¹ Kejarlah tuasi ali kenakan ali bujur-bujur karunia-karunia rohani, terutama agar iko kate bernubuat. ² Ena, ise se sundro suang basa lela,doho montuh ampe meresia,leka ampe Allah; koe doho na,an ulunt se ngerti,leka ise sundro hal-hal se rahasia suang roh. ³ Namun , ulun se bernubuat montuh ampe meresia agin nengkuat, nasihat,ali penghiburan. ⁴ Ulunt-ulunt se sundro suang basa lela nengkuat kompune saurang,leka ulunt se bernubuat nengkuat jemaat. ⁵ Aku ngeharap iko awis sundro suang basa-basa lela, leka terlewi ,mao agar iko bernubuat. ulun se bernubuat lewi olai antepada ulun se sundro suang basa lela,kecuali jaka ise lou mengartikanne sehingga jemaat kate nerima peneguhan. ⁶ Eraiuntung-eraiuntung, Jaka aku awi ampeko ali sundro suang basa-basa roh, one untungne bagiko, kecuali jaka aku sundro ampeko ali penyataan,pengetahuan, nubuatan,atau pengajaran? ⁷ Bahkan, banda-banda se doho benyawa,sara suling atau kecapi se nengkualkan nain, jaka doho nengkualkan perbedaan suang nainne, saraone ulunt kate ngetahui alat one se lau wa mainkan, suling atau kecapi? ⁸ Atau,jaka trompet nengkualkan nain se doho jelas, isekah se anta mempersiapkan ompu agin berperang? ⁹ Semayo lou iko,jaka ali lelako, iko ngontuh penyudroan se doho katewamengerti, saraone ulunt tau one waontuh?Seolah-olah iko sundro ampe riwut. ¹⁰ Mungkin, na,an sarayo deo jenis basa badenia ali doho eraipun ante ampene se doho bew makna. ¹¹ Namun,jaka aku doho tau arti basa sio,aku anta njari ulun asing bagi ulun se sundro sio njari ulun asing bagiko. ¹² Semayo lou iko, koe iko bujur-bujur berusaha agin karunia-karunia rohani,berusahalah agar berkelimpahan agin nengkuat jemaat. ¹³ Koe sio ,kakanlah ulun se sundro suang basa lela bedoa agar ise kate mengartikanne. ¹⁴ Ena, jaka aku bedoa suang basa lela,rohku bedoa,leka pikiranku doho ngu,uwa. ¹⁵ Jari, onekah se harus aku gawi?Aku anta bedoa ali rohku ali aku lou anta bedoa ali pikiranku,aku anta menyanyi ali rohku ali aku lou anta menyanyi ali pikiranku. ¹⁶ Jaka iko ekat montuh syukur ali rohko saraone ali ulunt,se na,an suang posisi doho pu,un karunia sio, kate sundro,? Amin." mundan pengotuh syukurko sio koe ise doho ngerti one se iko ontuh? ¹⁷ Eraikalipun iko montuh syukur ali maeh,leka ulunt lain doho wanengkuat. ¹⁸ Aku bersyukur ampe Allah bahwa aku sundro suang basa-basa lela lewi ante iko awisne. ¹⁹ Namun,suang jemaat,aku lewi maeh sundro dimo penyurah ali pikiranku agar aku lou katengajar ulun lain,antepada sepuluh ribu penyurah suang basa lela. ²⁰ Eraiuntung-eraiuntung ai njati anak pea suang pikiranko. jarilah enja-enja suang kedaatan,leka suang pikiranko jarilah dewasa! ²¹ Sara tetulis suang Hukum Taurat, " koe ulun-ulun se pu,un basa asing ali koe wowa ulun-ulun asing, aku anta sundro ampe bangsa sina, leka reo doho anta ngrongoi Aku, firman Tuhan." ²² Jari, basa-basa lela siolah tanda, doho agin ulun se persaya, leka agin ulunt se doho persaya, sedangkan bernubuat siolah tanda, doho agin ulun se doho persaya,leka agin ulun se persaya. ²³ Jaka awis jemaat bekumpul sesama suang suatu wadah, ali awisne sundro ali basa-basa lela,lalu na,an ulun-ulun se doho menerti atau ulun-ulun doho persaya sinop, dohokah reo anta montuh bahwa iko ikah gila? ²⁴ Namun ,jaka awisne bernubuat, sesori na.an ulun se doho persaya atau ulun se doho ngerti sinop, ise anta wasadarkan koe awisne ali wanilai koe awisne. ²⁵ Rahasia suang atene anta nyata,ise anta tersungkur,ali menyembah Allah,mengakui bahwa sesungguhne Allah na,an ba rokang iko. Atuaran-Aturan suang Pertemuan Jemaat ²⁶ Jari, selanjudne saraone, eraiuntung-eraiuntung?Desung iko bekumpul, masing-masing pu,un mazmur,pengajaran,penyataan, basa lela,atay erai penafsiran.Ginoonmah awis sina wagawi agin membangun. ²⁷ Jaka na,an se bebasa lela, ginoonlah ekat rueh atau palinh deo tolu ulunt, ali masing-masing sesara beganti , ali harus na,an ulun lain se mengartikanne. ²⁸ Nmaun,jaka doho na,an ulun se mengartikanne, ise harus suni suang jemaat ali ginoonmah ise sundro ampe ompune saurang ali ampe Allah. ²⁹ Ginoonmah ekat rueh atau tolu nabi se sundro ali se lain mempertimbangkanne. ³⁰ Nmaun,jaka penyataan waulah agin ulun lain se tungoh ba iyo,ulun se pertama harus suni ³¹ Ena, iko awis kate bernubuat erai demi erai,agar awisne kate wa kuatkan . ³² Roh-roh buhan nabi tunduk ampe buhan nabi. ³³ Ena,Allah doholah Allah ante kekacauan,melainkan damai sejahtera, sama sara suang awis jemaat ulutn-ulutn Kudus. ³⁴ Wawe harus tatap suni suang jemaat koe reo doho waizinkan agin sundro, melainkan harus tunduk saraone Hukum Taurat lou montune. ³⁵ Jaka na,an sesuatu se kakan reo pelajari, ginoonmah reo mihirik ampe haraune ba lowu koe siolah hal se menemai bagi wawe agin sundro suang jemaat. ³⁶ Onekah firman Allah tanjak ante iko? atau onekah ekatampeko lou firman sio wa pakampe? ³⁷ Jaka na.an se bepikir bahwa ise siolah erailulun nabi atau ulun se rohani, ginoonmah ise tandru bahwa hal-hak se aku tulis ampeko siolah perintah Tuhan. ³⁸ Jaka na,an ulun se doho tandru sina ,ise doho watandru. ³⁹ Jari,eraiuntung-eraiuntungku , usahakanlah ali bujur-bujur agin bernubuat,ali ai ngelarang ulun sundro suang basa-basa lela. ⁴⁰ Namun, awisne harus wa gawi ali sopan ali teratur.