kemudian ampe se kerueh belasd sio. ⁶ Se ukah sio,Ise menampakan ompu-Ne ampe lewi ante dimo jatus eraiutung-eraiuntung eraikaligus. Sebagian olai ante reo kiya wolupm ampe keletu,leka sesenu ukah mate. ⁷ Gane, Ise menampakkan ompu-Ne ampe Yakobus, Kemudian ampe awis rasul. ⁸ Penggawis , sama sara ampe anak se mekuh balum ondrone,Ise lou menampakkan ompu ampeku. ⁹ Ena, akulah se pengidik wa rokang rasul-rasul-Ne ali doho layak waontuh sebagai rasul koe aku menganiaya jemaat Allah. ¹⁰ Namun ,koe anugerah Allah ,aku siolah aku se keletu. Ali ,anugerah-Ne ampeki doholah sia-sia.Aku begawi lewi giat antepada reo awis,leka dohone aku,melainkan anugerah Allah se nyirikku. ¹¹ Koe agin sio, maeh koku ataupun reo, semayolah kain ngajar ali semayolah iko ukah persaya. Kebangkitan ante Kepatean ¹² Jika Kristus wa beritakan bangkit ante kepatean konone sesenu ba rokang iko montuh bahwa doho na,an kebangkitan? ¹³ Kalau doho na,an kebangkitan ante kematean,Kristus lou doho suah wabangkitkan. ¹⁴ Ali,jaka Kristus doho wabangkitkan,sia-sialah pemberitaan kain ali sia-sialah lou imanko. ¹⁵ Terlewi gane,kain lou wahalu sebagai saksi buak Allah koe kain ngumi kesaksian bahwa Allah ukah membangkitkan Kristus, se doho anta wabangkitkan-Ne,jaka memang bujur ulun mate doho wabangkitkan. ¹⁶ Ena,jaka ulun mate doho wabangkitkan,Kristus lou doho wabangkitkan . ¹⁷ Ali ,jaka Kristus s doho wabangkitkan , sia-sialah imanko, ali iko kiya naan suang dosa-dosako. ¹⁸ Semayo lou, reo se ukah mate suang Kristus lou ukah binasa. ¹⁹ Jika pengharapan ta,amp ba suang Kristus ekatagin wolump sina lou, ta,amp siolah ulunt-ulunt se paling malang ante awis meresia. ²⁰ Namun keletu, Kristus ukah wabangkitkan anter rokang ulunt mate, sebagai se uwa sulung ante awis ulunt persaya se ukah mate. ²¹ Ena, sama sara kepatean tenjari nyendalo erai ulunt, moko nyendalo erai ulunt loulah kebangkitan ante rokang ulunt mate tenjari. ²² Koe suang Adam awisne mate, semayo lou suang Kristus awisne anta wa wolupmkan. ²³ Namun, tiap-tiap ulunt menurut urutanne: Keristus sebagai uwa sulung, ukah sio reo se siolah pu,un Kristus, ampe pengawi-Ne gane, ²⁴ Kemudian awi kesudahanne, sesio lau Ise nyerahkan Kerajaan ampe Allah Bapa, lau Ise ukah membinasakan awis pemerintahan, awis kekuasaan, ali kekuatan. ²⁵ Ena, Ise harus memerintah ampe Allah ngandak awis musuh-Ne. ²⁶ Musuh penggawis se anta wabinasakan siolah kepatean. ²⁷ Ena, Allah ukah ngandak segala sesuatu ba iwe po,o-Ne.Namun, lau wa ontuh bahwa segala sesuatu ukah wa andak ba iwe_ne,jelaslah bahwa sina doho termasuk Allah saurang, se ngandak segala sesuatu ba iwe Kristus. ²⁸ Desung segala sesuatu Kristus, ukah sio anak saurang lou anta menaklukkan kompu ampe Ise, se menaklukkan awisne ba iwe Kristus sehingga Allah anta menjari segala-galane ba suang awisne. ²⁹ Jaka doho semayo, nonekah se anta walakukan koe reo se wabaptis agin ulunt mate doho wabangkitkan sama sekali, gane konone ulunt-ulunt membaptis bagi reo? ³⁰ Ali , konone kaint na,an suang bahaya setiap wayah? ³¹ Eraiuntung-eraiuntung , setiap ondro aku menghadapi kepatean, demi kebanggaanko suang iko ,se aku pu,un suang Yesus Kristus, Tuhan ta,apm. ³² sesara meresia , onekah untungku bertarng ali binatang-binatang buas ba Efesus? Jaka ulunt mate doho wabangkitkan, "Ayolah ta,apm kuman ali minum koe ndrodillo ta,apm mate." ³³ Ailah tertipu: "Pergaulan se buruk menghancurkan kebiasaan-kebiasaan se maeh," ³⁴ Sadarlah mulek ali maeh ali ai ngulah dosa. Ena, sesenu ulunt doho pu,unt pengenalan anta Allah.Aku montuh sina agar iko mai. Kebangkitan Tubuh Rohani ³⁵ Namun , erikulunt anta mihirik," Saraone ulunt mate wabangkitkan? Ali kompu nonekah reo anta wai gane?" ³⁶ Hai Ulunt bungul! One se iko tabur doho anta tumbu wolupm , kecuali ise mate lewi ponoh. ³⁷ Ali , one se iko tabur dohokah tubuh duloan se anta tumbu sio, melainkan bigi se beloh upak sara gandum atau bigi-bigian lain. ³⁸ Namun, Allah ngumine tubuh saraone ise ngenakan-Ne ali masing-masing bigi waumi tubuhne saurang-saurang. ³⁹ Doho awis daging siolah adging se sama, leka ekat erai daging meresia, ali lainne daging benatang-benatang, ali lainne daging pumpulu-pumpulu, ali lainne daging esa. ⁴⁰ Na,an lou tubuh surgawi ali tubuh duniawi,leka kemuliaan se surgawi sio berbeda ali kemuliaan se duniawi sio pun berbeda. ⁴¹ Kemuliaan bulan berbeda, kemuliaan bintang-bintang lou berbeda koe erai bintang berbeda ali bintang se lain suang kemuliaan. ⁴² Semayo lou ali kebangkitan ulunt mate. Wataburkan suang kebinasaan ,wabangkitkan suang kedohobinasaan. ⁴³ Wataburkan suang kehinaan, wabangkitkan suang kemuliaan. Wataburkan suang kelemahan,wabangkitkan suang kekuatan. ⁴⁴ Wataburkan sebagai kompu jasmani, wabangkitkan sebagai kompu rohani, Jaka na,an tubuh jasmani, na,an lou kompu rohani. ⁴⁵ Sara se tetulis ,"Meresia pertama, Adam, njari jiwa se wolump." Adam se pengawis njari roh se ngumi wolupm. ⁴⁶ Namu demikian, se rohani doholah se pertama . se pertama siolah se jasmani, ukah sio japelah se rohani. ⁴⁷ Meresia pertama tanjak ante bumi, sesio ante dabu tana. Meresia kerueh tanjak ante surga. ⁴⁸ Sama sara se tanjak dabu tana, semayo lou reo se tanjak ante dabu tana. Ali ,sama sara sew surgawi semayo lou reo se surgawi. ⁴⁹ saraone ta,apm waciptakan suang nau meresia tanjak ante dabu tana, ta,apm lou anta makai nau meresia se surgawi. ⁵⁰ Aku montuh sina ampeko, eraiuntung-eraiuntung, bahwa daging ali raya doho kate mewarisi Kerajaan Allah. Semayo lou se kate binasa, doho kate mewarisi se doho kate binasa. ⁵¹ Rongoilah! Aku montuh ampeko erai rahasia,ta,apm awisne, leka ta,apm awis ana waubah, ⁵² Pentung sio , suang sejap mato ka, lau trompet penggawis anta menain, ali ulun mate anta wabangkitkan doho kebinasaan ,ali ta,pm anta waubahkan ⁵³ Ena, se kate binasa sina harus makai se doho kate binasa.Ali ,se kate mate sina,harus makai se doho kate mate. ⁵⁴ Lau se kate binasa sina makai se doho kate binasa, ali se kate mate sina makai se doho kate mate, moko genaplah firman se ukah tertulis: "Kepatean ukah wa uman suang kemenangan." ⁵⁵ " Hai Kepatean, ba onekah kemennganko? Hai Maut , ba onekah sengatmu?" ⁵⁶ Singot maut siolah dosa, ali kuasa dosa siolah Hukum Taurat. ⁵⁷ Namun, ta,apm bersyukur ampe Allah se ngumi ta,apm kemenangan nyendalo Tuhan ta,apm Yesus Kristus. ⁵⁸ Jari , eraiuntung-eraiuntungku seiman se tuasi, sekondronglah wagas, ai goyah, melimpahlah selalu suang gawian Tuhan. Ena, io tau jerih uyuhko doho sia-sia ba suang Tuhan.