¹ Kiat-kiat tuu, imam-imam kepala mengadakan isa perundingan nihi para tua-tua, dan ahli-ahli Taurat, serta kaluhan Sanhendrin. Dan, here nuruk Yesus, nuna-E tulak, dan manyarahkan-E ga Pilatus. ² Balu, Pilatus nyantane ga Aye, "Inonkah Hanyu raja ulun Yahudi?" Dan, Aye manjawab e, "Hanyu sa ngantuh e." ³ Sahaot hio, para imam kepala manuduh Yesus batubi-tubi. ⁴ Dan, Pilatus nyantane lagi ga Aye, "Inonkah Hanyu koi manjawab e? Tena, pire kangajoh tuduhan here mat nawan-Nu." ⁵ akan tetapi, Yesus koi lagi manjawab hingga Pilatus heran. Yesus dan Barabas ⁶ Ta Hari Raya Paskah, Pilatus tau membebaskan bagi here erangkaulun tahanan sa kangakan here. ⁷ Dan, naan erangkaulun sa baaran Barabas haot na tahan pahengau para pembrontak sa ngulah pamunu huang sebuah pembrontakan. ⁸ Ulun ajoh hawi dan mulai lako ga Pilatus mat ngulah sameh kebiasaan sa aye lakukan bagi here. ⁹ Dan, Pilatus manjawab here nihi ngantuh, "Inonkah hanyu kakan mat aku membebaskan bagi nu Raja ulun Yahudi ina?" ¹⁰ Ulah, aye karasa bahwa para imam kepala haot manyarahkan Yesus ulah iri atei. ¹¹ Akan tetapi, imam-imam kepala malah memengaruhi ulun ajoh agar lako Pilatus membebaskan Barabas. ¹² Balu, Pilatus ngantuh lagi ga here, "Jadi, inon sa harus aku ulah nihi Ulun sa na antuh nu Raja Ulun Yahudi ina?" ¹³ Dan, here kamiak-kamiak lagi, "Salibkan aye!" ¹⁴ Udihio, Pilatus ngantuh ga here, "Uah inon? Kejahatan inon sa haot na ulah-E?" Namun, here kamiak-kamiak lebih mehet lagi, "Salibkan Aye!" ¹⁵ Ulah kakan mamuaskan atei ulun ajoh, Pilatus napas Barabas bagi here, dan sahaot mancabuk Yesus, aye manyarahkan-E mat na salibkan. Yesus Nakasese dan Nasiksa ¹⁶ Dan, para prajurit nuna Yesus suluk ga istana, ayehio gedung pengadilan, dan here nerau kaluhan pasukan bakumpul. ¹⁷ Balu, here masang-E jubah ungu, dan sahaot nare isa mahkota barundui, here masang e ga Yesus. ¹⁸ Udihio, here mulai nampe salam ga Aye, "Salam, Raja ulun Yahudi!" ¹⁹ Dan, here ngompak ulu-E nihi isa poring dan nura-E, balu sujud manyembah-E. ²⁰ Sahaot here ngasese Yesus, here napas jubah ungu neke Yesus, dan masang pama-E laerai. Balu, here nuna Yesus balua mat manyalibkan-E. Penyaliban Yesus ²¹ Dan, here memaksa ulun sa ganyah nangkah, Simon ulun Kirene, sa ganyah hawi neke desa, amah neke Aleksander dan Rufus, mat ngume salib-E. ²² Balu, here nuna Yesus ga uneng baaran Golgota, sa arti e "Uneng Tengkorak". ²³ Here ngami-E anggur basampur mur, tetapi Aye koi ngalap e. ²⁴ Udihio, here manyalibkan Aye dan ngabagi-bagi pama-E ta penah here, sambil medak undi mat menentukan bagian inon sa iuh na alap oleh masing-masing. ²⁵ Dan, saat hio jam katelu katika here manyalibkan-E. ²⁶ Dan, tulisan mengenai tuduhan ta hadap Yesus tatulis, "Raja Ulun Yahudi". ²⁷ Balu here manyalibkan rueh ulun perampok pahengau nihi Aye, erang kaulun tuhi kawan-E dan erang kaulun tuhi kawi-E. ²⁸ Jadi, tergenapilah kitab suci sa ngantuh, "Dan, Aye tahitung ta penah ulun-ulun durhaka." ²⁹ Udihio, ulun-ulun sa ganyah nangkah mahujat Yesus sambil ngitik ulu here dan ngantuh, "U! Hanyu sa kakan nyanruntun Bait Allah dan namuan e waleng huang telu andrau, ³⁰ salamatkanlah arep-Nu laerai dan minaulah neke salib!" ³¹ Kalahio lei imam-imam kepala, pahengau nihi para ahli Taurat, ngasese Yesus nihi ngantuh isa di salain, "Aye menyelamatkan ulun lain, tetapi Aye koi kaiuh menyelamatkan arep-E laerai! ³² Biarlah Mesias, Sang Raja Israel, wayah na minau neke salib mat takam iuh katena dan parasaya." here sa nasalibkan pahengau nihi yesus lei mencela Aye. Pampatei Yesus ³³ Pada saat jam kaenem, terjadi maieng ta kaluhan tane hio hampe pada jam kasuei. ³⁴ Pada jam kasuei, Yesus baseru nihi suara sa mehet, sa arti e "Allah-Ku, Allah-Ku, uah inon Hanyu nanan Aku?" ³⁵ Dan, sahaot karengei e, papire kaulun sa mindri ta riet-E ngantuh, "Tena! Aye nerau Elia." ³⁶ Balu, erangkaulun malempat, dan mangisi isa spons nihi anggur maasem, dan nga'nak e ta isa poring, dan ngami e ga Yesus mat na oot, sambil ngantuh, "Biarlah takam nena inonkah Elia akan hawi mat nampinau Aye." ³⁷ Udihio, Yesus baseru nihi suara mehet dan mengembuskan hewuk terakhir-E. ³⁸ Saat hio, tirai Bait Allah pawinsit jari rueh, neke entu hampe leba. ³⁹ Dan, katika kepala pasukan, sa mindri ta hadap Yesus, katena kala awe Yesus mengembuskan hewuk terakhir-E,aye ngantuh, "Sungguh, ulun ina ayelah Anak Allah!" ⁴⁰ Ta aro lei naan papire wawei sa katena neke lawit, ta penah here ayelah Maria Magdalena, dan Maria ine Yakobus Muda dan Yoses, serta Salome. ⁴¹ Katika Yesus naan ta wilayah Galilea, here uma Aye dan melayani Aye. Dan, ta aro naan ajoh wawei lain e sa hawi pahengau Yesus ga Yerusalem. Ngogang Yesus ⁴² Katika andrau haot kamalem, ulah andrau hio ayelah andrau persiapan, ayehio andrau samete andaru Sabat, ⁴³ Yusuf ulun Arimatea hawi, erangkaulun anggota majelis hante sa nahormati, sa arep e lei ngandrei panawi kerajaan Allah, nampaehei arep dan tulak ga Pilatus dan lako tenga Yesus. ⁴⁴ Pilatus emah karengei bahwa Yesus haot matei. Aye nerau kepala pasukan dan nyantane ga aye, inonkah tuu Yesus haot matei. ⁴⁵ Sahaot Pilatus karasa neke kepala pasukan, aye ngami manyat hio ga Yusuf. ⁴⁶ Dan, Yusuf midi kain linen dan nampinau manyat Yesus, sahaot ngabungkus-E huang kain lenan hio, aye nampakading-E ta huang ogang sa na kadi ta bukit watu. dan, aye mangulingkan isa watu ga pintu masuk ogang. ⁴⁷ Maria Magdalena dan Maria ine Yoses katena uneng manyat Yesus natampakading.